Prentsa Oharren banner

Prentsa-deialdiak (2019-04-26)

Prentsaurrekoa. Hizarmena Sinatzea Vitoria-Gasteizko merkataritza eragile garrantzitsuenekin

Parte hartzaileak. Vitoria-Gasteizko alkate Gorka Urtaran; Gasteiz ON elkarteko presidente Marta Bengoetxea; eta AEnkomer elkarteko presidente Jon Andoni Aspuru

Eguna. Ostirala, apirilak 26

Ordua. 11:00

Tokia. Udaletxeko prentsa aretoa

(*) Hitzarmena aurkeztu eta gero, alkateak Gobernu Batzordean hitz egindako gaien berri emango du

Share

Zortzi istripu zauriturik gabe

Azken 24 orduetan, zauriturik izan ez den 8 trafiko-istriputan esku hartu du Udaltzaingoak eta 26 salaketa izapidetu ditu Agirrelandako polizia-etxean.

 

Ibilgailu batek su hartu du 

Gaur goizaldean 6:14ean Bekolarra kalean suhiltzaileek esku hartu dute, sutan zegoen ibilgailu bat itzaltzeko. Mercedes Benz enpresako langileak itzalgailu batez sua itzaltzen saiatu dira, baina beharrekoa izan da SPEIS zerbitzuko lantalde batek jardutea, su hori itzaltzeko.

Share

Arabako gozogileek San Prudentzio tarta entregatu diote Gorka Urtaran alkateari

Arabako Pastelgile eta Gozogileen Elkarteak gaur goizean egin du San Prudentzio tarta Gasteizko alkateari emateko ekitaldi tradizionala.

Gozogileen elkarteko lehendakaria, Luis López de Sosoaga, Gasteizko, Bilboko, Bartzelonako eta Miranda de Ebroko 30 pastelgile baino gehiago lagun zituela agertu da.

Sasoi honetan San Prudentzio jaia aitzakia hartuta egin ohi den ekitaldi tradizionala da San Prudentzio tarta entregatzekoa.

Ekitaldi horrez gain, apirilaren 28an herri-txokolatada egin ohi da Plaza Berrian.  Aurten, elkarteak lehenengo “San Prudentzioetako Sari Gozoa” emango dio José Ramón Diez Unzuetari.

Share

Alkateak nabarmendu du elkarlanari esker lortu dela Forondako aireporturako H24 jarduna berreskuratzea

“Azpiegitura estrategikoa da Gasteizerako, eta horregatik lanean jarraitu behar dugu bidaiarien hegaldiak eta salgaien garraioa handitzeko”

 Gorka Urtaran alkatearen adierazpenak

Zazpi urteren buruan, Gasteizko aireportuak H24 jarduna berreskuratu du, hau da, eguneko 24 orduetan jarduteko aukera. Gorka Urtaran alkatea instalazioetara hurbildu da, eta lortutakoaren garrantzia nabarmendu du, euskal erakundeen, gobernu zentralaren, Merkataritza eta Industria Ganberaren eta Arabako aireportuaren alde egin duten talde guztien arteko elkarlanari esker eskuratu baita.

“Aurretik mugako ikuskaritza gunea eta hegaldi erregularrak berreskuratu ziren, eta zama jarduera handitu egin zen. H24ari esker askoz erakargarriagoak izango gara orain”, adierazi du Gorka Urtaranek. Elkarlanak emaitza positiboak ematen ditu. “Bide horretatik jarraitu behar dugu. Foronda azpiegitura estrategikoa da Gasteizerako, eta horregatik lanean jarraitu behar dugu bidaiarien hegaldiak eta salgaien garraioa handitzeko“, erantsi du alkateak.

 

 

 

 

 

Share

Lo egiteko bikaintzat jotako “Vitoria-Gasteiz logelaren” sari banaketa

Gaur goizean banatu dira “Vitoria-Gasteiz logelaren” bi sariak, hau da, lo egiteko optimotzat jotako irizpideei jarraituz bi logela berritzeko behar diren altzariak eta dekorazioa.

Europa iparraldeko Ikea enpresak eta Loaren Espainiako Elkartearen XXVII. Topaketaren antolatzaileek emandako sariek urrezko amaiera eman diote Gasteizek 2019an hartu duen biltzar handienetako bati.

Sariak irabazi dituzten bi familiek loaren medikuntzaren alorreko adituen esanak betetzen dituen logela bana —Vitoria-Gasteiz logela” izenez bataiatua— lortu dute. Ikeak Barakaldon duen saltokian kopiatuko da eredua, eta estatu osoan zein munduko hainbat lekutan zabaltzea aurreikusi da.

 

 

Share

Bonodenda 2019 kanpaina iritsi da, 2.000 deskontu-txartelekin, tokiko saltegietan erosketak egitea sustatzeko

Bonodenda kanpainaren bosgarren edizioak, guztira, 2.000 deskontu-txartel jarriko ditu herritarren esku —iaz baino 200 gehiago—, erosketak % 20ko deskontuarekin egin ahal izateko. Bihartik (apirilaren 26a) uztailaren 6ra arte, tokiko ehun saltegi baino gehiagok parte hartuko dute kontsumoa sustatzeko ekimen honetan, zeinean lankidetzan baitihardute Gasteizko Udalak, Arabako Foru Aldundiak eta AEnkomer-ek (Arabako Merkataritza eta Zerbitzuetako Enpresariak).

Deskontu-txartelen kopuru errekor horrekin, iazko emaitza ona gainditu nahi dute; iaz, 140.351,58 euroko balioko salmentak eragin ziren hiriko saltegi espezializatuetan. “Honelako ekimenei esker kontsumitzaileak gerturatu daitezke tokiko saltegietara, eta haien eskaintza hurbila ezagutu, eta ematen duten kalitateko tratu profesionala ezagutu. Norbaitek gure saltegien abantailak ezagutzen dituenean, berriro etortzen da”, adierazi du Enpleguaren eta Garapen Ekonomiko Iraunkorraren Saileko zinegotzi Nerea Melgosak.

“Arabako txikizkako saltegiak funtsezkoak dira gure herri eta hirietako enpleguan, aberastasunean eta gizarte-bizitzan. Saltegiek eta erakunde publikook lanean jarraitu behar dugu sektorea sendotzeko, modernizatzeko eta haren lehiakortasuna hobetzeko, Bonodenda eta antzeko ekimenekin, inbertsioa sustatzeko programekin eta kontsumitzaileak sentsibilizatzeko kanpainekin”, gehitu du Arabako Foru Aldundiko Enplegu, Merkataritza eta Turismo Sustapeneko zuzendari Juan Felipe García Miravallesek.

Kanpainari atxikitako saltegi guztietan trukatu ahal izango dira deskontu-txartelak. Aurreko edizioetan bezala, txartel bakoitzaren salneurria 40 eurokoa izango da, eta horrekin 50 euroko erosketak egin ahal izango dira; % 20ko deskontua izango da, beraz. Horretaz gain, erosketak erakargarri egiteko, tiketaren batez besteko balio handiagoa duten saltegietan, bi txartel ere (gehienez) erabili ahal izango dira batera erosketa berean, 100 eurotik gorako erosketetan.

“Kontsumoa dinamizatzeko ekintzek, Bonodenda kasu, laguntzen dute enplegua mantentzen eta tokiko saltegiak iraunarazten, batez ere sektorea birmoldatze-fase garrantzitsu bat jasaten ari den une honetan”, azpimarratu du AEkomerreko zuzendari kudeatzaile Edurne Parrok.

Berriz ere, Bonodenda kanpaina Gorbeialdea eskualdera iritsiko da, eta eskualdean erabiltzekoak diren txartelen kopurua 2018an erabilitakoaren halako bi izango da. Halaber, inguru horretako eskaintzaren ezaugarrietara egokituko da kanpaina, askoz lotuagoa baitago gertuko merkataritzarekin eta elikadurarekin. Zehazki, 20 euroko bonoak erosi ahal izango dira, zeinek 25 euroko erosketak egiteko aukera emango baitute atxikitako saltegietan.

Aurreko edizioetan bezala, Bonodendako 2.000 txartelak honako leku hauetan erosi ahal izango dira: Gasteizen, Rural Kutxaren bulegoetan eta AEnkomerreko bulegoan (Aiztogile kalea, 61), eta Gorbeialdea eskualdeko zenbait saltegitan.

Kanpainan parte hartzen duten saltegi guztien zerrenda  AEnkomerren webgunean kontsultatu ahal izango da, bihartik aurrera: www.aenkomer.com. Gasteizen bertan, 100 saltegitik gora atxiki zaizkio kanpainari, eta kopuru hori handitzen joango da datozen egunotan; ez da beharrezkoa AEnkomerren barruan egotea kanpainan parte hartzeko. Aipatzekoa da parte hartuko duten sektoreen barietatea: elikadura, jantziak, oinetakoak eta jantzi-osagarriak, aisialdi- eta kultura-jarduerak, kirolak, bitxi-dendak, etxeko gauzak, lore-dendak, farmazia eta zerbitzuak, besteak beste.

Share

Maiatzaren 4an TEDxVitoriaGasteiz ekitaldiaren aurtengo edizioa egingo da Europa jauregian

Larunbatean (maiatzak 4) TEDxVitoriaGasteiz ekitaldiaren 2019ko edizioa egingo da Europa jauregian; ekitaldi hori dagoeneko sendotuta dago hirian, duela lau urte egiten baita. Egun bakarrean hainbat alorretako adituek (teknologia, entretenimendua, diseinua, zientzia, humanitateak, negozioak, garapena…)  hitzaldi dinamikoak ematen dituzte, eta jarduera osagarriak ere antolatzen dira “formatu fresko eta oso dinamiko batean, interes handiko profesional eta pentsalariak ezagutzeaz gain ideiak partekatzeko aukera ematen duena”, azaldu du Enpleguaren eta Garapen Ekonomiko Iraunkorraren zinegotzi Nerea Melgosak.

Cristina Juesas da proiektuaren Gasteizko arduraduna, eta edizio honetan jolasa berraurkitzeko gonbita luzatu digu “ikasteko funtsezko elementua da; harritu gaitezen haurtzaroko inozentzia berarekin. Zabal diezazkiogun begiak mundu zoragarri honi. Gure egunerokotasunean, errutinak hartzen ditu gure bizitzak, gure lanak, gure familiak… eta, bitartean, ehunka gauza ari dira gure inguruan gertatzen; baina oharkabean, ez dira lehen begiratuan ikusten. Jolasez eta jakin-minez beteriko haurtzarotik, ohitura eta axolagabetasunez beteriko helduarora igarotzen gara, eta horrek inguruan duguna aintzatestea galarazten digu. Mundu harrigarri oso bat dago deskubritzeke”.

 

2019 speaker-ak: http://tedxvitoriagasteiz.com/es/

 

Share