Prentsa Oharren banner
Kategoriak: Deialdiak  —  Komunikazio Zerbitzua / Servicio de Comunicación  —  30 iraila 2019 17:00

Aenkomer-ek antolatutako VII Jornada de Innovación y Emprendizaje jardunaldia inauguratzea

Parte hartzaileak. Alkateorde eta Ekonomia Sustapen zinegotzi Maider Etxebarria

Eguna. Asteartea, urriak 1

Ordua. 10:00

Tokia. Artium museoa

——————————

Jornada sobre oportunidades de digitalización en Vitoria-Gasteiz jardunaldiari hasiera ematea

Parte hartzaileak. Vitoria-Gasteizko alkate Gorka Urtaran

Eguna. Asteartea, urriak 1

Ordua. 11:00

Tokia. Europa jauregia, Florida aretoa

————————————-

Adinekoen Nazioarteko Eguneko ibilaldia

Parte hartzaileak. Gizarte Politiken zinegotzi Jon Armentia

Eguna. Asteartea, urriak 1

Ordua. 11:00

Tokia. Andre Maria Zuriaren plaza

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —   14:20

Gaur goizean hasi dira Zabalgana eta Armentiako basoa lotuko dituen oinezkoentzako egurrezko pasabidea egiteko lanak. Media Manera enpresa esleipendunaren makinak hasi dira lehen zimendatze-lehen lanak egiten, pasabidea jarriko den lurra sendotzea xede.  N-102 errepidearen gaineko egitura urtea amaitu aurretik jartzea aurreikusten du udalak.

Amaia Barredo zinegotzia buru duen Mugikortasunaren eta Espazio Publikoaren Sailak egindako esku-hartze hau “Mejorando Vitoria-Gasteiz Hobetuz” partaidetza-prozesuan aukeratu zen, eta boto gehien lortu zuenetako bat izan zen. Lanek 342.000 euroko aurrekontua dute, eta 6 hilabeteko gauzatze-epea.

Herritarrek eskatutako esku-hartze honek Eraztun  Berdeari bultzada ematen eta natura-ibilbideen sarea ehuntzen jarraitzea eta, azken finean, herritarrek inguru horretan atsegin hartzea du xede “ adierazi du Mugikortasunaren eta Espazio Publikoaren zinegotzi Amaia Barredok.  

Eraztun Berdearen alde horretan Mariturriko biribilgunetik Gometxako biribilgunera arteko errepide zatiaren alboetako ezpondak zurezko igarobide batez lotzea da proposamena. Alegia, Zabalgana eta Armentiako parkea lotzea, Mariturritik igaro beharrik gabe, orain bezala. Animaliak Babesteko Zentroaren paretik gurutzatuko du igarobideak N-102 errepidea, muino txiki bat baliatuz. Horretaz gain, udala inguru horretako hainbat bide egokitzen ari da, inguruko ibilbide berdeak bultzatzeko asmoz.

Share
Kategoriak: Udaltzaingoaren eta suhiltzaileen jakinarazpenak  —  Komunikazio Zerbitzua / Servicio de Comunicación  —   13:53

Udaltzaingoaren patruila batek gidatzen zihoan 69 urteko gizonezko bat bizkortu ahal izan zuen, harekin Donostia kalean 16:30ak baino geroxeago esku-hartze bat izaten ari zirela bihotz-biriketako geldialdi bat jasan ondoren.

Udaltzainak gidariarekin hizketan ari ziren, eta bat-batean, zorabiatzen ari zela adierazi zien. Artatzen ari ziren bitartean, bihotz-biriketako geldialdia izan zuen eta ibilgailutik atera behar izan zuten, bizkortu ahal izateko.

Osasun-langile gisa identifikatu ziren hiru herritarrek ere lagundu zuten lan horietan, eta udaltzainetako bat Ibaiondo Gizarte Etxera joan zen desfibriladore baten bila. Hiru deskarga egin ondoren, gizonak pultsua berreskuratu zuen, eta anbulantzia batean Txagorritxu Ospitalera eraman zuten.

 

Genero-indarkeriagatik atxilotua

Udaltzaingoaren Agenteek 21 urteko mutil gazte bat atxilotu zuten ostiralean, bere bikotekide ohiaren aurkako genero-indarkeriako delitu baten ustezko egile gisa, baita indarrez lapurtu eta haren etxean indarrez sartu izanagatik ere.

Gertaera horiek 13:00ak aldera izan ziren, eta une horretan, patruila bati Arriaga-Lakua auzoko etxebizitza batera joan zedila eskatu zioten, bikotekideen artean arazo batzuk gertatzen ari zirelako.

Emakumezko biktimak kontatu zuen mutil-lagunak mehatxu egin ziola telefonoz, eta gero, etxebizitzan leiho batetik barrena sartzen saiatu zela, etxebizitzako ataripe batean zeukan bizikleta lapurtzeaz gain.

Gizonezkoa aurkitu ondoren, udaltzainek atxilotu egin zuten, eta larunbatean, epailearen esku geratu zen.

 

Erasoa

Ostiral arratsaldean, Udaltzaingoak 47 urteko gizonezko bat atxilotu zuen, eraso egin eta hainbat lesio larri sortu izanaren delituaren ustezko egile gisa.

Patruila bati eskatu zioten Heraclio Fournier kalera joan zedila, gizonezko bat lurrean etzanda zegoelako eta buruko zauri batetik odola zeriolako.

Gertaeren lekuko batek udaltzainei adierazi zien minutu batzuk lehenago herritar horrek eztabaida gogorra eduki zuela inguruko bizilagun batekin, eta hark bultzada bat eman eta lurrera bota zuela.

Udaltzainek bere etxebizitzan aurkitu zuten ustezko erasotzailea, eta atxilotu egin zuten. Zauritua ospitale batera eraman zuten.

Atzo igande goizeko lehen orduan, Udaltzaingoak 26 urteko gizonezko bat atxilotu zuen, Dato kalean laguntza eskatu zuen emakume batekin esku-hartze bat izaten ari ziren udaltzainei mehatxu egiteagatik eta desobeditzeagatik. Guardiako Epaitegian izapide egokiak bete ondoren, aske utzi zuten.

 

Trafiko-istripuak

Joan den irailaren 27az geroztik –ostirala– 32 trafiko-istripu erregistratu dira, eta horietan 5 pertsona zauritu dira.

Ostiralean, 13:30ak aldera, istripu bat gertatu zen bi bizikleten artean, Micaela Portilla kaleko bidegorrian. Talka horren ondorioz, bi txirrindulariak, 71 urteko emakume bat eta 45 urteko gizonezko bat, zaurituta geratu ziren. Larrialdi-zerbitzuek emakumea artatu zuten, eta gero, anbulantzia batek Txagorritxu Ospitalera eraman zuen.

Gauean, auto-harrapaketa bat gertatu zen, eta bertan, ibilgailu bat zegoen nahastuta. Pedro Asua kaleko 45 zenbakiaren parean dagoen oinezkoentzako pasabide batean gertatu zen. Talkaren ondorioz, oinez zihoan 39 urteko emakumea zaurituta geratu zen eta Santiago Ospitalera eraman behar izan zuten anbulantzian.

Ostiralean, halaber, 22:00ak aldera, 66 urteko emakume bat zaurituta geratu zen, Zabalgana Hiribidean auto batean kopilotu gisa zihoala beste ibilgailu batek atzetik jota izandako istripuan. Larrialdi-zerbitzuek bertan artatu zuten emakumea, eta gero, Txagorritxu Ospitalera eraman zuten.

16 urteko mutil adingabe bat zaurituta geratu zen larunbat gauean, Gasteiz Hiribideko bidegorritik bere bizikletan zihoala beste bizikleta baten aurka talka egin ondoren. Osasun-zerbitzuek Santiago Ospitalera eraman zuten.

 

Alkoholemiak

Udaltzaingoak argiketak abiarazi dizkie hiru gidariri, mozkortuta gidatzeagatik.

Horietako batek, 53 urteko gizonezkoak, istripu bat izan zuen Iruñea Veleia Hiribidean, eta gero eginarazi zioten alkoholemia-proban, 0.74-0.72 miligramo alkoholeko emaitzak eman zituen arnasbideetatik kanporatutako aire-litro bakoitzeko.

Gainera, asteburuan alkoholemiako bederatzi prebentzio-kontrol egin dira eta horietan 140 gidari inguruk egin behar izan dituzte nahitaezko probak. Horietatik hamarrek emaitza positiboa izan zuten, eta salaketa jarri zaie administrazio-bidetik.

Asteburuan zehar, 47 salaketa aurkeztu dira Polizia Judizialean.

 

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —   12:29

Lau urtetan, herritarren partaidetza eta ahalduntzerako programa 13 jarduera izatetik 60 baino gehiago izatera iritsi da

Liburuxka HEI_2019-20_1ºTRIM_V6

Herritarren Partaidetzaren eta Gardentasunaren zinegotzi Borja Rodríguezek Herritartasunerako Eskola Irekiaren laugarren edizioa aurkeztu du gaur prentsaren aurrean. Urriaren 10ean hasiko dira Eskolaren jarduerak, Europa jauregian, UNESCOren zuzendari nagusi ohi eta “Cultura de Paz” fundazioaren presidente Federico Mayor Zaragozaren hitzaldiarekin. ‘Ahora, sí, nosotros los pueblos’ da hitzaldiaren izenburua.

Programaren helburua da herritarrei irekitako topaketarako eta prestakuntzarako espazioa sortzea, parte hartzeko kultura hobetzen laguntzeko, demokrazia sendotzeko eta komunitateko erantzunkidetasuna sustatzeko. Informazio, prestakuntza eta eztabaida saioak egingo dira taldeek eta herritarrek planteatutako gaien inguruan. Hiri Hezitzaileen Nazioarteko Elkartearen aitorpena jaso du programak, eta erreferentziazko bihurtu da beste hiri askorentzat.

Rodríguez Ramajok azaldu duenez, “duela lau urte jarri zen abian programa, aurreko agintaldian Herritarren Partaidetzaren Udal Planaren barruan. Lehen edizioan 14 jarduera zituen programak; 2018an, berriz, 60 baino gehiago izatera iritsi ziren. Eta ikasturte honetan gainditu egin da kopuru hori”.

Asistentziari dagokionez, Herritarren Partaidetzaren, Gardentasunaren eta Gizarte Etxeen Saileko zinegotziak azpimarratu du “aurreko ikasturtean 1.895 pertsonak parte hartu” zutela “antolatutako 60 jardueratan baino gehiagotan. Aurreko ikasturtearen aldean, % 60 gehiago izan zen. Horretaz gain, ikasturtean zehar 300 jarraitzaile izan zituen zuzenean, online”.

Edizio honetan ere zabaldu egin da programazioa, eta hiru hilean behin aurkeztuko da, gaurkotasunari eta herritarren eskaerei hobeto egokitzearren.

 

Jarduera nabarmengarrienak

Urritik abendura bitartean, 25 jardueratik gora barne hartzen ditu programak. Inaugurazioaz gain, hauek nabarmendu daitezke:

  • Azaroaren 12an, demokraziari eta herritartasunari buruzko hitzaldia emango du partaidetza eta gobernantzaren alorreko aditu Fernando Pindadok.
  • Gizarte trebetasunei buruzko lantegiak ere eskainiko dira. Azaroaren 7an, “umorea eta emozioak” lantzeko tailerra egingo da, Virginia Imazekin; abenduaren 3an eta 4an, “eztabaidatzen ikasteko” lantegia izango da, elkargune eta auzoguneetan eta Gizarte Kontseiluan parte hartzen duten pertsonentzat bereziki.
  •  Elkarteei zuzendutako hiru  prestakuntza-ibilbide ere antolatu dira, zenbait saiotan banatuta:  elkarteen kudeaketarekin lotutako alderdiak lantzeko (urrian eta azaroan), gizarte proiektuetan kulturarteko ikuspegia sartzeko (abenduan), eta garapen iraunkorreko helburuak lantzeko (azaroan eta abenduan).
  • Bestetik, informazio-hitzaldiak ere egingo dira, herritarrei zenbait udal gai modu ulergarri eta entretenigarrian hurbilarazteko, esaterako hauek: ¿Qué impuestos pagamos en Vitoria-Gasteiz? edo ¿En qué gasta Vitoria-Gasteiz el presupuesto municipal?
  •  Berritasun gisa, urriaren 17an zine-foruma egingo da: ‘Fátima’ film saritua eskainiko da, bizikidetza eta aniztasuna hizpide dituena; azaroaren 20an, berriz, Aragoiko Gobernuaren Berrikuntza Demokratikaren Laborategia ezagutzeko saioa egingo da, eta ‘fakenews’ direlakoei buruzko kafe-solasaldia. Hori dena ‘HEI LAB’ izeneko atalean eskainiko da.

Zinegotziarekin batera, Vital Fundazioko zuzendari Axier Urresti izan da prentsaurrekoan. Fundazioak “HEI Txiki Vital” antolatzen laguntzen du, haurrei eta familiei zuzendutako atala, zeinaren helburu orokorra baita komunitatean bizitzeko eta lankidetzan aritzeko behar diren gizarte trebetasunak hobetzea. Hiru lantegi egingo dira, Lehen Hezkuntzako 5. eta 6. mailetako, DBHko, Batxilergoko eta Lanbide Heziketako ikasleentzat.

Rodríguez Ramajok Saregune eta Secot elkarteen laguntza eskertu du, Vital Fundazioarekin batera parte hartzen baitute programan.

Herritartasunerako Eskola Irekiko jarduera guztiak doakoak dira. Hitzaldietara joateko, gonbidapenak eskuratu behar dira aurretiaz gizarte-etxeetan. Lantegi, ikastaro eta bisitetan parte hartzeko, izena eman beharko da, udalaren web orrian, 010 telefonoan, edo herritarrei laguntzeko bulegoetan, urriaren 1etik (asteartea) aurrera.

Izen-emate hurrenkerari jarraituko zaio lekuak betetzeko. Hitzaldietarako haurtzaindegi-zerbitzua eskatzerik izango da, 5 egun lehenagoko aurrerapenarekin, heieskola@vitoria-gasteiz.orghelbide elektronikoan edo 945 16 16 97 telefono-zenbakian.

Prentsaurrekoan Herritartasunerako Eskolaren 2018-2019ko edizioaren bideo-laburpena proiektatu da. Bideoaren esteka: https://www.youtube.com/watch?v=b2V3RfYddRE

Share
Kategoriak: Fotonotizia  —  Etiketak: , ,   —  Komunikazio Zerbitzua / Servicio de Comunicación  —  27 iraila 2019 19:25

Gaur arratsaldean hasi da Gasteizko Erdi Aroko XVIII. Azoka, Aihotz plazan, Gorteko bufoien pregoiarekin. Gorka Urtaran alkatea eta Maider Etxebarria lehen alkateordea izan dira ekitaldian. Asteburuan zehar, 34 antzerki, musika eta zirku konpainiak girotuko dituzte Erdi Aroko hiriguneko kaleak; guztira, 132 artista arituko dira.

 

Share
Kategoriak: Deialdiak  —  Komunikazio Zerbitzua / Servicio de Comunicación  —   17:00

Harrera ekitaldia Banco Africano de Desarrollo erakundeko delegazio bati

Parte hartzaileak. Lehen alkateorde Maider Etxebarria; eta bigarren alkateorde Ana Oregi

Eguna. Astelehena, irailak 30

Ordua. 09:00

Tokia. Udaletxeko harrera aretoa

———————————-

Prentsaurrekoa. Herritartasunaren Eskola Irekia aurkeztea

Parte hartzaileak. Herritarren Partaidetza, Gardentasun eta Gizarte Etxe saileko zinegotzi arduraduna; eta Vital Fundazioko zuzendari Axier Urresti

Eguna. Astelehena, irailak 30

Ordua. 11:00

Tokia. Udaletxeko prentsa aretoa

Share
Kategoriak: Deialdiak  —  Komunikazio Zerbitzua / Servicio de Comunicación  —   15:30

Ostirala, irailak 27

  • Bizikidetza eta Aniztasun zinegotzi Miren Fernández de Landa ‘Oztoporik Gabe Aretoa’ ekimenaren X. edizioan izango da 18:00etan, Europa Jauregian.
  • Alkate Gorka Urtaran, alkateorde Maider Etxebarria eta udal zinegotziak Erdi Aroko Azokari hasiera ematen dion pregoian izango dira 18:00etan, Aihotz plazan.
  • Alkateorde Ana Oregi, eta Bizikidetza eta Aniztasun zinegotzi Miren Fernández de Landa Euskadiko Orkestra Sinfonikoaren kontzertua entzuten izango dira 20:00etan, Principal Antzokian.

 

Larunbata, irailak 28

  • Kirol eta Osasun zinegotzi Livia Lopez Señor Zuzenak Txapelketaren XXIV. edizioan izango da 17:00etan, Ariznabarra kiroldegian.

 

Igandea, irailak 29

  • Herritarren Partaidetza, Gardentasun eta Gizarte Etxe saileko zinegotzi Borja Rodriguez Vitoria-Gasteiz Trail lasterketaren irteeran izango da 10:00etan, Cervantes ibilbidean.
Share
Kategoriak: Prentsa oharrak  —  Etiketak:   —  Komunikazio Zerbitzua / Servicio de Comunicación  —   14:17

 

 

Tokiko Gobernu Batzarrak “Gasteiz drogarik gabeko hezkuntza esparrua” programa garatzeko kontratua esleitu die Ediren S.C. eta Ortzadar S.L. enpresei  gaur goizean. Programa horren bitartez adikzioen prebentzio unibertsala eta kontsumoari lotutako arriskuak gutxitzea lantzen da. Programa 2020ko ekainaren erdialdera arte egingo da, eta 78.632 euroko inbertsioa izan du. Hezkuntza komunitateko eragile ezberdinekin ekintzak jarriko dira abian, eta  adikzio eta kontsumorako jarrerak bultzatu ditzaketen faktoreei (pertsonalak, sozialak zein kulturalak) helduko zaie bereziki.

Ikasleak izango ditu hartzaile nagusi. Parte hartzen duen gela bakoitzak landu egingo ditu ikasleei berdinen zein komunikabideen presioari aurre egiteko aukera emango dieten trebetasunak. Autonomia pertsonaleko alderdiak landuko dira, substantzien kontsumoa saihestu eta atzeratzea xede, esaterako autoezagutza, autoerregulazio emozionala, asertibitatea, erabakiak hartzea edo erresilientzia.  Horretaz gain, hainbat alderdiri buruzko informazioa emango da: legezko zein legez kanpoko substantziak, erabileraren eta abusuaren ondorioak eta gai honetan sare-sozialek izan dezaketen eragina.

Familiei baliabideak emango zaizkie gelan landutako adikzioaren inguruko kontzeptuak hobeto ezagut ditzaten. Irakasleek arloko profesionalen laguntza izango dute klasean landutakoaren osagarri.

“Gasteiz drogarik gabeko hezkuntza esparrua” programaren bidez, tabako, alkohol, kalamu, psikofarmako eta legez kanpoko hainbat droga motaren prebentzioa bultzatzen da.  Halaber, alkohola kontsumitzen dela uste den kasuetan, kontsumoak eragindako arriskua gutxitzeko lan egiten da. Prebentzioa Derrigorrezko Bigarren Hezkuntzako eremu guztian lantzen da; arriskuak gutxitzeko esku hartzeak, berriz, DBHko 4. mailatik Derrigorrezko Bigarren Hezkuntzaren Ondoko mailetara.

 

 

 

Share
Kategoriak: Udaltzaingoaren eta suhiltzaileen jakinarazpenak  —  Komunikazio Zerbitzua / Servicio de Comunicación  —   13:42

 

Udaltzaingoaren agenteek 38 urteko gizonezko bat atxilotu zuten atzo, genero-indarkeriaren delitu baten ustezko egile gisa, bere bikotekide ohiari mehatxu eta eraso egiteagatik.

Eguerdian, 092 zenbakira egindako dei batek jakinarazi zuen eztabaida latzean ari zirela Sansomendi auzoko etxebizitza batean. Bertara joan zen patruilak bi pertsonekin hitz egin zuen, eta haien bertsioak entzun ondoren, gizonezkoa atxilotzeari ekin zioten eta gaur goizean epailearen esku geratu da.

Udaltzaingoaren Agenteek 33 urteko gizonezko bat eta 34 urteko emakume bat atxilotu zituzten atzo goizean, indarkeria eta mehatxuak erabiliz higiezin baten usurpazio-delituaren ustezko egile gisa.

Gertaerak 10:30ak aldera izan ziren, altxamendu judizial bat egin ondoren, beste inolako gorabeherarik gabe, Babesgabeen auzoko etxebizitza batean. Higiezinaren jabeek polizia etor zedila eskatu zuten, lehengo maizterrak –gizonezko bat eta emakumezko bat– indarrez sartu zirelako eta barruan geratzeko asmoa zutelako. Une horretan, borroka bat gertatu zen, eta jo egin zuten jabea.

Alde guztiekin elkarrizketatu ondoren, gertaera horiek izan zirenean jabeekin batera zegoen lekuko bat ere barne, udaltzainek atxilotu egin zituzten bi pertsonak. Gaur goizean epailearen esku geratu dira, Guardiako Epaitegian izapideak abiarazi ondoren.

Gidatzen zihoan gizonezko bat inputatu dute, gida-baimenik gabe gidatzeagatik, eta beste bat edanda gidatzeagatik

Udaltzaingoa izapidetzen ari den argiketa batean 34 urteko gizonezko bat ikertzen ari dira, Larrea kalean gida-baimenik gabe gidatzeagatik bide-segurtasunaren aurkako delitu bat egin ote duen jakiteko. Halaber, beste argiketa batean 45 urteko gizonezko bat ikertzen ari dira, edari alkoholdunen eraginpean gidatzeagatik. Bilbo Plazan gerarazi zuten eta 0.82-0.85 miligramo alkoholeko tasak eman zituen arnasbideetatik kanporatutako aire-litro bakoitzeko. Emaitza horiek ikusirik izapideak abiarazi dituzte, Guardiako Epaitegira bideratu dezaten.

Bi pertsona zauritu dira istripuetan

Azkeneko 24 orduetan 10 trafiko-istripu erregistratu dira, eta horietan 2 pertsona zauritu dira.

14:00ak aldera istripu bat erregistratu zen auto baten eta bizikleta baten artean, eta horren ondorioz, bizikleta gidatzen ari zen 19 urteko neska zaurituta geratu zen. Santiago Ospitalera eraman zuten.

Bizikletaz zihoan 18 urteko beste mutil gazte bat zauritu zen atzo 17:00etan, Antso Jakituna kalearen eta Gasteiz Hiribidearen elkargunean tranbiak harrapatuta. Anbulantzia batek Santiago Ospitalera eraman zuen.

Atzo, 16 salaketa aurkeztu zituzten Polizia Judizialean.

Share
Kategoriak: Fotonotizia  —  Etiketak: ,   —  Komunikazio Zerbitzua / Servicio de Comunicación  —   12:52

 

Udaleko talde politiko guztiek bat egin dute larrialdi klimatikoa dela eta konponbideak eskatzeko Fridays for Future gazteen mugimenduak Plaza Berrirako deitutako elkarretaratzearekin.

Hori baino lehen,  udalbatzaren osoko bilkuran, larrialdi klimatikoaren inguruko adierazpena onetsi da, zein Greenpeace Vitoriak eta Ekologistak Martxan elkarteek aurkeztu baitute hainbat elkarte eta talderen izenean.

Share

Aurrekoak »