Prentsa Oharren banner

Prentsa-deialdiak (2020-10-15)

Prentsaurrekoa. ‘Ikimilikiliklik’ antzezlana aurkeztea

Parte hartzaileak. Ana Meabe eta Amets Ibarra, antzezleak

Eguna. Osteguna, urriak 15

Ordua. 10:30

Tokia. Teatro Principal Antzokia

Share

Bi atxilotu Orio kaleko establezimendu batean lapurtzeagatik

Udaltzainek bart gaueko goizaldean 19 urteko bi mutil atxilotu dituzte indarra erabilita lapurreta-delitua egitearen ustezko egileak direlakoan.

Goizaldeko 05:00ak aldera, abisua jaso zuten Orio kaleko ostalaritza-establezimendu batera linternak hartuta hiru gizonezko sartu zirela esanez, hesia eta atea hautsi ostean.

Patruila bat bertara joan da eta, han zela ohartutakoan, ustezko lapurrak korrika atera dira. Hala, udaltzainak haiei jarraika hasitakoan, lapurtutako kutxa erregistratzailea bertan utzi dute.

Azkenik, udaltzainek bi mutiletako bat atzeman du, barne patio batean auto baten azpian ezkutatuta. Guardiako Epaitegian dagozkion eginbideak egin ostean, gaur jarriko dira epailearen esku.

Udaltzainek atzo 44 urteko gizonezko bat atxilotu zuten ustez kondena urratu izanagatik. Gaur goizean jarri dute epailearen esku.

 

Share

Gizarte Kontseiluak begi onez ikusi du Urtaranen gobernuaren 2021ean zergak izoztearen proposamena

Udal-gobernu lantaldeak datorren urterako prestatutako zerga, tasa eta prezio publikoen proiektuaz Gizarte Kontseiluak egin duen txostena aztertu du gaur goizean Ogasun Batzordeak. Agiri horretan, Gizarte Kontseiluak balorazio positiboa egin dio Urtaran Gobernuak 2021rako zergak izozteaz egin duen proposamenari, “kontuan hartuta pandemiak eragindako krisi ekonomiko eta sozialaren egoera”. Zerga-proiektu horrek berak 2022 eta 2023 urtetan tasa eta prezio publikoak % 2 igotzeko aurreikuspena jasotzen du; horren aurrean, Gizarte Kontseiluak zergadunen errenta kontuan hartzearen alde agertzen da, justizia sozialaren eta progresibitatearen printzipioak lehenetsita.

Ogasuneko zinegotziak azpimarratu du talde politikoek eta herritarren parte-hartzeak (Gizarte Kontseiluaren bitartez ordezkatuta) bat datozela 2021ean zergak izozteko proposamena. “Urte benetan berezia da, eta ezin diegu herritarrei” ahalegin gehiagorik eskatu, azpimarratu du Iñaki Gurtubaik. “Datozen urteetan zergak % 2 igotzeko aukera planteamendu irekia da; izan ere, denok, oroi har, onartzen badugu Udalaren aurrezpen garbia sortzeko ezintasuna, eztabaida hori  zerga-arlora eraman behar da nahitaez”, gehitu du.

Gurtubaik nabarmendu egin du Gizarte Kontseiluak Zerga-tarifa lauaren formulari eman dio garrantzia, “jende askori bere eguneroko ekonomia kudeatzen lagundu diezaiokeen formula bat, zeinaren alde egingo dugun”. Horrez gain, aurten indarrean jarritako neurri jakin baten –zergen-ordainketa atzeratzea– ontasunak azpimarratu ditu: “horrek zenbait hilabetez 70 milioi euro familien eta enpresen esku geldi zitezen ahalbidetu du, hilabete horietan likidotasuna nahitaezko izan delarik”.

Ogasuneko zinegotziak bermatu du herritarrei parte-hartzea egiteko aukera emango zaiela zenbait zerga jakini buruz (esaterako: zabor-tasa, gizarte-etxeetako jardueren prezioak…) aurki egitekoak diren berariazko eztabaida jakin batzuen bidez.

Share