Prentsa Oharren banner

Prentsa-deialdiak (2021-05-07)

Inbertsioen Aparteko Plana aurkeztea

Parte hartzaileak. Vitoria-Gasteizko alkate Gorka Urtaran; eta alkateorde Maider Etxebarria eta Iñaki Gurtubai

Eguna. Ostirala, maiatzak 7

Ordua. 11:00

Tokia. Udaletxeko harrera aretoa

*Aurkezpena amaitu eta gero, Vitoria-Gasteizko alkate Gorka Urtaranek Udalaren gaur egungo gaiak hizpide izango ditu.

——————————————————-

‘Seguru bizi’ XIX. lehiaketako sari banaketa

Seguru bizi XIX. marrazki lehiaketako sariak banatuko dituzte; Udaltzaingoaren Bide-Hezkuntzarako Parkeak antolatu du hori.

Parte hartzaileak. Vitoria-Gasteizko alkate Gorka Urtaran; eta Herritarren Segurtasun zinegotzi Marian Gutierrez

Eguna. Ostirala, maiatzak 7

Ordua. 13:00

Tokia. Goiuri jauregia, Martin de Salinas aretoa

——————————————–

‘Europaren Sustraiak’ Nazioarteko IV Zinemaldiaren amaiera ekitaldia

Parte hartzaileak. Vitoria-Gasteizko alkate Gorka Urtaran

Eguna. Ostirala, maiatzak 7

Ordua. 18:30

Tokia. Europa Jauregia, Francisco de Vitoria aretoa

Share

11 negoziok baliatuko dute 21 Zabalgunearen lonjak alokatzeko programa

Programari jarraipena emateko, beste deialdi bat egingo du Udalak, hainbatek egin baitituzte programaren inguruko kontsulta. 

 

Martxoaren 22an bukatu zen lokalak erosteko aukerarekin alokatzeko 21 Zabalguneak eta Ekonomia Sustapenaren, Enpleguaren, Merkataritzaren eta Turismoaren Sailak elkarlanean bideratu duten programa. Guztira, hamaika interesdun izan dira. Lehen aukera gisa, hirigune historikoko lokal bat eskatu dute zazpik; Salburuko lokal bat bik eta Zabalganeko lokal bat beste bik.

Lokal horiez gain, beste 9 lonja erreserbatu dira hirigune historikoan Ekonomia Sustapenaren eta Enpleguaren Sailak kudeatzen duen enpresa-mintegia handitzeko. Hasiera batean, horietako zazpi egokituko dira. 

Jarduera hauetarako eskatu dira hamaika lokalak, deialdian:

 

  • 2 aholkularitza-zerbitzu
  • 2 denda
  • Jantzigintza-lantegi 1
  • Moda diseinatu eta merkaturatzeko, 1
  • Sukaldaritza-lantegi 1
  • Dastatze eta show coocking espazio 1
  • Fisioterapia 1
  • Eskolan laguntzeko akademia 1
  • Komunikazio-zerbitzu bat

Aurkeztutako eskabideak baloratzeari ekin zaio, programaren oinarriak aintzat harturik, eta laster emango da adjudikazioen berri.

“Oro har, nahiko pozik gaude izan den erantzunarekin; are gehiago kontuan izanik zein zirkunstantzia zailetan egin den deialdia, pandemia dela eta”, azaldu dute 21 Zabalguneko arduradunek.

Eskabide formalez gain, beste bederatzi interesdunen eskabideak jaso dira oinarrietan ezarritako epetik kanpo, baita hainbat kontsulta ere. “Hurrengo hilabeteetan beste deialdi bat egitera animatu gaitu horrek, programari jarraipena emateko. Ana Oregi, 21 Zabalguneko presidenteak programa berriro aztertzeko konpromisoa hartu du 21 Zabalguneko kontseiluan.

Share

Gasteiz On elkartearen udaberri-udako pasarela Arkupeetan egingo da

Ekitaldia maiatzaren 15ean izango da eta diseinatzaile berrien desfilea berreskuratuko du

Maiatzaren 15ean Gasteiz On elkartearen udaberri-udako XXXVIII. pasarela egingo da Arkupeetan. Pandemia-egoera dela eta, aurten ere egokitutako formatua izango du: egun bakarrean egingo da, bi emanalditan, 18:00etan eta 19:30ean.

Hitzordua gaur goizean aurkeztu dute prentsaurrekoan Gasteizko Udaleko Merkataritza zinegotzi Igor Salazarrek, Diputatu nagusiorde eta Enplegu, Merkataritza eta Turismo Sustapenaren eta Foru Administrazioaren diputatu Cristina Gonzálezek, Eusko Jaurlaritzako Merkataritza sailburuorde Jesús Garcíak eta Gasteiz On elkarteko presidente Diego Martínez de San Vicentek.

Gasteiz On Pasarelak diseinatzaile berrien desfilea berreskuratuko du. Hortaz, Amaia Sánchez, Carla Ramacciotti, Iñigo Cordón, Marcos Villafruela eta Nunaren jantziak parte hartzen duten saltokietako arroparekin tartekatuko dira.

18:00etako desfilean Baskonia Alavés Experience Store, Zapatería Wow, Ciclos Sport, Elaia eta Moda María Jesús egongo dira, Amaia Sánchez, Nuna eta Marcos Villafruela diseinatzaileekin batera; 19:30eko pasean, aldiz, Cotton Artean, Barbour –Twinsisters, Galerías Xara, Ríos Moda–, Twinsisters, Atelier Vitoria eta Novias por siempre jamás, Carla Ramacciotti eta Iñigo Cordón sortzaileekin.

Maiatzaren 10etik aurrera Euskadiko I. Zikloturismo Foroa egingo denez hirian, Ciclos Sport dendak moda eta osagarrien joerak erakutsiko ditu bizikletaz bidaiatzen eta kirol hori egiten ondo pasatzen duten pertsonentzat.

Desfile bakoitzean 180 pertsonarentzako lekua egongo da eta joan nahi dutenek www.entradium.com webgunean eskuratu beharko dute sarrera, doan. Lehen egunetan saltokiei eta bere bezeroei emango zaie lehentasuna.

Plaza-kopurua mugatua izateaz gain, segurtasun-neurri guztiak hartuko dira: distantzia, derrigorrezko maskara, tenperatura hartzea, gel hidroalkoholikoa eta modeloek jantziko dituzten arropak garbitu eta desinfektatzea. Desfile bakoitza hasi baino 45 minutu lehenagotik sartu ahalko da esparru mugarrituan eta bertaratutako pertsona bakoitzari tenperatura hartu eta bost maskarako kit bat banatuko zaio, BSAFE enpresa gasteiztarraren eskaintza.

Pasarelak honako hauen laguntza du: Kutxabank, Di4, BSafe, Quintas Fotógrafos, Eternian eta Calzados Pasos. Gainera, desfilea amaitu ondoren ikusleek sustapen bereziak jasoko dituzte parte hartzen duten saltokien eskutik —% 10 eta % 15 bitarteko beherapenak izango dituzte 15 egunetan zehar—, eta Viva Gym, Abasedestilo, Altafit, Body Chronos eta Arabako Errioxako Ardoaren Ibilbideak opariak zozketatuko dituzte.

Share

Salburua eta Triana zubiaren artean oinezko eta txirrindularientzako bide berria

 

Oinezkoentzako eta bizikletentzako bide berria egiteko lanak bukatu dira trenbideari paralelo doan Triana zubiaren eta Oreitiasoloko industrialdearen artean. Oinezko eta txirrindularientzako zidor berritu batek lotzen ditu ditu Salburua auzoa eta Triana ingurua laster, Udalak 102.813,03 euroko inbertsioa eginda.  “Mejorando Vitoria-Gasteiz Hobetuz” programan hautatutako proiektuetako bat da ekimena.

Zidor berriak 250 metro inguru ditu, hiru metroko zabalera, eta landareak bi aldeetara; zoladura berria jarri eta ingurua txukundu da. Izan ere, bidexka egoera txarrean zegoen: zatika hartxintxarra eta zoladura mota ezberdinak zituen, putzuak sortzen ziren… Zabalera nahikoa emateko, zintarriak kendu dira zenbait lekutan.

Esku-hartzeari esker, bestetik, bide osoa maila berean utzi da, eta horretarako kendu egin dira bidea oztopatzen zuten eskailera batzuk. Horien ordez aldapatxo bat sortu da, bizikletaz eta gurpil-aulkiz igarotzeko modukoa. Zidorra eta Jacinto Benavente kalea lotzen dituzten eskailerak ere houbetu dira.

Orobat, Udalak argiak instalatu ditu inguru osoan. Zehazki, 14 farola jarri dira, azken belaunaldiko led bonbillez (27,5 W-ekoak) hornituak, eraginkortasun eta argitasun handiagoa baitute. Oreitiasoloko industrialdean, Jose Maria Iparragirre kalearen eta aipatutako bidearen arteko bidegurutzean, oinezkoentzako pasabide bat margotu da gainera , baita ‘30eko eremua’ seinalea ere.

Esku-hartzearen bidez hainbat helburu lortu ditugu: herritarrek dagoeneko erabiltzen zuten bide bat sendotzea; traba arkitektonikoak kentzea, irisgarritasuna bermatzeko, eta bide-segurtasuna hobetzea. Nabaritzen da hortik pasatzen direnek berea egin dutela bidea dagoeneko, batez ere eguraldi ona dagoenean“, nabarmendu du Mugikortasunaren eta Espazio Publikoaren zinegotzi Raimundo Ruiz de Escuderok.

 

 

Share