Prentsa Oharren banner

Udalaren Antzoki Sarearen Eguberrietako programazioak % 90etik gorako okupazioa izan du batez beste; lau ikuskizunetan, guztiz bete da aretoa

13 ikuzkizun izan dira, azaroaren 29tik urtarrilaren 3ra bitartean

Gasteizko Udalaren Antzoki Sarearen Eguberrietako  programazioak oso erantzun ona jaso du Gasteizko ikusleen aldetik: sarreren % 90 saldu dira ikuskizunen parte handi batean, eta lau ikuskizunetarako sarrerak agortu egin dira.

“Principal antzokian % 89koa izan da asistentzia, eta % 97koa sareko antzokietan. Beraz, emaitzak oso onak izan direla esan genezake, batez ere bizi dugun salbuespen-egoera kontuan hartzen badugu”, azaldu du Hezkuntza eta Kultura zinegotzi Estibaliz Cantok.

Azaroaren 29tik urtarrilaren 3ra bitartean, 13 ikuskizun eskaini dira; hamar Principal antzokian eta hiru Félix Petite eta Jesús Ibáñez de Matauco antzokietan. Musikarekin zerikusia izan duten ikuskizunak nabarmendu dira, eta familiei zuzendutakoak.

Egoera sanitarioaren ondorioz, Principal antzokiko edukiera 400 eserlekura murriztu da. Guztira, 3291 ikusle izan dira bertan.

Jesús Ibáñez de Matauco eta Félix Petite antzokien edukiera % 50era murriztu da; guztira 322 pertsona izan dira horietan.

“Arte eszenikoei bizirik eustea dugu helburu, kultur sarea babestuz eta herritarren behar kulturalak asebetez. Kultura segurua baita”, azpimarratu du Cantok.

Ikuskizunen datuak

Hauek izan dira sarrerak agortu diren ikuskizunak:

  • Izaro: ‘Limones en invierno’
  • Euskal Herriko Gazte Orkestra
  • Udalaren Musika Banda
  • Leo Bassi

Gainerako ikuskizunetan % 90 inguruko okupazioa izan da, taula honetan ikus daitekeenez:

PRINCIPAL ANTZOKIA
azaroaren 29aDéjà-vu, Manolo Alcántara% 89
azaroaren 10aRita, arrastoan sartzen% 75
abenduaren 16aUdalaren Musika Banda% 100
abenduaren 17aLehendakari Agirre.% 53
abenduaren 18aTodas hieren y una mata% 88
abenduaren 19a eta 20aEne kantak% 91
abenduaren 26aHesia urraturik, Xabier Lete in memoriam% 96
abenduaren 3aAitzina Folk Festival, Korrontxi% 96
urtarrilaren 2aIzaro: ‘Limones en invierno’% 100
urtarrilaren 3aEuskal Herriko Gazte Orkestra% 100
Okupazioa, batez beste% 89

 

GIZARTE-ETXEAK
abenduaren 11Yo Mussolini, Leo Basi. (Ibaiondo)% 100
abenduaren 16aAtalak 2.0 Laboratorio, Eneko Gil% 100
abenduaren 17aGozpuztu, Doos Colectivo (Hegoalde)% 96
Okupazioa, batez beste% 97

 

 

 

Share

Atxilotua Foru kaleko saltoki batean lapurtzeagatik

Udaltzainek 22 urteko gazte bat atxilotu zuten atzo Foru kaleko saltoki batean indarkeriaz lapurreta-delituaren ustezko egilea izateagatik.

23:00ak baino lehenxeago gertatu zen guztia, Koordinazio Zentralak lapurreta gertatzen ari zen aipatutako lokalera joateko patruila bat eskatu zuenean.

Udaltzainek eskuetan billete batzuk zeramatzala lokaletik ateratzen ari zen gazte bat aurkitu zuten. Sartzeko ateak behartu zituela eta kutxa erregistratzailetik hartutako 250 euro inguru zeramatzala egiaztatu zuten eta, ondorioz, patruilak atxilotu eta Agirrelandara eraman zuen. Zaintzako epaitegiak ezarritako izapidetzeak bete ondoren, aske utzi zuten.

Azken hogeita lau orduotan, Udaltzaingoak zirkulazioko zazpi istripu erregistratu ditu eta ez da zauriturik izan horietan.

Suhiltzaileak

Tenperatura baxuak eta izozte handiak direla eta, suhiltzaileek hiriko hainbat tokitako galtzadetan gatza botatzeko lanarekin jarraitu dute. Bestalde, teilatu-hegaletatik eta teilatuetatik elurra erortzeko arriskua dagoelako 18 esku-hartze egin dituzte; bestalde, Txalaparta kalean neurri handiko adar bat kendu zuten, eta elurrak herrestan eramandako fatxada bateko babesa Olagibel kalean.

Share

(audioarekin eguneratua) Gasteizek ez du ahaztua Borja Lázaro, desagertu zenetik zazpi urte bete diren honetan

Gorka Urtaran audioa

Gasteizko alkate Gorka Urtaranek elkartasuna, sostengua eta hurbiltasuna adierazi dizkio Borja Lázaroren familiari, Kolonbian desagertu zenez geroztik zazpi urte bete diren egunean. Gazte gasteiztarra non den lokalizatzeko aukera guztiak agortu daitezela eskatu du, eta orobat nabarmendu ditu zazpi urte hauetan —Borja Lázaro gogoratzeko— familiak, lagunek eta herritarrek gauzatu dituzten ekimenak.

2014ko urtarrilaren 7tik 8ra bitarteko gauean desagertu zen Borja Lázaro, Cabo de la Velan (Kolonbia). Geroztik, familiak eta lagunek ez dute aurkitzeko itxaropena galdu, eta, horregatik, etengabe mobilizatzen jarraitzen dute, ikerketekin jarraitu dadin, zer gertatu zen argitu eta Borja non dagoen jakin arte.

Koronabirusak eragindako egoera sanitarioaren ondorioz ekitaldi publikoak egiteko ezarritako murrizketak direla eta Borja Lázaroren desagerpenaren urteurreneko jarduerak sare sozialetan izango direnez, egun hauetan argitaratzen ari diren oroitzapen-mezuak jarraitu eta partekatzera animatzen ditu Udalak herritarrak.

Argibide gehiago twitter eta facebook-en: @paraderoborja

 

Share