: Prentsa oharrak

El Corte Ingleseko pasabidea da Alain Larreina artistak Araba mailako emakumezkoen kirola ikasaraztea xede duen esku-hartze artistikoa gauzatzeko erabilitako kokalekua. Gaur arratsaldean murala jendaurrean aurkezteko egin den inaugurazioan, egileari lagun egitera hurreratu dira, besteak beste, Kultura, Hezkuntza eta Kirol zinegotzi Estíbaliz Canto eta hainbat kirolari: Araski eta Gaztediko jokalariak, Tania lamarca, Maider Unda, María Ascasso, Eli Pinedo, Elena Loyo, Nagore Martín eta Lourdes Oyarbide.

Gaur arratsaldean, Gasteizko Udaletxean harrera-ekitaldia egin zaie probintzia-auzitegietako lehendakariei, haien XIX. Jardunaldi Nazionalak direla eta. Ekitaldian, Gorka Urtaran alkatea buru zela, Arabako Probintzia Auzitegiko lehendakari Mercedes Guerrero eta Botere Judizialaren Kontseilu Nagusiko kide Carmen Llombart izan dira.

Gaur itxiko da programa Gasteizen ezarrita dauden erlijio nagusietako ordezkarien arteko mahai-inguru batekin: Eliza Ortodoxoa, Euskal Herriko Kontseilu Ebanjelikoa, Eliza Katolikoa, Gasteizko Elkarte Musulmanen Plataforma

Bizikidetza eta Aniztasun Zerbitzuak bultzatu duen Erlijio-aniztasunaren udal kudeaketaren erronkak eta aukerak topaketa-zikloaren egoitza izan da egunotan Bibat museoa.

Helburua elementu erlijiosoak nola eragiten duen eta gai hauek beste udalerri batzuetan nola landu diren aztertzea da. Izan ere, erlijio sinesmenak pertsonen pribatutasunaren parte dira, baina eragin argia dute eremu publiko eta sozialean. Aldi berean, botere publikoek Estatuaren eta konfesio erlijiosoen arteko bereizketa bermatu behar dute, eta neutraltasunez jokatu.

Udalek erlijio askatasuna gauzatu ahal izateko funtsezkoak diren zerbitzuak ematen dituzte: gurtza-lekuei loturiko hiri-plangintza eta -antolakuntza, hilerriak eta hileta-zerbitzuak…, eta beste zerbitzu batzuetan erlijioari loturiko elementuak aintzat hartzen dituzte kudeaketa ahalik eta eraginkorrena izan dadin: gizarte-zerbitzuak, segurtasuna eta ordena publikoa, espazio publikoen erabilera, kultur eta kirol jarduerak…

Gaur itxiko da topaketa-zikloa, 19:00etan, Gasteizen ezarrita dauden erlijio nagusietako ordezkarien arteko mahai-inguru batekin: Eliza Ortodoxoa, Euskal Herriko Kontseilu Ebanjelikoa, Eliza Katolikoa, Gasteizko Elkarte Musulmanen Plataforma.

Aurten, EDP Vitoria-Gasteiz Maratón Martín Fiz lasterketa oso berezia izango da Arabako hiriburuan bilduko diren milaka lasterkari eta patinatzaileentzat; egun paregabea izango da, kirol herrikoiaren benetako jaia, eta inoiz baino solidarioagoa.

Hauek arduratu dira ekitaldia prentsaren aurrean aurkezteaz:  Estíbaliz Canto, Hezkuntza, Kultura eta Kirol zinegotzia; Igone Martínez de Luna, Euskara, Kultura eta Kirol diputatua; José Luis Bastarrica, Kutxabank-eko Red Araba-ko zuzendaria; Aitor V. Morell eta Juanjo Fernández, EDP Vitoria-Gasteiz-ko zuzendaria eta salmenten burua, hurrenez hurren, eta Martín Fiz, EDP Vitoria-Gasteiz Maratoiaren zuzendari teknikoa.

Aurreko urteetan bezala, Txikien Maratoirako eta Txiki Rollerrerako izen-emateetan bildutako diru guztia kausa solidarioa batera joango da. Horretaz gain, Breakfast Run ekintzarako izen-emateetan bildutakoa ere solidarioa izango da, euro bateko inskripzio sinbolikoa eskatuko baita. Diru guztia Aspanafoa elkarteari emango zaio.

Zirkuituan egokitzapen ugari egin behar izan da, hirian egitekoa den beste kirol ekitaldi handi baten eraginez: saskibaloiko Final Four. Izan ere, ekitaldi hori hurrengo asteburuan bada ere, aurreko astetik egingo dira jarduera paraleloak. Hiriko azpiegiturak (tranbia eta autobus elektrikoa) hobetzeko lanak ere gehitu behar zaizkio horri. Horregatik guztiagatik, ezinezkoa gertatu da irteera eta helmuga hiriaren erdialdean jartzea, ohi bezala, eta hainbat tokiko eragilerekin batera antolaketa lan handia egin ondoren, irteera eta helmuga Mendizabalera aldatzea erabaki da; horrenbestez, 42 kilometro eta 197 metroko ibilbidea ere aldatu behar izan da.

Jai eta kirol jardunaldia goizeko 9:00etan hasiko da, oinezko lasterketekin: 42K (maratoia), 21K (maratoi erdia) eta 10K; Lasarteko atetik aterako dira horiek. 12:00etan Txikien Maratoiaren txanda izango da, eta 12:15ean Txiki- Roller lasterketa aterako da, Mendizorrotzeko kiroldegitik. 21K eta 42K distantzietako patinatzaileak 15:00etan abiatuko dira Lasarteko atetik, ziztu bizian hiriaz bereganatzeko.

Zirkuitu lau eta homologatuak

Edizio honetan egin behar izan diren behin-behineko aldaketak gorabehera, EDP Vitoria-Gasteiz Maratón Martín Fiz lasterketaren antolatzaileek zirkuitua homologatu nahi izan dute; aurtengo ibilbidearen ezaugarri nabarmengarriena laua izatea da. Hiri zirkuitua —oso  erakargarria parte-hartzaileentzat—Europako Hiriburu Berdeko kale nagusietatik igaroko da, eta auzo modernoetara ere hurbilduko da. Goizeko 9:00etan abiatuko da Lasarteko atetik (Mendizabala) eta helmuga leku berean izango da.

Milaka lasterkarik, patinatzailek, laguntzailek eta turistek esperientzia paregabea biziko dute kirol ekitaldien antolakuntzan gero eta gehiago nabarmentzen ari den hiri batean. Martín Fizek esan duenez, Green Capital izateaz gain kirolaren europar hiriburua izatea mereziko luke hiriak. Txikien maratoian kilometro bat egingo dute, eta txikien patinen gaineko maratoian, 2 km ( 2 bira).

Elkartasuna txikien eta Breakfast Run ekintzaren eskutik etorriko da. Zehazki, hilaren 11n (larunbata) egingo da Breakfast Run deritzonaren hirugarren edizioa, 10:00etan: entrenamendu arina Martin Fiz mundu txapeldunarekin, eta ondoren, gosari osasungarria. Igandeko txikien lasterketetan bildutako dirua, baita Breakfast Run-en bildutakoa ere, Aspanafoa-minbizia duten haurren gurasoen Arabako elkarteari emango zaio, zeinak minbizia duten haurren eta haien familien bizi-kalitatea hobetzea baitu helburutzat.

Ireki da izena emateko epea

Hitzorduan 5.000 atletak hartuko dutela parte espero da; orain arte Espainiako 45 probintziatako eta 20 nazionalitatetako atletek eman dute izena. Lasterketaren bezperara arte eman ahalko da izena, lasterkarien ferian.