Prentsa Oharren banner

70 urteko gizonezkoa atxilotua anaiari eraso egiteagatik

Udaltzainek atzo 70 urteko gizonezko bat atxilotu zuten anaiari lesio larriak egitearen delituaren ustezko egilea izanagatik.

21:30 baino zertxobait lehenago, Koordinazio Zentralak patruila baten laguntza eskatu zuen San Kristobal auzoko etxebizitza batera joan zedin. Izan ere, bi pertsonaren artean liskarra gertatu zen etxebizitza hartan, eraso eta guzti.

Udaltzainek baieztatu zutenez, elkarbizitza-arrazoiek eragindako eztabaida batean, atxilotuak anaia giltza ingeles batekin kolpatu eta kopetan zauria egin zion.

Zaurituak etxetik alde egin eta udaltzainei deitu zien. Lesioak ikusita, udaltzainek anbulantzia baten laguntza eskatu zuten eta, tokian bertan artatu ostean, Santiago Ospitalera eraman zuten.

Gertakariak eta zaurien larritasuna ikusita, ustezko egilea atxilotu egin zuten. Gaur goizean epailearen esku geratu da.

Sutea terraza batean

Suhiltzaileek atzo Jesus Guridi kaleko terraza batean piztutako sute-hasiera itzaltzeko esku hartu zuten. Ertzainek su-itzalgailu batekin itzali zituzten garrak eta PSISZko kideek sua erabat itzali zuten urarekin, eta gero etxebizitzako gainerako tokiak aireztatu eta berrikusi zituzten..

 

Share