Prentsa Oharren banner
Kategoriak: Fotonotizia  —  Komunikazio Zerbitzua / Servicio de Comunicación  —  14 azaroa 2018 21:13

Gaur, asteazkenarekin, Kultura, Hezkuntza eta Kirol zinegotzi Estíbaliz Cantok eta Eusko Jaurlaritzako Turismo zuzendari Maider Etxebarriak prentsa-argazkilaritzari buruz Montehermoson antolatutako topaketa batean hartu dute parte;  World Press Photo dela eta egindako topaketan prentsa-argazkilaritzarekin eta hirian 16 urte bete dituen lehiaketarekin zerikusia duten pertsonak bildu dira.  

Antolatzen zuten erakundeek eta lehiaketaren antolatzaileek bertako lau prentsa-argazkilari saritzeko baliatu dute topaketa:  Alex Larretxi, Blanca Castillo, Rafa Gutiérrez eta Pilar Barco.

Amaitzeko, ustekabeko omenaldia egin zaio World Press Photoren Gasteizko ordezkari Paco Valderramari.

 

 

Share
Kategoriak: Deialdiak  —  Komunikazio Zerbitzua / Servicio de Comunicación  —   17:00

Turismo Enogastronomikoaren VIII. Foroa

Parte hartzaileak. Turismo zinegotzi Nerea Melgosa

Eguna. Osteguna, azaroak 15

Ordua. 09:30

Tokia. Guardiako Villa Lucia, Gaikako Ardoaren Zentroa

——————————-

Prentsaurrekoa. Irmo&Azken Principal Dantza antzezlana aurkeztea

Parte hartzaileak. Josune Vélez de Mendizábal (Tranpola); Jordi Vilaseca eta Aritz López (Proyecto Larrua); eta Udal Antzoki sareko arduradun Marta Monfort

Eguna. Osteguna, azaroak 15

Ordua. 11:00

Tokia. Teatro Principal Antzokia

——————————————

Adimen-desgaitasun pertsonentzako irakurketa errazeko talde mistoen esperientzia aurkeztea

Parte hartzaileak. Kultura, Hezkuntza eta Kirol zinegotzi Estibaliz Canto eta Gizarte Gaien foru diputatu Marian Olaberrieta

Eguna. Osteguna, azaroak 15

Ordua. 11:30

Tokia. Ariznabarra liburutegia

————————————-

‘Ingurumen jardunbide egokientzako Itun Berdea Sariak’ banatzea

Parte hartzaileak. Vitoria-Gasteizko alkate Gorka Urtaran

Eguna. Osteguna, azaroak 15

Ordua. 19:45

Tokia. Goiuri jauregia, Martin de Salinas aretoa

 

 

Share
Kategoriak: Prentsa oharrak  —  Komunikazio Zerbitzua / Servicio de Comunicación  —   16:37

Gaur goizean, ’11 ber bi festibala’ izeneko ekimena aurkeztu da Oihaneder Euskararen Etxean, erakundeek eta euskaltzale elkarteek Euskararen Egunarekin lotuta antolatu ohi dituzten jarduerei beste eite bat emateko asmoz sortua. Aurten azaroaren 23tik abenduaren 14ra arte antolatu dira jarduerak. Kontuan izan behar da abenduaren 3an Euskararen Nazioarteko Eguna ospatu aurretik Euskaraldia egingo dela 11 egunez.

 

Oraingoan, beraz, Udalak, Aldundiak eta euskalgintzako hainbat eragilek parte hartzeko eta lankidetzan aritzeko programazioa landu dute, esparru, adin eta gustu ezberdinetako pertsonak erakartzearren. Jardunaldiak iragartzeko kartelak ‘Hartu zure lekua eta jarri eroso’ lema darama, sofa baten irudiarekin batera, ekintzez gozatzeko gonbit eginez. Askotariko aukerak daude: antzerkia, filmak, hitzaldiak, kontzertuak, karaokea… Bereziki gazteei begirako jarduerak izango dira, herritarren artean euskararen erabilera handitzeko funtsezko elementua baita.

 

Programa osatzerakoan, Euskadiko kultur sorkuntzaren arloko berrikuntzen alde egin da, esaterako, Mug Mus Laborategiaren ‘Esku Harriak: Oteizaren Haria’ eta Lankuren ‘Bakean dagoena bakean utzi’ ikuskizunak, Hesian taldearen disko berriaren aurkezpena, eta LaBasu rap-kantariaren errezitaldia. Orobat, Gasteizen sortutako proiektu artistikoak sustatuko dira, hala nola, Ane Gebararen lan bat eta Bidelapurrak taldearen kontzertua.

 

 

 

 

 

 

 

 

 

11 BER BI FESTIBALA-PROGRAMA

Eguna: azaroak 23, ostirala

EUSKARALDIAREN HASIERA

Ordua: 11:11

Deskribapena: Hasiera emango diogu ariketa kolektiboari.

Hizkuntza: euskara

 

 

Eguna: azaroak 24, larunbata

KANTARI

Ordua: Egun osoan zehar

Deskribapena: Kantari gaztetxoen artean euskarazko kantak sustatzeko ikuskizuna da. Neska-mutikoak euskal kantak abesten eta dantzatzen jarriko ditugu, aisialdian euskaraz ondo pasatzeko helburua izanik. Aurrez entseguak egingo dituzte, ikuskizuna ondo prestatzeko, eta ekitaldiaren egunean oholtza handira egingo dute jauzi, guraso, lagun eta senideak ikusle dituztela.

Hizkuntza: euskara

Lekua: Dendaraba

Sarrera: parte hartzaile bakoitzari banatuko zaizkio sarrerak.

 

 

Eguna: azaroak 24, larunbata

EUSKARAZ JOLAZTU

Ordua: 17:00-20:00

Deskribapena: Euskararen jaia izango da Zabalganan. Umeentzako eskulanak, Diskofesta, euskarazko jostailuen erakusketa…

Hizkuntza: euskara

Lekua: Zabalgana Gizarte Etxea

 

 

 

Eguna: azaroak 25, igandea

KANTARI

Ordua: Egun osoan zehar

Deskribapena: Kantari gaztetxoen artean euskarazko kantak sustatzeko ikuskizuna da. Neska-mutikoak euskal kantak abesten eta dantzatzen jarriko ditugu, aisialdian euskaraz ondo pasatzeko helburua izanik. Aurrez entseguak egingo dituzte, ikuskizuna ondo prestatzeko, eta ekitaldiaren egunean oholtza handira egingo dute jauzi, guraso, lagun eta senideak ikusle dituztela.

Hizkuntza: euskara

Lekua: Dendaraba

Sarrera: parte hartzaile bakoitzari banatuko zaizkio sarrerak.

 

 

Eguna: azaroak 25, igandea

DENBORA

Ordua: 19:00

Deskribapena: Altraste dantza taldeak eskainitako ikuskizuna. Zuriñe Benaventeren dantza eta Ignacio Monterrubioren musika hemen eta orain bidaiatzen dute Karmele Igartuaren poesiarekin batera.

Hizkuntza: euskara

Lekua: Oihaneder Euskararen Etxe. Klaustroa.

Sarrera: librea, lekuak bete arte.

 

Eguna: azaroak 26, astelehena

EUSKARALDIA. ELKARRETARATZEA

Ordua: 19:00

Deskribapena: Euskaraldian parte hartzen ari direnak elkartuko dira eta esperientzia trukaketa egingo dute: Zer moduz ari dira Euskaraldian? Nolako esperientziak izan dituzte? Ezustekorik izan al dute? Nolako arazoak sortu zaizkie? Nola gainditu dituzte?

Hizkuntza: euskara

Lekua: Falerina taberna

 

Eguna: azaroak 27, asteartea

MUSIKA TOPAKETA

Ordua: 17:30

Deskribapena: Gasteizko 16-18 urteko gazteak elkartuko dira Musika Topaketan. Bertan, bi euskal musikari ezagutuko dituzte bertatik bertara eta aukera izango dute haiekin solasean aritzeko. Tarteka, musikari horien abestiak zuzenean eta modu akustikoan entzuteko parada izango dute.

Hizkuntza: euskara

Lekua: Oihaneder Euskararen Etxea. Ortuño aretoa.

 

 

Eguna: azaroak 27, asteartea

LA BASU

Ordua: 20:00

Deskribapena: Rap kontzertua eskainiko digu La Basu izeneko emakume kantariak. Euskal Herrian rap egiten zuen lehenetariko emakumea izan da La Basu (Elena Caballero), baina ez du rap bakarrik abesten, soul, regae eta flamenko ere eskaintzen ditu bere kontzertuetan.

Hizkuntza: euskara

Lekua: PARRAL taberna

 

 

Eguna: azaroak 29, osteguna

HARRIEK KONTATU DIDATENA

Ordua: 18:00

Deskribapena: Honela azaltzen digu Ane Gebara Gasteiztarrak zertan datzan eskainiko digun lana. “Ipuinen munduan hasi nintzenetik, mila istorio pasa dira nire esku artean. Baina egun batean konturatu nintzen nire herriko istorioak ez nekizkiela, eta horiek direla gu egiten gaituztenak. Horien bila abiatu naiz, herri, idatzi eta ahots desberdinak ezagutu ditut eta azkenean, Arabatik bidai bat sortu da. Ipuin-saio honetan herri desberdinetatik pasako gara eta bertan kontatutakoak eta bizitakoak, kontatuko dizkizuet”.

Hizkuntza: euskara

Lekua: Aldabe Gizarte Etxeko antzokia

Sarrera: gonbidapenak Oihaneder Euskararen Etxean

 

 

Eguna: azaroak 29, osteguna

SARA ZOZAYA

Ordua: 19:30

Deskribapena: Kontzertu akustikoa eskainiko digu Sara Zozayak. Donostiako kantari honek 12 urterekin sortu zituen bere lehen abestiak, ahotsa gitarraz lagunduta, eta Gaztea irratiko Top 1 postura iritsi da Toki-on izeneko diskoarekin

Hizkuntza: euskara

Lekua: Falerina taberna

 

 

Eguna: azaroak 30, ostirala

ALEA AlDIZKARIAREN JAIA. 4. urteurrena

Ordua: 20:30

Deskribapena: Jaian zehar hiru ekitaldi izango ditugu. Hasteko, Euskaraldia dela eta esperientzien trukaketa egingo dute parte hartzaileek; jarraian, 4. urteurrena ospatzeko ekitaldia izango da, Josu Kareaga magoak dinamizatuta, eta, azkenik, eta arratsaldeari amaiera ezin hobea emateko Bidelapurrak talde gasteiztarraren kontzertua.

Hizkuntza: euskara

Lekua: Artium museoa. Plaza aretoa.

Sarrera: librea, lekuak bete arte.

 

Eguna: abenduak 1, larunbata

HORMAN ERLOJUA DUEN ETXEA

Ordua: 12:00

Deskribapena: Haur eta gaztetxoentzako film paregabea. Magiaz beteriko abentura hau 10 urteko Lewis (Owen Vaccaro) mutikoa bere osaba Jonathanen (Jack Black) etxe zahar eta misteriotsura doanean hasiko da. Hortik aurrera, etxe barruan gauza harrigarriak gertatuko dira.

Hizkuntza: euskara

Lekua: Florida zinema

Sarrera: gonbidapenak Oihaneder Euskararen Etxean

 

 

Eguna: azaroak 1, larunbata

MUSUA

Ordua: 16:00 ETA 19:00

Deskribapena: “Mundua mundu denetik, eguzkia biraka ari da eta gu haren inguruan. Eta dei egiten dio lurrari esnatzeko, azaleko zomorroak astindu eta mozorrotzeko.

Mundua mundu denetik, hartzak kobazulora sartzen dira neguko solstizioetan eta kilkerrak kanpora atera udakoetan. Eta guk dantzatu eta kantatu egiten dugu negu zein uda, egin arren euria, atera arren eguzkia, apurtu arren zeruan tximista…

Ihauterietan, San Joanetan, Gabonetan ohitura zaharrak mantendu eta berriak sortzera jolasten dugu.

Munduak biraka segi dezan. Eguzkiak ez ezik, musuek ere biraka jartzen dutelako mundua. Eta musuek biraka jartzen gaituztelako gu. Eta zu?”

Hizkuntza: euskara

Lekua: Buesa Arena

Sarrerak: salgai Interneten bidez

 

Eguna: abenduak 2, igandea

HORMAN ERLOJUA DUEN ETXEA

Ordua: 12:00

Deskribapena: Haur eta gaztetxoentzako film paregabea. Magiaz beteriko abentura hau 10 urteko Lewis (Owen Vaccaro) mutikoa bere osaba Jonathanen (Jack Black) etxe zahar eta misteriotsura doanean hasiko da. Hortik aurrera, etxe barruan gauza harrigarriak gertatuko dira.

Hizkuntza: euskara

Lekua: Florida zinema

Sarrera: gonbidapenak Oihaneder Euskararen Etxean

 

Eguna: abenduak 2, igandea

EUSKARAREN EGUNA SALBURUAN

Ordua: 17:00

Deskribapena: Hainbat ekintza proposatzen diete auzkoei Euskararen Eguna ospatzeko. Hasteko, aratsaldeko 5etan familientzako antzerkia, “Rock eroak”; ondoren, arratsaldeko 6etan, txokolate beroa, kandelen mosaikoa eta bizilagunen argazkia.

Hizkuntza: euskara

Lekua: Salburuako Gizarte Etxea

 

Eguna: abenduak 3, astelehena

ADIERAZPEN INSTITUZIONALA ETA VITORIA-GASTEIZ ITZULPEN SARIEN BANAKETA

Ordua: 12:00

Deskribapena: Euskararen Naziartek Eguna delaeta, instituzioek egingo duten adierazpena, batetik. Bestetik, Haur eta gazte literaturaren alorrean euskarara egindako itzulpenik hoberenentzako “Vitoria-Gasteiz” sariak banatuko dira..

Hizkuntza: euskara

Lekua: Oihaneder Euskararaen Etxea. Ortuño aretoa.

 

Eguna: abenduak 3, astelehena

KANDELEN DINAMIKA ETA KALEJIRA

Ordua: 18:30

Deskribapena: GEU elkarteak eta ALEAk garatutako egitasmoa. Kandelaz egindako mosaiko erraldoia eta musikak alaitutako kalejira. Jendeak parte hartu eta kandelak piztu, ondoren kalejiraz abiatuko gara Oihaneder Euskararen Etxera.

Hizkuntza: euskara

Lekua: Ande Mari Zuriaren plaza

 

Eguna: abenduak 3, astelehena

ESKU HARRIAK: OTEIZAREN (H)ARIA.

Ordua: 20:15

Deskribapena: Mugimenduaren (dantza), musikaren, eskulturaren, hitzaren, hotsen, espazioaren trataeraren… harilkatze fin baten bitartez ikuslea oharkabean aipaturiko hainbat elementutatik (hutsunea, espazioa, desokupazioa, eskultura, musika seriala eta konkretua, bertsolaria, txalaparta, hitza…) bidaiaraziko da MugMus Laborategiak eginiko irakurketa propio honen bitartez.

Hizkuntza: euskara

Lekua: Oihaneder Euskararen Etxea. Ur Biltegia.

Sarrera: librea, lekuak bete arte.

 

Eguna: abenduak 4, asteartea

IZASKUN ARRUEren urratsen atzetik liburuaren aurkezpena. Miel A. Elustondo.

Ordua: 18:00

Deskribapena: Izaskun Arrue, Gasteizko lehenengo andereñoari buruzko liburua da Miel A. Elustondok aurkeztuko diguna.

Hizkuntza: euskara

Lekua: Oihaneder Euskararen Etxea.

Sarrera: librea, lekuak bete arte.

 

Eguna: abenduak 4, asteartea

LA NOUVEU

Ordua: 19:00

Deskribapena: Rudi Rosenberg-en filma jatorrizko hizkuntzan eta euskraz azpititulatua. Benoit hamalau urteko mutikoak landa utzi du Parisera bizitzera joateko. Aurreneko eskola eguna uste baino zailagoa gertatuko zaio eta berehala bakartuta sentituko da. Egun batean, Johanna, suediar ikaskide berria helduko da eskolara eta hura arazorik gabe kuadrilla ezagunenean sartuko da. Benoitek, osabaren aholkuak jarraituz, ikaskide

guztiak etxean antolatuko duen festara gonbidatuko ditu. Aukera paregabea izango da bere burua ezagutzera eman eta bide batez, Johannarengana gerturatzeko.

Hizkuntza: euskara

Lekua: Oihaneder Euskararen Etxea. Betolaza aretoa.

Sarrera: librea, lekuak bete arte.

 

Eguna: abenduak 5, asteazkena

MINTZODROMOA

Ordua: 10:00

Deskribapena: Euskara erabiltzeko aukerak zabaltzea da ekimen honen helburua. Arabako Lanbide Heziketako ikasleek osatzen dute xede-taldea. Euren kezkak partekatzeko mintzodromoa eskaintzen zaie.

Hizkuntza: euskara

Lekua: Oihaneder Euskararen Etxea. Ur Biltegia.

 

Eguna: abenduak 5, asteazkena

MINTZODROMOA

Ordua: 19:00

Deskribapena: Euskaraldia amaitu berri dela kontuan hartuta, balorazioa egiteko modu dinamiko hau,hots, mintzodromoa, baliatuko dugu. Euskaraldian parte hartu duten guztiak daude konbidatuta.

Hizkuntza: euskara

Lekua: Oihaneder Euskararen Etxea. Ur Biltegia.

Sarrerak: librea, lekuak bete arte.

 

Eguna: abenduak 7, ostirala

KOLORE ANITZAK

Ordua: 19:00

Deskribapena: Hiru eta bederatzi urte bitarteko haurrentzat da, beti ere heldu batek lagunduta. Animazio digitala (tableten bitartez errealitate areagotua erabiliz) eta musika zuzenean uztartzen ditu. Ezberdinen arteko tolerantzia, errespetua eta askatasuna dira sustatzen dituen baloreak.

Hizkuntza: euskara

Lekua: Zabalgana Gizarte Etxeko antzokia.

Sarrera: gonbidapenak Oihaneder Euskararen Etxean

 

Eguna: abenduak 8, larunbata

BALLERINA

Ordua: 17:00

Deskribapena: Haurrentzako zinema.

Hizkuntza: euskara

Lekua: Salburua Gizarte Etxeko antzokia

Sarrera: gonbidapenak Oihaneder Euskararen Etxean

 

Eguna: abenduak 11, asteartea

BAKEAN DAGOENARI BAKEAN UTZI

Ordua: 19:30

Deskribapena: Euskara eta generoa binomio gero eta garrantzi handiagoa hartzen ari da. “Euskalduntze” kontzeptua protagonismo horren adierazle garbia da. Erlazio horren garrantziaz jabetuta daude gure bi protagonistak eta bikote horri hirugarren bat gehitu nahi izan diote: umorea. LANKU taldeko Mirari Martiarenak eta Idoia Torregaraik egindako bertso-solasaldiaz gozatzeko aukera.

Hizkuntza: euskara

Lekua: Oihaneder Euskararen Etxea. Ortuño aretoa.

Sarrera: gonbidapenak Oihaneder Euskararen Etxean

 

Eguna: abenduak 12, asteazkena

MUNDU BAT AHOZ AHO

Ordua: 19:00

Deskribapena: Hasi Euskal Herritik eta Mexikora; Sardiniatik Kurdistanera, inprobisatzaile bakoitzak bere izaera emango dio kantu inprobisatuari; eta kantu inprobisatuak munduari begiratzeko talaia berezi bakoitzaren berri emango digu. Kantua ardatz hartuta, kultura ofizialean agertzen ez diren ahotsetan barrena bidaiatuko dugu dokumental honetan, eta, bide batez, kultura bakoitzak emakumearen presentziaz eta transmisioaz daukan ikuspegiaren berri izango dugu, sortzaileen bizipen pertsonalen eta hausnarketen bidez.

Hizkuntza: euskara

Lekua: Oihaneder Euskararen Etxea. Betolaza aretoa.

Sarrera: libre, lekuak bete arte.

 

Eguna: abenduaren 13, osteguna

GINKANA

Ordua: 10:30

Deskribapena: Institutuetako gazteentzako Ginkana dugu hau. Aldez aurretik ikastetxeetan egindako lehiaketei amaiera emateko, hainbat ikastetxetako ikasleak bilduko dira, eta haien artean lehiatu txapeldunak izateko.

Hizkuntza: euskara

Lekua: Hegoalde Gizarte Etxea. Erakusketa aretoa.

Eguna: abenduak 13, osteguna

HASIERA DISKOAREN AURKEZPENA ETA KONTZERTU AKUSTIKOA

Ordua: 19:00

Deskribapena: HASIERA disko berriaren aurkezpen emanaldia: kontzertu akustikoa  + solasaldia 10 kantu, 11 istorio. Hesian taldeko Zuriñe Hidalgo eta Fran Uriasekin. Zaleen galderak erantzuteaz gain, zenbait kanta zahar eta berri modu akustikoan joko dituzte. Musika indartsua eta bizia, haizeekin eta neska-mutil ahotsekin hornituriko pop-rock / punk-rock melodikoa. Hitz sakonak eta konprometituak, borrokalariak, esanahiez beteak eta itxaropentsuak, iluntasunean argia bilatzen dutenak. Horixe da Hesian.

Hizkuntza: euskara

Lekua: Oihaneder Euskararen Etxea

Sarrera: libre, lekuak bete arte.

 

 

Share
Kategoriak: Prentsa oharrak  —  Komunikazio Zerbitzua / Servicio de Comunicación  —   14:57

Mercedes Benz-en proposamena bertan behera geratu da, ez duelako egokiera teknikorik, eta ez duelako betetzen lursailari dagokion hirigintza-araudia

Goya eraikinean Alberto Schommer argazkilari gasteiztarrari eskainitako zentro-museoa jartzeko proiektua berreskuratu du Udalak; turismo-informaziorako lekua ere jarriko litzateke bertan.

Agintaldi honen hasieran, udal gobernuak akordio bat lotu zuen garai bateko gasolindegiaren jabearekin, hots, Repsolekin, urteetan utzia egon ondoren eraikin berezi hori berriro erabiltzerik izan dadin.  Udal gobernuak turismo-informaziorako lekua jartzeko erabil zitekeela pentsatu zuen, beste erabilera batzuekin batera —Schommerren funtsa erakusteko aretoa—, eta halaxe jaso zuen Erdialdeko Masterplanean.

Nolanahi ere, lantalde bat osatu zuen oposizioko taldeekin, eraikinaren etorkizuna aztertzearren.

Hasiera batean, udal gobernuak akordioa lotu zuen PPren udal taldearekin, gasolindegia izandako eraikinean Schommerri eskainitako zentro-museoa eta turismo-informaziorako leku bat jartzeko. Taldeak negoziatzen ari zirela, ordea, Mercedes enpresak jakinarazi zion Udalari ibilgailuen eta markaren erakusketa jarri nahi zuela aipatutako lekuan.

Proiektua hiriarentzat interesgarria izan zitekeelakoan, Hirigintza Sailak eta Alkatetzak proiektuaren hirigintza-egokiera aztertu dute enpresarekin, baita Mercedesen zentro-museoa gauzatzeko aukerak ere. Multinazionalaren azken proposamena aztertu ondoren, teknikariek uste dute proiektuak ez duela egokiera teknikorik, eta gauzatzeko beharko lituzkeen aldaketa eta plangintzek ez luketela beteko lursailari dagokion hirigintza araudia.

Share
Kategoriak: Prentsa oharrak  —  Etiketak:   —  Komunikazio Zerbitzua / Servicio de Comunicación  —   14:04

 

Enpleguaren eta Garapen Ekonomiko Iraunkorraren zinegotzi Nerea Melgosa hedabideekin bildu da Gasteiz On-ek antokatutako seigarren Kafearen Astearen ekuadorrean; 100 establezimenduk baino gehiagok hartzen dute parte ekitaldian. Gasteizko Udala da astearen babesle nagusia, 5.000 euroko ekarpen ekonomikoa egin baitu.

 

Melgosak Gasteizko kafearen ospea aipatu du, produktuaren bikaintasuna eta ostalaritzako enpresa eta establezimenduen esku ona direla eta. Zinegotziak kafearekin lotutako ekoizle, banatzaile eta ostalaritzako profesionalen katea goraipatu du, baita sareko lan horren emaitza ona ere. “Kafearen Astearen eta antzeko ekimenen alde egiten jarraituko dugu, uste baitugu garrantzitsuak direla merkataritza zein ostalaritza-sektoreak dinamizatzeko, produktu horrekin lotutako industria lokalak ere dinamizatzen baitituzte”, erantsi du Nerea Melgosak.

Azaroaren 18ra arte gozatu ahalko da “Ruta del Café & Dulce” izeneko ibilbideaz, 55 establezimendutan kafea eta artisau opilak 2,5 euroan dastatzeko aukera baliatuz, eta “Ruta de Cafés de Autor” izenekoaz, zeinean 47 taberna eta kafetegik Gasteizko baristen sorkuntza original eta berritzaileenak eskainiko baitituzte. Ostalaritzakoak ez diren beste 20 establezimenduk ere egin dute bat ekimenarekin, aurkezpenak, dastatzeak edo uztarketak eskainiz. Kafearen Astearen barruko ekintzaren batean parte hartzen duten eta gizarte sareetan argazkia jartzen duten pertsonak zozketa batean sartuko dira.

 

Informazio gehiago: Kafearen Astea

 

 

Share
Kategoriak: Udaltzaingoaren eta suhiltzaileen jakinarazpenak  —  Komunikazio Zerbitzua / Servicio de Comunicación  —   12:52

Azkenengo 24 orduetan, 11 trafiko-istripu erregistratu dira, eta, horietan, 2 pertsona zauritu dira.

14:00ak baino minutu batzuk beranduago, auto batek 19 urteko bizikletari bat kolpatu zuen, galtzada Gaztelako Atearen kalearen eta Rosalia de Castro kalearen arteko biribilguneko zebra-bidetik gurutzatzen ari zela. Talkaren ondorioz, bizikletaria zauritu zen, eta larrialdietako zerbitzuek anbulantziaz eraman zuten Santiago ospitalera.

19:30ean, bizikletari batek 67 urteko oinezko bat harrapatu zuen Gaztelako Atearen kalean. Santiago ospitalera eraman zuten anbulantziaz.

Atzo, 18 salaketa jarri zituzten Agirrelandan.

 

Sutea Aretxabaletan

Prebentzio, Su Itzaltze eta Salbamendu Zerbitzuak (PSISZ) esku hartu du goizeko 03:36an, Aretxabaletako higiezin batean piztutako sua itzaltzeko. Suteak bi etxebizitzari eragin die, goitik behera. Tokian inor ez zegoela egiaztatu ondoren, suhiltzaileek sua itzali dute.

Share
Kategoriak: Prentsa oharrak  —  Etiketak: , ,   —  Komunikazio Zerbitzua / Servicio de Comunicación  —   12:41

 

Erakusketak errealismo handiko 37 koadro barne hartzen ditu, horien artean, Salburuko hezeguneko ostargi-belarrak irudikatzen duen bat. 

Salburuko hezeguneak interpretatzeko Ataria zentroan Bernardo Rodríguez Lararen ‘Ekosistemak, paisaia berreskuratuak’ erakusketa ikusi ahalko da abenduaren 16ra arte. Originaltasun eta maila artistiko handiko 37 lanek osatzen dute Ingurugiro Gaietarako Ikastegiak (IGI) antolatutako erakusketa; ekosistema ezberdinetako une bakanak jasotzen dituzte margoek. Gaur goizean aurkeztu da erakusketa Atarian; egilea bera, Ingurumen zinegotzi eta IGIko lehendakari Iñaki Prusilla eta Atariko koordinatzaile Gorka Belamendia izan dira bertan.

 

 

 

 

 

 

‘Ekosistemak, paisaia berreskuratuak’ erakusketaren bidez, begiratzen ikastearen arteak duen garrantziaz ohartarazi nahi dituzte herritarrak. Errealismo handiko lanak dira, penintsulako ekosistema ezberdinen aberastasuna eta askotarikotasuna islatzen dutenak, mendialdea, ur-inguruneak eta nekazaritza eta abeltzaintzarekin lotutakoak barne. “Bihotzez eta sentipenez egindako lanak dira”, azaldu du Bernardo Larak. “Mezu bat azpimarratzen saiatzen naiz: gauzei berriro begiratzea. Kanpora begira dezagun gonbidatzen duten koadroak dira, bertan baitago artea. Paisaia gozatu eta behatzearen alde egiten dut”, esan du artistak. Besteak beste, Salburua maiatzean erakusten duen koadro ikusgarri bat paratu da erakusketan, ostargi-belarren horiak eta paisaiaren berdeak osatutako kolore eztanda.

Iñaki Prusillak “IGIk ingurumenaren sentsibilizazioa azpimarratzeko egiten duen lana” eskertu du. “Hasiera-hasieratik, gure natur ingurunearekin lotutako ekarpenak egiteko, hausnartzeko, komunikatzeko, partekatzeko eta lankidetzan aritzeko espazioa izan da Ataria. Eta bide horretatik jarraitzen du, erakusketa bikain hau bezalako ekintzak antolatuz”, adierazi du Iñaki Prusillak.

Erakusketaren karietara, hitzaldi bat antolatu da biharko, azaroak 15, Atarian bertan, eta hiru pintura ikastaro astebururako.

 

 

Share