Prentsa Oharren banner

Prentsa-deialdiak (2021-05-04)

Prentsaurrekoa. Industria Ekosistemari buruzko ikerlana aurkeztea

Parte hartzaileak. Lehen alkateorde eta Ekonomia Sustapen zinegotzi Maider Etxebarria; eta eta Elkarrekin udal taldeko zinegotzi Garbiñe Ruiz

Eguna. Asteartea, maiatzak 4

Ordua. 11:30

Tokia. Udaletxeko prentsa aretoa

 

Share

Lurralde Batzordea (2021-05- 10)

Webgunean dago eskuragarri Lurralde Batzordeak maiatzaren  10ean (astelehena), 09.00etan, egingo duen ohiko bilkuraren gai-zerrenda.

Share

Hemen da berriz “Kirol bidean” programa, 500 leku baino gehiago eta jarduera berriak dituela

Kirol Bedean liburuxka

 

Gasteizko Udalak “Kirol bidean” kanpainaren udaberri-udako edizioa abiarazi du, eta 526 leku eskainiko dira. Maiatzetik irailera bitartean, 10 asteburutan, kirol jarduera ugarirekin atsegin hartzeko aukera izango dute 12 urtetik 30 urte bitarteko gazteek. Gaur, maiatzak 3, hasi da izena emateko epea, eta maiatzaren 29an izango da aurreikusitako lehen jarduera. Aurten hiru jarduera berri izango dira: yoga naturan, geocaching eta bizikleta + SUP/Kayak.

Kirol bidean programaren helburua da Gasteizko 12 eta 30 urte bitarteko gazteen artean jarduera fisikoa sustatzea, bereziki 12 urtetik 18ra bitartekoen artean, hainbat kirol modalitatetako kiroletako hastapen ikastaroen bitartez. Jarduerak Arabako natur inguruneetan egingo dira, eta guztiak dira ohikoaz bestelako esperientziak, edukiari zein aritzeko inguruneari (mendia, itsasoa, airea) dagokienez. Kirol erakundeetako (klubak eta federazioak) eta enpresa espezializatuetako begirale kualifikatuak izango dira gidari.

“Iritsi da aire zabaleko jarduerak gozatzeko garairik onena, eta kirol bidean kanpainaren aurtengo edizioak proposamen erakargarri ugari ditu inguruneak eskaintzen dizkigun aukerei etekina ateratzeko. Bostehun plazatik gora eskaintzen dira, osasunaren arloko gomendioei jarraituz prestatutako jardueretan. Ez dago bizigiroa aldatu eta lur, aire edo itsasoz kirol bidean ez jartzeko aitzakiarik” adierazi du Kirol eta Osasun zinegotzi Livia Lopezek.

Hauexek dira udaberri-udarako programatutako jarduerak:

  • Arroilak: Antoñanan egingo da; ibaiak jaitsiko dira, oinez, saltoka zein igerian.
  • Espeleologia:  Iguaranen (Opakua), Arabako kobazulo klasikoan.
  • Parapentea: parapentean hegan egiten hasteko ikastaroa, Olarizun eta Garaion.
  • Plaza biko parapentea: aldez aurretik parapente jarduera egina dutenentzat bakarrik.
  • Zaldi-erronka: hipikan hastea, Gaubeako haranean.
  • Ferrata bidea: mendia eta eskalada, Sobronen.
  • Kayak: piraguismoaren oinarrizko kontzeptuak ikastea, Sobronen.
  • Yoga naturan: Gorbeiako Parke Naturalean aurreikusita, erlaxazioa eta ohitura osasungarriak sustatzea xede.
  • Geocaching: lokalizazio-jarduera, pisten eta GPSaren laguntzaz. Gasteizko Eraztun Berdean.
  • Bizikleta + SUP/kayak: Anglo-Vasco-Navarro trenbidearen bide berdea ezagutzeko jarduera konbinatua, Uribarri-Ganboako urtegiaren inguruan.
  • Eskalada haitzean: hastapen ikastaroa, Eginon.

 

Jarduera gehienak bi taldetan banatzen dira adinaren arabera: 12-17 urte bitartekoak, eta 18-30 urte bitartekoak.  Lehen taldean, jardueraren inguruko hastapenak landuko dira gehien bat.

Jarduera guztiek COVID-19aren prebentziorako osasun protokoloa betetzen dute, baita osasun agintariek gomendatutako neurriak ere. Zentzu horretan, eskaintza aldatu ahal izango da prebentzio-neurrien aldaketen arabera.

Izena emateko hainbat aukera dago: Udalaren webgunean, udalaren gizarte-etxeen eta kiroldegien sarean eta Gazteen Argibideetarako Bulegoan.

Kirol bidean kartela

+INFO: Kirol bidean – 2021eko udaberri-uda

 

 

 

 

 

 

Share

Ibilgailu guztientzat zabalik Teodoro Dublang Margolariaren kaletik Balentin Berriotxoa kalerako igarobidea

Dosierra Trafiko TDublang

Ibilgailu guztientzat zabaldu du Gasteizko Udalak Teodoro Dublang Margolariaren kaletik Balentin Berriotxoa kalerako igarobidea, orain arte autobus, taxi eta bizikletek bakarrik erabil zezaketena. Behin baino gehiagotan eskatua zuten herritarrek eta inguruko bizilagunek hala egin zedila.

BEA ezarri ahal izateko hartu da erabaki hori. Izan ere, Pedro Asua kaletik eta Tomas Zumarraga Dohatsuaren kaletik Sansomendi aldera jotzeko aukera murriztea ekarriko du horrek hurrengo asteetan. Teodoro Dublang Margolariaren kaletik igarobide hori hartzeko aukera ematen delarik, arindu egingo da inguruko zirkulazioa, eta trafiko-arazoak ekidingo.

Argibide-planoa

Share

Atxilotua bikotekideari eraso egiteagatik

Udaltzainek 36 urteko emakumezko bat atxilotu zuten larunbatean bikotekidearen aurkako eraso-delituaren ustezko egilea izateagatik.

092ra egindako dei batek Salvador kalean poliziaren laguntza eskatu zuen, emakume bat gizonezko bati eraso egiten ari zelako. Adierazpenak entzun eta gizonezkoak zituen markak ikusita, agenteek ustezko erasotzailea atxilotu zuten.

Guardiako epaitegian zegozkien eginbideak egin ondoren, aske utzi zuten epaitegira joateko agindua jaso bitartean.

Genero-indarkeria

 Bestalde, udaltzainek 28 urteko gizonezko bat atxilotu zuten ostiralean bere bikotekide ohiari egindako eraso-delituaren ustezko egilea zelakoan.

18:00ak inguruan, 092an jasotako dei batek Sansomendiko atari baten inguruan gizonezko bat mozkortuta zebilela ohartarazi zuen. Patruila batek gizonezkoa topatu eta identifikatu egin zuen. Hasiera batean higiezin hartan bizi zela esan zuen arren, azkenean bertan bizi zena bere bikotekide ohia zela onartu zuen.

Udaltzaingoa telefonoz jarri zen emakumearekin harremanetan eta goiz hartan bertan fisikoki eraso egin ziola onartu zuen. Ondorioz, gizonezkoa atxilotu egin zuten eta atzo jarri zuten epailearen aurrean.

Ibilgailuen kontrol-kanpaina

 Maiatzaren 9ra bitarte, Udaltzaingoak hirian zirkulatzen duten automobilen, motozikleten eta ziklomotorren baldintza teknikoak egiaztatzeko zirkulazioko kanpaina berezia egingo du.

Udaltzainek egiaztatuko dute ibilgailuek derrigorrezko ikuskapen teknikoak gainditu dituztela eta topatzen dituzten arau-hausteak zuzenduko dituzte. Hala, alterazio tekniko larriak dituzten edo, haien ezaugarriak direla eta, gainerako hiritarrentzako bistako arriskua eragin dezaketen ibilgailuak hiri-bideetatik kenduko dituzte.

COVID zigorrak

 Covid-19aren aurkako neurriak ez betetzeagatik 24 zigor-proposamen jarri ditu Udaltzaingoak asteburuan.

Salaketa haietako hamaika 4 pertsonako gehieneko taldeen muga ez errespetatzeagatik izan ziren. Gainerako salaketak honako hauekin lotutakoak izan ziren:

  • Etxeratze-agindua ez betetzea (7)
  • Musukoa jantzita ez izatea (4)
  • Bide publikoan alkohola kontsumitzea (2)
Share

Araba Ekinean ekimenak “Etorkizuneko elkarrizketak” jarri ditu abian: ekintzaileei egindako elkarrizketen bideo sail bat, haien proiektuak ezagutarazteko, eta lurraldean ekintzailetza sustatzeko

-Elkarrizketetako lehenengoa Manu Muñozekin izan da; bera I+MED enpresaren CEOa da, zeina Arabako Teknologia Parkean kokaturiko punta-puntako enpresa bat den. Nanohidrogelen aldeko bere apustuarekin langile kopurua ia bikoiztea lortu du 2020an

-Bideoak webgunean esekiko dira, eta Araba Ekinean ekimenaren sare sozialen bidez partekatuko dira; haietan, zenbait ekintzaileren soslaietara hurbilduko gara Arabako ekonomiako zenbait sektoretan egiten ari diren lana ezagutarazteko

Araba Ekinean ekimenak beste ekintza bat jarri du abian “Etorkizuna Sortuz” goiburuarekin egiten ari den 2021eko bere egitarauaren barruan. Araba Ekinean, Gasteizko Udalak, Arabako Foru Aldundiak, Eusko Jaurlaritzak SPRI taldearen eta BIC Araba bidez, eta Fundación Vital Fundazioak antolatzen dute. Gaur hasita eta datozen hilabeteetan zehar, https://www.alavaemprende.com webguneak “Etorkizuneko elkarrizketak” bilduko ditu, Andrés Goñi tokiko kazetariaren eta Arabako ekonomiako hainbat alorretan lan egiten duten ekintzaileen arteko elkarrizketen bideo sail bat. Lehen topaketak Manu Muñoz du protagonista, I+MED enpresaren CEOa eta kide fundatzailea. Biomedikuntzaren alorrean lan egiten duen Arabako enpresa horrek “Araba Ekiten” saria jaso zuen 2019an eta goitik behera aldatu du merkatua produktu berri batekin: hidrogelak.

Bideoan zehar, Muñozek enpresa arabar horren ibilbidea kontatzen du; izan ere, azken urteotan aitzindari izan da nanoteknologiaren esparruan, eta kalitate handiko nanomaterialak hornitzen dizkio komunitate zientifikoari eta industriari. Bestalde, azpimarratzekoa da konpainiak iaz izan zuen hazkundea, pandemia gorabehera, 25 langiletik 47ra igaro baitzen. Arabako Teknologia Parkean kokatutako enpresaren CEOak dioenez, taldea osatzen duten langileak eta haien talentua dira enpresa bere lehiakideengandik bereizten dituen elementua. Manu Muñozek aipatu du, halaber, ezagutzaren eta berrikuntzaren aldeko apustua egin dutela beren merkatu-nitxoan, hidrogelak, eta puntako ikertzaileak dituztela bertan.

I+MED enpresako arduradun nagusiaren ustez, Arabak ezaugarri guztiak ditu biofarmaziaren esparruan oso gune garrantzitsua izateko: “talentu handiko enpresak, EHUko Farmazia Fakultatea eta Bioaraba ditugu, bai eta etorkizun handiko proiektu baten buru izateko abiapuntu ona diren beste hainbat ekimen ere”.

“Etorkizuneko elkarrizketak” programak Arabako ekintzaileekin egindako 3 bideo gehiago izango ditu, eta Ekin Day izan arte argitaratuko dira. Ekin Day Araba Ekinean ekimenaren jardunaldi nagusia da, eta urriaren 5ean egingo da Europa jauregian. Elkarrizketak webgunean ikusi ahalko dira, eta sare sozialen bidez ere zabalduko dira. Aldi berean, “ekintzailetza-katea” ekimena gauzatzen ari da: alavaemprende.com webgunearen barruko eremu bat, ekintzailetza-proiektu batzuek beste batzuk gomendatzen dituzten Arabako ekintzailetza-ekosistema hobeto ezagut dadin. Edozein sar daiteke eremu horretara, eta inprimakia bete, lurraldeko ekimen ekintzaileren bat gomendatzeko.

Share

Gasteizko haurrek udal aurrekontuko 200.000 euro zertan inbertitu erabaki ahalko dute, “Hobetuz txiki” programari eske

‘Vitoria-Gasteiz Hobetuz’ programaren hirugarren edizioan 3 milioi euro bideratuko dira 2022ko eta 2023ko proiektuetara.

 

Gasteizek Vitoria-Gasteiz hobetuz programaren hirugarren edizioa aurkeztu du gaur goizean prentsaurrekoan, herritarrek udal aurrekontuaren zati bat zertan gastatu erabakitzeko partaidetza-programa, hain zuzen ere. Oraingoan, 3 milioi euroko aurrekontua izango du, 2022an eta 2023an proiektuak garatzeko.

“Vitoria-Gasteiz Hobetuz partaidetza-programaren azken helburua hiria etengabe hobetzea da, eta, beraz, herritarren bizitza hobetzea, partaidetza-prozesu bati esker. Prozesua ahalbidetzeko hainbat baliabide, bitarteko eta bide jarri ditugu, eta sakon errotuta ditu mekanismo demokratiko zuzen, inklusibo eta integratzaileetan oinarritutako balioak” adierazi du Herritarren Partaidetzaren, Gardentasunaren etxeen zinegotzi Borja Rodríguezek.

Aurtengo berritasun nabarmenetakoa da hiriko haurrek parte hartu ahal izango dutela programan, eta udal aurrekontuko 200.000 euro zertan gastatu erabaki. “Aurreko edizioko hainbat proposamen, ostegunean aurkeztu genuen “Haurren Auzoa” proiektu esaterako, haurrek iradoki eta hiriko heldu eta kolektiboek aurkeztutako proposamenak izan ziren, eta horrek bultzatu gaitu ekimen berri hau abian jartzera” azpimarratu du Rodriguezek.

Aurten lehen aldiz, aurrekontu osoaren % 20 jarduera-programetara bideratuko da, eta gainerako % 80a inbertsioetara.

Epeak

Gaurtik ekainaren 28ra bitartean aurkeztu ahalko dira eskaintzak, udalaren webgunean (wwww.vitoria-gasteiz.org,) edo aurrez aurre herritarrei laguntzeko bulegoetan, aurretik hitzordua eskatuta.

Proiektuak balioesten direlarik, urriaren 4an argitaratuko dira udalaren webgunean, herritarrek azarotik aurrera gustukoenak aukeratzerik izan dezaten. Bozketak on line edo aurrez aurre egin ahalko dira, herritarrei laguntzeko bulegoetan (gizarte-etxeetan zein San Antonio kaleko bulegoan), San Martineko bulego teknikoetan, eta, lehen aldiz, adinekoentzako zentro soziokulturaletan.

Hainbat haztapen-irizpide ezarri dira proiektuak bultzatzeko. Aurreko edizioetako lau irizpideei (belaunaldien arteko elkarbizitza, genero-berdintasuna, kultura-aniztasuna eta dibertsitate funtzionala) beste hiru gehitu zaizkie: egoera ahulean dauden kolektiboen gizarteratzea, iraunkortasuna eta ingurumenaren babesa, eta eten digitalaren murrizketa.

“Beste berritasun bat da gehienez hiru proiektu egin ahalko direla auzo edo nekazaritza-eremu bakoitzeko, hartara hiriko auzoen arteko ekitatea bultzatzeko” azpimarratu du Rodriguezek.

Aurreko bi edizioetan aukeratutako 31 proiektuetatik 26 egin dira, eta gainerako bosten lehiaketa egin da. “Gure hiria etengabe hobetzeko bidearen hirugarren etapa da, izaera integratzailea, iraunkorra, ingurumen arlokoa eta belaunaldi eta kultur artekoa duten balioetatik abiatuta” adierazi du.

 

Informazio gehiago

 

Ver vídeo 

 

 

 

 

 

 

 

Share