Prentsa Oharren banner
Kategoriak: Prentsa oharrak  —  Etiketak:   —  Komunikazio Zerbitzua / Servicio de Comunicación  —  31 martxoa 2018 13:20

EKITALDIAREN BIDEOA

Ekitaldian Iñigo Agirre artistaren eskultura bat inauguratu da

“Beraien bizitzekin bukatzen saiatu ziren baina justu kontrakoa lortu zuten”, gogoratu du alkateak

“Beraien heriotzak ez ziren alferrik izan, beraiei esker demokrazian bizi gara gu”, esan du Teodoro Gonzalez de Zarateren bilobak

 

GORKA URTARAN ALKATEAREN ADIERAZPENAK (AUDIOA)

Gasteizko Udalak omenaldia egin die Teodoro González de Zárate alkate izan zenari eta erregimen frankistak hildako edo zigortutako pertsona guztiei. Teodoro González de Zárate demokratikoki hautatu zuten, eta hiriko alkatea izan zen 1931tik 1936ra arte; tropa frankistek Azazetako mendatean fusilatu zuten, altxamenduaren aurkako taldeetako beste 15 pertsonarekin batera. Horien artean, Juan Francisco Díaz de Arcaya Gasteizko zinegotzi sozialista.

 

Posta kalearen eta Agirre Lehendakariaren kalearen arteko bidegurutzean egin da ekitaldia, eta bertan izan dira alkate Gorka Urtaran, Udalbatzako zenbait zinegotzi, euskal erakundeetako ordezkariak, eta hainbat herritar. Teodoro González de Zárateren eta Juan Francisco Díaz de Arcayaren senideek ere bat egin dute omenaldiarekin.

 

Iñigo Agirre artistak egindako eskultura bat inauguratu da, beren ideia politikoengatik eta gerra garaian eta diktaduran demokrazia eta askatasuna defendatzeagatik errepresioa jasan zuten pertsonak aintzat hartzeko. Oroitzapenezko xafla bat darama eskulturak, gertakariak kontatzen dituen testu labur batekin. Orobat, ohorezko aurreskua dantzatu da.

 

“Gizon ona, zintzoa, zuzena eta bateratzailea izan zen Teodoro Gonzalez de Zárate”, esan du Gorka Urtaran alkateak. “Hiriarekin eta bertakoekin konprometitutako gizona. Eta berdintasunarekin, askatasunarekin eta justizia sozialarekin konprometitua”. Alkateak, gainera, frankismoaren aurka borrokatu zuten emakumeak goraipatu ditu. Eta esan du, bai Teodoro González de Zárate eta baita frankismoaren errepresioa pairatu zuten guztiek “gaur egiten diegun omenaldia merezi” dutela. Demokrazia, askatasuna eta berdintasuna defendatu zutelako. Gainera, Gorka Urtaranek azpimarratu duenez “beraien bizitzekin bukatzen saiatu ziren baina justu kontrakoa lortu zuten: betikotasuna. Beraiena eta defendatu zituzten ideiena”.

 

Maite González de Záratek, Teodoro González de Zárateren bilobak, esan duenez “gizon hauek eta beste asko askatasuna eta adierazpen askatasuna defendatzeagatik hil zituzten”. Baina beraien heriotzak ez ziren alferrik izan.  “Beraiei esker gu gaur demokrazian bizi gara”.

 

Ekintza horren bidez, baita “memoriagune” edo oroimen-lekuen seinaleztapenaren bidez ere, frankismoak Gasteizen eragindako biktima orori aintzatespena, elkartasuna eta maitasuna adierazi nahi zaizkie. Memoria Historikoa berreskuratzeko Udalak 2018an egingo dituen jardueretako batzuk dira. Hain zuzen ere, alkate dekretuz onetsitako Memoria Historikoaren Planean daude jasota ekintza horiek, zeinak oinarrian 2017ko urtarrileko osoko bilkuran hartutako erabakia baitu; EH Bildu, EAJ-PNV, PSE-EE, Podemos eta Irabazi-Ganar talde politikoek alde bozkatu zuten, eta PP abstenitu egin zen.

 

 

Share
Kategoriak: Deialdiak  —  Komunikazio Zerbitzua / Servicio de Comunicación  —  30 martxoa 2018 17:00

‘Vitoria-Gasteizko Memoria Historikoa’ eskultura agertzea

‘Vitoria-Gasteizko Memoria Historikoa’ eskulturaren inaugurazio ofiziala, Teodoro Gonzalez de Zarate eta orobat gerra zibilaren eta diktadura frankistaren biktimak gogoan.

Parte hartzaileak. Vitoria-Gasteizko alkate Gorka Urtaran; Udalbatzako ordezkariak; eta beste erakunde batzuetako ordezkariak

Eguna. Larunbata, martxoak 31

Ordua. 12:00

Tokia. Posta eta Agirre Lehendakaria kaleen bidegurutzeko plazatxoa

Share
Kategoriak: Deialdiak  —  Komunikazio Zerbitzua / Servicio de Comunicación  —  28 martxoa 2018 17:00

‘Vitoria-Gasteizko Memoria Historikoa’ eskultura agertzea

‘Vitoria-Gasteizko Memoria Historikoa’ eskulturaren inaugurazio ofiziala, Teodoro Gonzalez de Zarate eta orobat gerra zibilaren eta diktadura frankistaren biktimak gogoan.

Parte hartzaileak. Vitoria-Gasteizko alkate Gorka Urtaran; Udalbatzako ordezkariak; eta beste erakunde batzuetako ordezkariak

Eguna. Larunbata, martxoak 31

Ordua. 12:00

Tokia. Posta eta Agirre Lehendakaria kaleen bidegurutzeko plazatxoa

Share
Kategoriak: Prentsa oharrak  —  Etiketak:   —  Komunikazio Zerbitzua / Servicio de Comunicación  —   13:32


 

 

 

 

 

 

 

 

 

  • Instalazio honek osatu egiten du iaz Foru Aldundiak, Arabako Batzar Nagusiek eta Vitoria-Gasteizko Udalak biktima horien oroimenez egindako ekitaldia

Gaurtik aurrera, ‘Azazetan eraildako 16ak’ oroitzen dituen panel bat dago Azazeta herrian. Horren bidez, osatu egiten da iaz, frankistek egindako sarraski horren 80. urteurrenaren harira, A-132 errepidearen 16. kilometroan ipinitako oroitarria. Instalazio honek burutu egiten du Arabako instituzioek diktadura frankistaren biktimen oroimenez lurralde historikoan egindako ekimena.

Arabako Foru Aldundiak, Arabako Batzar Nagusiek, Vitoria-Gasteizko Udalak eta tokiko instituzioek omenaldi at egin zuren 2017ko apirilak 1ean ‘Azazetako 16 erailei’, sarraski frankista horren 80. urteurrena zela-eta. Ekitaldi hori Arabako herri horretan bertan egin zen eta, Urkullu lehendakaria buru zela, balio izan zuen diktadura frankistak Arabako Lurralde Historiko osoan eragindako biktimak gogoratzeko.

Krimen anker horiek Azazetako mendatearen inguruko basoan gertatu ziren, A-132 errepidearen 16. kilometrotik gertu, 1937ko martxoaren 31tik apirilaren 1era arteko goizaldean. Errepidearen leku horretan eraildako pertsonen omenezko oroitarria ipini zen.

Biktimak ikusiarazi eta oroitarriaren esangura azaltze aldera, oraingoan, gertakarien urteurrenean, informazio-panel bat jarri da Azazeta herriko iturriaren ondoan. Bertran, biktima guztien izenekin batera, izandako gertrakari latzen kontakizun labur bat ipini da.

 

1937ko apirilak 1

Hamasei arabar hauek politikoki konprometituta zeuden eta garai horretako hainbat korronte ideologiko eta alderditakoak ziren, denak ere matxinada militarraren kontrakoak. Mola Generalak agindu zuen hamaseiak hiltzeko, martxoaren 27an Vitoria-gasteizera egin zuen bisitan.

Hamaseiak atxilotuta zeuden Vitoria-Gasteizko espetxe probintzialean, Bakea eta Posta kalea elkartzen diren lekuan. Martxoaren 31ko gauean atxilotuak askatu egin zituzten, Ordena Publikoko ordezkariaren aginduz. Baina kartzela kanpoan atzera ere atxilotu egin zituen guardia zibil, errekete eta falangista talde batek. Orpoz orpo lotu zituzten eta jarraian beren-beregi prestatutako bi ibilgailutan sartu zituzten. Hiritik irten eta Lizarrarantz abiatu ziren. A-123 errepidearen 16. kilometrotik hurbil geratu ziren. Ibilgailuetatik aldendu ostean, ‘paseatuak’ mendian gora eraman zituzten, eskumako bide-bazterretik 70-80 metrora zegoen leku batera. Bertan erail zituzten, aurretik epaitu gabe, eta aurretiaz bertan egindako hobi batean lurperatu zituzten.

Krimen horien bidez, Arabako herritarrak izututa mantendu nahi izatean gainera, ohartarazpen eta izu mezu bat bidali nahi zen Bizkaira eta matxinatuen kontrako indar politikoei.

 

 

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —   12:38

 

 

 

 

 

 

Gasteizko alkate Gorka Urtaranek eta Arabako diputatu nagusi Ramiro Gonzálezek Gasteizko lurraldean eragina izango duten inbertsioak finantzatzeko hitzarmena sinatu dute gaur. Horri esker, Gasteizko Udalak 2,5 milioi euro jasoko ditu Foru Aldunditik, bigarren urtez jarraian, erabilera publikoko zenbait azpiegitura eta proiektu estrategiko sustatzeko.

Gorka Urtaranek nabarmendu du euskal erakundeen arteko lankidetzak udalerriari mesede egiten diola, eta akordioak lotzeko borondateari eta gaitasunari esker izan dela posible. Alkateak diputatu nagusiak Gasteizeko proiektu estrategikoekin duen inplikazioa eskertu du, eta bereziki Santa Barbara plaza eraberritzeko lanak eta Gasteiz Antzokia aipatu ditu.

 

Jarduera horietaz gain, 2,5 milioi euroko aparteko ekarpen ekonomikoaren zati bat kirol-ekipamenduak eraberritu eta hobetzeko eta espazio publikoko azpiegituretarako erabiliko da. Aurtengo hitzarmenean, gainera, iazkoan ez zeuden beste bi inbertsio sartu dira: Basaldea proiektua eta handizkako azoken eraberritzea.

Share
Kategoriak: Prentsa oharrak  —  Etiketak:   —  Komunikazio Zerbitzua / Servicio de Comunicación  —   12:30

Duela gutxi, Olarizuko Santa Maria eguneko arreta zerbitzuak (Adurtzan) ateak ireki ditu berriro, 1. graduko mendekotasuna duten adinekoentzat egokitzeko lau hilabetez lanak egin ondoren.

Gizarte Politiken eta Osasun Publikoaren Sailak 175.000 euro baino zertxobait gehiago inbertitu ditu bainugela geriatrikoa eta medikuen eta erizainen bulegoa eraberritzeko, aldagelak handitzeko, komunak egokitzeko eta instalazioak margotzeko.

“Horrela, espazio batzuk hobetu ditugu eta Zerbitzuen Zorroari buruzko Dekretuaren ondoriozko beharretara egokitu gara”, azaldu du Peio López de Munainek, zeina zentroan izan baita bisitan gaur goizean.

López de Munainek eguneko arreta zerbitzuen garrantzia azpimarratu du, “horietan erabiltzaileen mediku jarraipena egiten baitugu, eta estimulazio eta girotze jarduerak garatzen, gizarte eta familia esku-hartzeaz gain”.

Olarizuko Santa Maria eguneko arreta zerbitzuak 30 leku ditu; Udalak horrelako sei zentro ditu orotara. Beste bostak leku hauetan daude banatuta: Tomas Zumarraga Dohatsuaren kaleko eta Blas de Otero kaleko zainpeko apartamentuen beheko solairuan eta Aurora, Arkupeak eta Los Molinos egoitzetan.

Guztira 131 leku dira, eta datorren urtean 160 inguru izatera iritsiko dira, Berpizkundearen plazako zerbitzu berria eraikitzen denean. Izan ere, Kontratazio Mahaiak gaur goizean esleitu du eraikuntza-proiektua, eta lanak irailean lizitatzea espero da.

Bestetik, Udalak zentro horiek egokitzen jarraitzeko asmoa du. Laster, Tomas Zumarraga Dohatsuaren kaleko eguneko arreta zerbitzuko instalazioak berdiseinatzeari ekingo zaio, obra-proiektua idaztearren.

“Erabiltzaile zein familientzat balio handia duen zerbitzua hobetzen ari gara. Familiek atsedena eta sostengua aurkitzen dituzte, eta adinekoei ahalik eta autonomia handiena mantentzen edo berreskuratzen laguntzen diegu, beste pertsona batzuekiko harremana sustatzen dugu, eta etxean bizitzen eta ohiko ingurunean jarraitzerik izan dezaten ahalbidetzen”, esan du Gizarte Politiken eta Osasun Publikoaren zinegotziak.

Helburu horiek lortzeko, eguneko arreta zerbitzuek animazio soziokulturaleko zein estimulazioko programa bat garatzen dute, hainbat jarduera barne hartzen dituena: solasaldiak, psikoestimulazioa, musika-terapia, eskulanak, kultur bisitak, etab.

2017an, 3.000 jardueratik gora egin ziren zentro horietan. Azken 3 urteetan ia 400 pertsonari eman zaie arreta, gehienak (% 75) emakumeak. Erabiltzaileen batez besteko adina 85 urte da emakumeen kasuan, eta 80, gizonen kasuan.

Share
Kategoriak: Prentsa oharrak  —  Komunikazio Zerbitzua / Servicio de Comunicación  —   10:55

Gaurtik hasita ekainaren 15era arte eskatu ahalko dira ekintzaileentzako bekak, enpresa-proiektu lokalei garatzeko laguntza ekonomikoa emateko sortuak. Orotara 70.000 euroko aurrekontua dute; bekaren gehieneko zenbatekoa eskatzaile bakoitzeko 2.500 eurokoa izango da, eta gutxienekoa, 1.000 eurokoa.

Aurkeztutako proposamenak balioesterakoan, Gasteizko Udalak zero eta 100 puntu bitarteko baremoa ezarri du, zeinaren bitartez ebaluatuko diren proposatutako jarduerarekin lotutako prestakuntza teknikoa eta eskarmentu profesionala, proiektuaren definizio-maila eta kalitatea, haren bideragarritasun tekniko eta ekonomikoa, aurreikusitako lan-plana, eta proiektuaren interes-maila, aldagai hauei begira: promozio ekonomikoa, berrikuntza, sormen-industrien sustapena, lana sortzea eta ekonomia sozialaren garapena. Azken kontzeptuarengatik 30 punturaino lor daiteke.

Ekintzaileentzako bekak eskatzeko bigarren epe bat ere izango da, ekainaren 16tik irailaren 28ra arte.

Informazio gehiago: Ekintzaileentzako bekak, 2018

 

 

Share
Kategoriak: Deialdiak  —  Komunikazio Zerbitzua / Servicio de Comunicación  —  27 martxoa 2018 17:00

Udalaren eta Arabako Foru aldundiaren arteko hitzarmena, lurraldean eragina izango duten Gasteizko inbertsioak finantzatzeko

Parte hartzaileak. Vitoria-Gasteizko alkate Gorka Urtaran; eta Arabako ahaldun nagusi Ramiro González

Eguna. Asteazkena, martxoak 28

Ordua. 10:00

Tokia. Arabako foru jauregia (Lehendakari Agirre aretoa)

———————————

Santa Maria de Olarizu eguneko arreta zentroa berriro irekitzea

Parte hartzaileak. Gizarte Politiken eta Osasun Publikoaren zinegotzi Peio Lopez de Munain

Eguna. Asteazkena, martxoak 28

Ordua. 11:30

Tokia. Santa Maria de Olarizu eguneko arreta zentroa (Juan Bautista Gamiz kalea 10-12)

 

Share
Kategoriak: Prentsa oharrak  —  Etiketak: , ,   —  Komunikazio Zerbitzua / Servicio de Comunicación  —   13:56

 Gasteizek EUSKARALDIA: 11 EGUN EUSKARAZ ariketa sozialean izena eman du gaur goizean, martxoaren 27an, Oihaneder Euskararen Etxean. Izen ematea eta eragile ezberdinen parte hartzea talde argazki baten bidez irudikatu da. Bertan egon da Gorka Urtaran alkatea eta talde politikoen ordezkariak.

Euskaraldia ekimenak euskaltzaleak aktibatu nahi ditu beren egunerokoan euskaraz bizitzeko urratsak eman ditzaten. 2018ko azaroaren 23tik abenduaren 3ra, Euskaraldia: 11 egun euskaraz ekimena gauzatu nahi da Euskal Herri osoan.

Hamaika egun horietan, 16 urtetik gorako herritarrak ahobizi eta belarriprest bihurtu nahi ditugu. Parte hartzeko izen-ematea zabalduko da, eta identifikaziorako txapa baliatuko dute guztiek.

  • Ahobiziak, ulertzen duten guztiei euskaraz hitz egiten dieten lagunak dira. Baita ezezagunei lehen hitza, gutxienez, euskaraz egiten dietenak ere.
  • Belarriprestak, berriz, gutxienez euskaraz ulertzen duten kideak dira, gainontzekoei euskaraz aritzeko gonbidapena luzatzen dietenak.

Ekimen hau Gasteizko Euskaraldia Talde Eragileak antolatu du. Bertan,  Gasteizko euskalgintzako hainbat eragile, Gasteizko Udala eta beste entitate batzuk parte hartzen dute. Horietaz gain, izen emate ekitaldira, Gasteizko Euskaraldia ekimenean parte hartzen duten sustatzaileak eta norbanakoak gonbidatu dira, baita hiriko talde politikoak ere.

 

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —   12:04
  • Herrialde hartako gida turistiko garrantsitsuenetako batean agertuko da gure hiria

Martxoaren 28an eta 29an, Marco Polo gidako bi kazetari alemaniar etorriko dira Gasteizera bisitan, Euskadiko hiriburuko erakargarri nagusiak ezagutzera; gida hori herrialde hartako garrantsitzuenetako bat da. Historia eta kultura ondarearekin, iraunkortasunarekin eta enogastronomiarekin lotutako eskaintza erakutsiko zaie. Kazetariek jasotzen duten informazioa Marco Polo gidak Espainiari buruz egiten duen hurrengo edizioan sartuko dute, zeina 2019ko martxoan argitaratzekoa baita.

“Prentsa-bidaia horrek eta antzeko beste askok 2018an Gasteiz hainbat hedabidetako kazetariei erakusteko balioko dute, hiria bertatik bertara ezagut dezaten eta ditugun turismo erakargarri eta baliabide guztien berri eman dezaten beren argitalpenetan. Alemaniarekin airetiko lotura zuzena dugunez, bidaia hau bereziki interesgarria da hiria promozionatzeko gure estrategiaren barruan. Joan den astean erakunde misioan joan ginen Coloniara, eta Alemanian merkatu-nitxo garrantzitsua dugula egiaztatu ahal izan genuen. Hori azaldu ziguten hainbat turismo-eragilek. Aukera horri ahalik eta etekin handiena atera behar diogu“, adierazi du Enpleguaren eta Garapen Ekonomiko Iraunkorraren zinegotzi Nerea Melgosak.

Kazetari alemaniarrek bihar eta etzi Gasteizera egingo duten bisita Espainiak Frankfurten duen Turismo Bulegoaren eta Basquetour Euskal Turismo Agentziaren laguntzarekin antolatu da.

 

 

 

 

 

 

Share

Aurrekoak »