Prentsa Oharren banner
Kategoriak: Deialdiak  —  Komunikazio Zerbitzua / Servicio de Comunicación  —  9 urtarrila 2019 17:00

– Zadorraren Ibilbide Berdearen bide-zati berri baten inaugurazioa, Gasteiz eta Krispiña artean.

Parte-hartzaileak: Gasteizko alkate Gorka Urtaran eta Arabako diputatu nagusi Ramiro González.

Eguna: Urtarrilak 10, osteguna

Ordua: 11.00

Lekua: Eraztun Berdearen eta Zadorraren Ibilbide berriaren arteko lotunea (Oto hiribidea, 81). Kokapen zehatza hemen

————————————————————–

– Principal antzokiko neguko eta udaberriko programazioaren aurkezpena

Parte-hartzailea: Estíbaliz Canto, Kultura, Hezkuntza eta Kirol zinegotzia.

Eguna: Urtarrilak 10, osteguna

Ordua: 11:30

Lekua: udaletxeko prentsa-aretoa.

Share
Kategoriak: Udaltzaingoaren eta suhiltzaileen jakinarazpenak  —  Etiketak:   —  Komunikazio Zerbitzua / Servicio de Comunicación  —   13:12

Bi langile atxilotuta geratu dira bidegabeko egoeragatik

 

Udaltzaingoak espediente bat ireki dio ibilgailuen salerosketan eta konponketan aritzen zen legez kanpoko tailer mekaniko bati. Auto horietako batzuk Europa iparraldetik ekartzen zituzten.

Joan den abenduan hasi ziren ikerketak, hain zuzen ere, Arkatxa kaleko lokal batean, Oreitiasolo industrialdean, jarduera-baimenik gabe lanean ari zitezkeela zioten zenbait informazio jaso ondoren.

Udaltzaingoa tailer horretara joan ondoren, barruan hiru gizonezko topatu zituen, ibilgailuak konpontzeko lanean zihardutela. Koipe eta olio orbanez zikindutako arropak soinean eraman arren, udaltzainak nahasten saiatu ziren haiek denak, bezeroak besterik ez zirela adieraziz. Haietako inork ere ez zuen lan-kontraturik. Tailerreko arduradunei buruzko daturik ere ez zuten eskaini.

Polizia Nazionalarekin egiaztapen-lan egokiak egin ondoren, pertsona horietatik bi, 35 eta 50 urtekoak, Atzerritartasun Unitatera eraman zituzten, bidegabeko egoeran zeudelako.

Tailerrean begiz egindako ikuskapen horretan, guztira, bederatzi ibilgailu zenbatu zituzten: 4 auto, 3 furgoneta, quad 1 eta lur orotako ibilgailu 1. Une horretan ibilgailu horietakoren batek matrikularik ez zuen arren, denek legez zituzten paperak.

Poliziak egindako ikerketa horiei esker, tailerreko arduraduna topatu ahal izan zuten, eta jakinarazi zioten debekatuta zuela jarduera horrekin aurrera jarraitzea eta zegokion administrazio-espedientea ireki zitzaiola.

2018an zehar, Udaltzaingoak beste zazpi lokaletan esku hartu du, eta horietan guztietan, ustez, legez kanpoko konponketa mekanikoak egiten ziren, eta horrexegatik, txosten batzuk prestatu dira Ingurumeneko udal departamentuari bidaltzeko.

Errekisitoria judizial baten ondorioz atxilotua

Udaltzaingoaren agenteek 40 urteko gizonezko bat atxilotu zuten atzo, bilatzeko, atxilotzeko eta Gasteizko Epaitegian aurkezteko errekisitoria judizial bat baitzeukan gainean. San Antonio kaleko Udalaren Gizarte Larrialdietarako Zerbitzura joan ondoren identifikatu zuten.

Herri barruko autobus bateko bidaiaria zauritu da

Herri barruko autobus batek istripua izan zuen atzo Zaramaga kalean, geltokian bidaiariak autobus barrura sartzen ari zirela. Antza denez, matxura mekaniko baten ondorioz, ibilgailuak zazpi bat metro aurrerantz egin zuen, eta azkenean talka egin zuen bi piboteren aurka, baita edukiontzi baten aurka ere, eta edukiontzi horrek, gero, aparkatutako ibilgailu bat jo zuen. Une horretan autobusera igotzen ari zen 41 urteko bidaiari emakumezko bat zaurituta geratu zen, eta horren ondorioz, bertaraino etorritako larrialdi-zerbitzuek arreta egin ondoren, Santiago Ospitalera eraman zuten.

Udaltzainek beste 16 trafiko-istriputan esku hartu zuten atzo, nahiz ez zen inor zauritu eta ez zen inor ikertu bide-segurtasunaren aurkako delituak egiteagatik; 19 salaketa izapidetu zituzten eta Polizia Judizialak 5 jarduera burutu zituen.

 

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —   12:34

Kultur proiektuak, turismoa eta garapen ekonomikoa bultzatzen ditu plataforma horrek duela 20 urtetik hona, kide diren hirietan

 

Espainiako Judutegien Sareko kide izan nahi du Gasteizek. Duela 20 urte sortu zen plataforma hori, kultur proiektuak, turismoa eta garapen ekonomikoa bultzatzeko, judu-komunitateak bizi izandako Erdi Aroko hiriguneetan haiek utzitako ondare arkitektonikoa, historikoa eta kulturala duten hirietan.

Enpleguaren eta Garapen Ekonomiko Iraunkorraren zinegotzi Nerea Melgosak aldeztu du gaur, Madrilen, Gasteizen hautagaitza, juduek Gasteizen utzitako legatu historikoa aintzat harturik, eta orobat kultur jarduera eta proiektuen ibilbide bat sortzeko aukera.

Juduen ondare historikoa eta legatua aldezteko elkarrekin lanean diharduten udalerriek osatzen dute Caminos de Sefarad Espainiako Judutegien Sarea, zeinek proiektu kulturalak, turistikoak eta akademikoak sustatzen baititu, eta Estatuan nahiz nazioartean esperientziak trukatzeko politika bideratzen, herriak, kulturak eta tradizioak ezagutarazten eta elkar errespetatzen laguntze aldera.

Ávila, Bartzelona, Cáceres, Calahorra, Córdoba, Lizarra, Hervás, Jaén, León, Lucena, Monforte de Lemos, Oviedo, Plasencia, Ribadavia, Segovia, Tarazona, Toledo eta Tutera, guztiak ere beren judutegiak berreskuratzen ari dira duela 20 urtetik hona, ahanzturatik libra daitezkeen etxeak, kaleak, jauregiak eta bestelako eraikinak eraberritzen eta jatorri eta gisa orotako judu-familien bizitzak ezagutarazten denbora eta baliabideak inbertituz. Historia ahaztua, bostehun urteren buruan agerian jarri eta berreskuratua.

Irabazi-asmorik gabe dihardu elkarteak, independentzia osoz, legatu hori aldezten. Juduen Ondarearen Europako Ibilbideko kide fundatzailea da Espainiako Judutegien Sarea, eta zabalkunde-lan handia egiten du atzerrian.

 

 

 

Share