Prentsa Oharren banner

Etxean laguntzeko zerbitzura 3 milioi euro bideratzea onetsi du udal gobernuak

Etxean laguntzeko zerbitzurako aurrekontua handitzea onetsi du gaur udal gobernuak, eta zerbitzu horren kontratua luzatzea, 2021eko prestazioei aurre egiteko. Guztira, hiru milioi euro inguru bideratuko ditu Gizarte Politiken, Adinekoen eta Haurren Sailak bi kontu horietara.

Lehenik eta behin, Atzertzen enpresarekin sinatutako kontratua aldatzea onetsi du Tokiko Gobernu Batzarrak, aurrekontua 750.000 euro handitzeko, aurtengo lehen seihilekoan etxean laguntzeko zerbitzuaren gastuari aurre egiteko.

Bestalde, kontratuaren bigarren luzapen bat ere onetsi du, zerbitzu horrek 2021eko uztailetik abendura arte funtzionatzen jarraitu ahal izateko, 2.160.765,50 euroko zenbatekoarekin.

Etxean laguntzeko zerbitzuak, langile kualifikatuen bitartez, etxeko zereginetan eta norberaren zainketan laguntzen du, eta lagun egiten. Gaur egun, hiru modalitatetan eskaintzen da: oinarrizkoa, mendekotasuna dutenei zuzendua eta zaintzaileei atseden hartzen laguntzekoa.

Joan den urtean, 2.700 pertsona inguruk jaso zuten zerbitzua.

Share