Prentsa Oharren banner
Kategoriak: Deialdiak  —  Komunikazio Zerbitzua / Servicio de Comunicación  —  30 abuztua 2019 17:00

Prentsaurrekoa. Euskararen matrikulazio kanpaina aurkeztea

Parte hartzaileak. Euskara zinegotzi Iñaki Gurtubai; Euskara foru zuzendari Lexuri Ugarte; eta euskaltegietako ordezkariak: Joxemi Reguero, IKA; Rakel Larrazabal, Udaberria euskaltegia; Blanka Ugarte, Hegoalde euskaltegia; eta Gorka Arbulu, AEK

Eguna. Astelehena, irailak 2

Ordua. 11:30

Tokia. Oihaneder Euskararen Etxea

Share
Kategoriak: Deialdiak  —  Komunikazio Zerbitzua / Servicio de Comunicación  —   15:30

Ostirala, abuztuak 30

  • Alkateorde Maider Etxebarria eta udal gobernuko zinegotzi Amaia Barredo eta Miren Fernandez de Landa ‘Zuria eta kitto’ azokaren hasiera ekitaldian izango dira 19:00etan, Aihotz plazan.
Share
Kategoriak: Udaltzaingoaren eta suhiltzaileen jakinarazpenak  —  Etiketak:   —  Komunikazio Zerbitzua / Servicio de Comunicación  —   13:16

Udaltzaingoaren Agenteek 20 urteko mutil gazte bat atxilotu zuten atzo Gasteizen, genero-indarkeriako delitu bat egin izanaren usteko egile gisa, urruntze-agindua urratu ondoren bere bikotekide ohia jo eta iraintzegatik.

Dei baten bidez Udaltzaingoari jakinarazi zioten Judimendi auzoan mutil gazte bat neska gazte bat jotzen eta iraintzen ari zela. Patruila batek neska hori topatu ondoren, udaltzainei adierazi zien bere bikotekide ohiak indarrez astindu zuela eta entzungailu batzuk puskatu zizkiola. Beste patruila batek mutil gaztea aurkitu zuen, baina hark ukatu egin zuen jo zuenik. Dena den, egiaztatu ahal izan zuten gizonezko horrek neskarenganako urruntze-agindu bat zuela indarrean, eta beraz, udaltzainek atxilotu egin zuten; izapideak bete ondoren atxilotua aske utzi zuten, eta zitazio bat eman zioten Guardiako Epaitegian aurkezteko.

Gainera, 32 urteko beste gizonezko bat ere atxilotu zuten atzo Arabako hiriburuan, bikotekide ohiarenganako urruntze-agindua urratzeagatik. Bi lekukok Alde Zaharrean zegoen Udaltzaingoaren patruila bati jakinarazi zioten gizonezko bat emakume baten aurkako jazarpena egiten ari zela, urruntze-agindua eduki arren. Udaltzainek egiaztatu zuten aipatutako agindu hori indarrean zegoela, eta beraz, atxilotu egin zuten, eta bidezko izapideak bete ondoren, aske utzi zuten, zitazio judizial batekin.

Auto batek oinezko bat harrapatu du

Beste alde batetik, bere emaztearekin batera Abetxukoko Kristo kalean errepidea oinezkoentzako pasabide batetik gurutzatzen ari zen 64 urteko gizonezko bat harrapatu zuen atzo auto batek. Istripu horren nondik norakoak ikertzen ari da argiketa-talde bat; gizonezkoa zaurituta geratu zenez, Santiago Ospitalera eraman zuten.

Udaltzaingoak beste hamaika trafiko-istriputan esku hartu zuen atzo, nahiz ez zen zauriturik izan, eta 30 urteko auto-gidari bat ikertzen ari dira alkoholaren eraginpean gidatzeagatik.

Argiketa-talde batek, bart goizaldean, Estokolomo kalean, alkoholemiaren proba eginarazi zion, eta emaitza positiboa eman zuenez, izapide egokiak abiarazi zituzten Guardiako Epaitegira bideratu zitzaten.

Udaltzaingoak hamahiru salaketa izapidetu zituen eta polizia judizialaren hamaika jarduera egin zituen, eta horien artean, lapurtutako motozikleta bat berreskuratu zuen.

Sutea merkataritza-lokal batean

Suhiltzaileek gaur goizeko bostak aldera esku hartu behar izan dute Alava jeneralaren kalean, merkataritza-lokal baten barrualdean plastiko, paper eta kartoiak erretzeak eragindako sutea itzaltzeko. SPEISeko langileek sute hori itzali eta merkataritza-galeria egurastu dute.

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —   12:25

 

www.vitoria-gasteiz.org/bea webgunearen bidez, herritarrek informazio eguneratua eta xehetasun osokoa eskuratu ahalko du autobus elektriko adimentsuaren obren gainean

 

Irailaren 2an hasiko dira, hiriko lau lekutan aldi berean, BEAren obrak

Amaia Barredo audioa

Gasteizko Udalak webgune berariazko prestatu du, autobus elektriko adimentsua hirian ezartzeko lanei buruzko informazio eguneratua eta xehetasun osokoa emateko.

www.vitoria-gasteiz.org/bea, webgunearen bidez, herritarrek proiektuaren dosierrak, obren garapena, espazio publikoarekiko eraginak, lanen aurrerabideak eta Udalak argitaratuko dituen albisteak kontsultatu ahalko ditu, “garraiobide berri moderno, eroso eta eraginkor” honi buruz. “Gure ustean funtsezkoa da herritarrei proiektuari buruzko xehetasun guztiak modu argi eta gardenean helarazteko”, azpimarratu du Mugikortasunaren eta Espazio Publikoaren zinegotzi Amaia Barredok.

 Irailaren 2an hasiko dira, hiriko lau lekutan aldi berean, BEAren obrak. Obra zibilek hartuko dituzten 65 asteetan gauzatuko dira autobus elektriko adimentsuaren proiektua, azpiegitura, hornikuntza, abian jartzea eta mantentzeko lanak. Hainbat erakundek parte hartzen dute BEIren proiektuan: Gasteizko Udalak finantzaketaren % 17,5 emango du, Arabako Foru Aldundiak % 17,5, eta Eusko Jaurlaritzak % 65.

Esmaltazioen biribilgunea, Mendizorrotza, HUAren ingurua eta Hegoalde gizarte etxe inguruko Zumakadi kale zatia. Horiexek dira irailaren 2an aldi berean autobus elektriko adimentsuaren (BEA), obrak (zein Irizar E-Mobility, Yarritu eta LKS enpresei esleitu zaizkien) hasteko hautatutako lau lekuak.

Lehen egunetan materiala biltzen eta esku-hartzeen ingurua mugatzen arituko dira langileek, gero bide publikoan lehen lanei ekiteko. Edonola ere, lau leku horietan eragina minimoa izango da, ibilgailuen zirkulazioa eta garraio publikoaren zerbitzuak ohiko moduan izango dira, gerta daitezkeen unean uneko mozketak gorabehera.

Garraio publikoko sistema eraginkor eta edukiera handikoa da BEA; helburuak ditu hiriko auzo guztiak hobeto konektatzea, eta mugikortasun iraunkor eta osasungarria sustatzea.

TUVISAren egungo 2. linean emango du zerbitzua. Linea horrek Gasteiz inguratzen du, eta  hiriko leku garrantzitsuak lotuko ditu, hala nola Txagorritxu ospitalea, Eusko Jaurlaritza eta Mendizorrotzeko futbol-zelaia. Lineako 10 kilometroko ibilerak 24 geltoki berri–noranzko bakoitzean– lotuko ditu, gaur egun geltoki “konbentzionalak” dituzten lekuetan egingo direnak.

 

Share
Kategoriak: Prentsa oharrak  —  Etiketak: , ,   —  Komunikazio Zerbitzua / Servicio de Comunicación  —   12:20

10 eta 18 urte bitarteko pertsonentzako #FeminismoanItzel eskola finkatu egingo da aurtengoan, dozena prestakuntza-jarduera eta -mintegi ingururen bidez, urtarriletik aurrera

 

Irailaren 5ean hasiko da izena emateko epea

 

 

Urrian ekingo dio berriz jarduerari Jabetze Feministarako Eskolak, arreta desberdintasun-iturri guztiei egingo dielarik. Berdintasuneko zinegotzia Miren Fernández de Landak eta Alkatetzako zuzendari Estitxu Peredak aurkeztu dute gaur goizean Etxanobe jauregian bederatzigarren edizioko egitaraua, zeinean, ohiko hitzaldien eskaintzaz gain, zenbait berrikuntza dauden; horien artean nabarmentzekoak dira Florida zinemetako zine-forum ziklo berreskuratua eta antzerkiaren eta dokumentalen aldeko apustua. Ikasturtearen inaugurazioa irailaren 18an (asteazkena) izango da, 19:00etan, Pamela Palencianoren No sólo duelen los golpes monologoaren eskutik.

Berriro izango da aurten ere 10 eta 18 urte bitarteko pertsonentzako #FeminismoanItzel eskola. Bigarren urte honetan, finkatu egin da prestakuntza-programazio hori, zein, gainera, herritarren ekimenez sortua baita.

“Generoaz gain, badira beste desberdintasun-iturri egiturazko batzuk, esaterako testuinguru kulturala, adina, aniztasun funtzionala eta mentala, eta sexu-orientazioa eta genero-identitatea; horiek ez dira faktore biologikoak, baizik eta gizakiok sozialki eraikiak. Horiek duen eraginari erreparatu ezean, muzin egingo diogu ahulezia-maila handiago baten menpe dagoen pertsona askoren egoerari. Desberdintasun-iturri diren ardatz jakin batzuk zeharkatutako gizatalde zenbaiten errealitate ezagutzea… horixe da lehen begiratuan dirudiena baino askoz jende gehiagok beren eskubideek murriztuta dituztela ohartarazteko eta horren gaineko kontzientzia hartzeko lehen urratsa”, azpimarratu du Miren Fernández de Landa zinegotziak.

Helburu hori jomugan, Eskolak Indiako feminismoari eta afrofeminismoei begiratuko die, baita sexu- eta genero-identitatearen alde Guatemalan gauzatzen ari den borrokari, eta ijitoen arteko identitate intersekzionalei ere. Horratuko den beste gai bat eromenaren eraikuntza historiko eta kulturala da, horren bidez ulertzen saiatzeko zergatik zenbait nahasmendu gehiago diagnostikatzen den emakumeen artean gizonezkoengan baino. Halaber, Eskolak nabarmendu nahi du nola baldintzatzen dien zahartzaroa –okerrerako baldintzatu ere– emakumeek beren bizitza-ibilbideetan dituzten genero-rolak. Guztira, Berdintasun Zerbitzuak kudeatzen duen Eskola honek 70 jarduera baino gehiago programatu ditu, urritik maiatzera bitartean.

Jabetze Feministarako Eskola jadanik sendotuta dagoen erreferentziazko zentroa da Gasteizen, eta hazten jarraitzen du. Iaz 73 jarduera egin ziren, aurreko urtean baino 6 gehiago. Lehen aldiz 10 eta 18 urte bitarteko haur eta gazteentzako jarduerak antolatu ditu Gasteizko Jabetze Feministarako Eskolak.  Lehen edizio horretan 130 adingabek eta familiak hartu zuten parte, jarduera-ildo horri etorkizun oparoa iragartzen dion hasiera. 

Gainera, Eskolak espazio berri bat izan zuen: Etxanobe jauregia. Bertan egin zien jarduera gehienak eta, laster, Sorginenea Emakumeen Etxea proiektuarekin partekatuko du gune hori.

Iazko beste berrikuntza bat izen-aldaketa izan da; orain Jabetze Feministarako Eskola du izena, zerbitzuaren udal politikek duten ikuspegia azpimarratze aldera.

Eskolaren helburua transbertsaltasuna eta aniztasuna lantzea da ahalik eta ikuspuntu gehienetatik, pertsona ororen identitateak ulertu eta konprenituz eta horrek dakartzan desparekotasunak identifikatuz; intersekzionaltasuna analisi-tresnatzat hartzea sarri gure gizartean nagusi den homogeneizaziotik urruntzeko. Hori dela eta, kolektibo zehatzekin egin da lan: buruko gaixotasunak dituzten emakumeak, desgaitasun intelektualak dituzten emakumeak, desgaitasun funtzionalak dituzten emakumeak, LGTBI gaiak, emakume musulmanak eta emakume ijitoak, esan du Estitxu Peredak.

Eskolaren indarguneetako bat da Gasteizko gizarte-kolektiboekin eta mugimendu feministarekin lanean eta lankidetzan jorratzen duela proiektua, hain zuzen ere, 20 bat kolektibo eta elkarterekin.

 

Share
Kategoriak: Deialdiak  —  Komunikazio Zerbitzua / Servicio de Comunicación  —  29 abuztua 2019 17:00

– Jabetze Feministarako Eskolaren programaren aurkezpena

Parte-hartzaileak: Miren Fernández de Landa, Berdintasuneko zinegotzia, eta Estitxu Pereda, Alkatetzako zuzendaria

Eguna: Ostirala, abuztuak 30

Ordua: 11.30.

Lekua: Etxanobe jauregia (Santa Maria kalea, 11)

Share
Kategoriak: Udaltzaingoaren eta suhiltzaileen jakinarazpenak  —  Etiketak:   —  Komunikazio Zerbitzua / Servicio de Comunicación  —   14:38

Udaltzaingoaren agenteek 25 urteko gizonezko bat atxilotu zuten atzo, genero-indarkeriaren delitu baten ustezko egile gisa, bere bikotekidea jo, iraindu eta mugikorra lapurtzeagatik.

Bi lekukok Udaltzaingoaren koordinazio-zentralera deitu zuten gizon batek bere bikotekidea jo zuela esateko, Ehari-Gobeoko industrialdean kokatuta dagoen gaztentzako lokal batean. Gero, bikotekidea Salburua auzora joan zen.

Patruila batek taberna batean topatu zuen bikotekidea, eta udaltzainek gizonezkoarekin eduki zuten elkarrizketan, neska gaztearen mugikorra soinean eduki arren, ukatu egin zuen bere neskalaguna jo zuenik, eta esan zuen mugikorra berak zeukala neskak gordetzeko eskatu ziolako.

18 urteko neska gazteak hantura handi samar bat zuen aurpegian, eta jakinarazi zien beldurra ziola bere bikotekideari, erasokorra delako eta etengabe iraintzen duelako; lokalean ukabilkada bat eman omen zion aurpegian eta beste bat saihetsean, mugikorra emateari uko egin ziolako, baina azkenean kendu egin zion jo ondoren. Udaltzaingoak atxilotu egin zuen gizonezkoa eta gaur goizean epailearen esku geratuko da. 

Udaltzainek, halaber, 29 urteko gizonezko bat atxilotu dute bart goizaldera Koroatze auzoan, Gasteizko Epaitegi batek hura bilatzeko eta atxilotzeko agindua emana zuelako.

Lau pertsona zauritu dira istripuetan

Atzo Frai Francisco Pasealekuaren eta Lasarteko Atea kalearen arteko biribilgunean gertatutako istripu baten nondik norakoak ikertzen ari da argiketa-talde bat. 66 urteko emakume bat lurrera erori zen, oinezkoentzako pasabide batetik errepidea gurutzatzen ari zenean, berarengana furgoneta bat hurbiltzen ari zela ikusita.  Furgonetak ez zuen emakumea jo eta, horrenbestez, ez zen harrapaketa bat izan, eragindako istriputzat hartu izan dena baizik. Emakumea Santiago Ospitalera eraman zuten.

Beste alde batetik, auto bat gidatzen zihoan 33 urteko emakumea zaurituta geratu zen Lermandabide kalean izandako istripu batean, biribilgune batean sartu ahal izateko itxaroten ari zela bere ibilgailuaren atzealdearen aurka furgoneta batek jo zuenean. Emakumea Txagorritxu Ospitalera eraman zuten.

Sansomendiko Paula Montal kalean, 2 zenbakiaren parean, gertatutako beste istripu bat ikertzen ari da argiketa-talde bat. Istripu horretan lau ibilgailu zeuden nahastuta, eta horietatik bi zirkulazioan zeuden eta beste biak aparkatuta. Gidarietako bat, 36 urteko gizonezkoa, zaurituta geratu zen eta Txagorritxu Ospitalera eraman zuten.

Bizikletan zihoan 61 urteko gizonezko bat zauritu zen atzo, Zabalganan Giza Eskubideen hiribidea eta Mariturri Bulebarra elkartzen diren biribilgunean auto batek harrapatuta. Antza denez, barrualdetik zihoan bizikletak lehentasuna eduki arren, ibilgailuak ez zuen errespetatu. Txirrindularia San Jose Poliklinikara eraman behar izan zuten.

Udaltzaingoak beste bederatzi trafiko-istriputan esku hartu du, baina ez da zauriturik izan eta ez da inor ikertu bide-segurtasunaren aurkako delituengatik. 19 salaketa izapidetu dituzte eta polizia judizialaren hiru jarduera egin dituzte.

Sutea orube batean

Beste alde batetik, Abraham Lincoln kalean bide publikoaren ondoko orube batean piztutako sutea itzaltzera joan behar izan zuten atzo suhiltzaileek. Belar lehor eta sastrakekin egindako su bat zen.

Share
Kategoriak: Prentsa oharrak  —  Etiketak: , ,   —  Komunikazio Zerbitzua / Servicio de Comunicación  —   14:37

 

Lehen alkateorde Maider Etxebarria eta Kulturako zinegotzi Estíbaliz Canto Haurren ezkontzak erakusketaren inaugurazioan izan dira gaur, ‘Kazetaritza, bertatik bertara’ jardunaldien VII. Edizioaren barruan. Duela bi aste paratu zuten erakusketa Gasteiz hiribidean, baina gaurko ekitaldian Pedro Armestre prentsa-argazkilari izan da, eta bisita gidatua egin du, eta bere lanaren zenbait gako azaldu ditu. Paneletan Sierra Leonan nahitaezko ezkontzei buruzko argazkiak erakusten dira.

Maider Etxebarriak txalotu egin du prentsa-argazkilariaren lana, zeinen irudiek islatzen duten “zeinen zaila eta nekeza den kamera aurrean irribarre egitea, haurtzaroa lapurtu dizutenean”. Erakusketaren esperientziak barruak ukitzen dituen arren, alkateordeak azpimarratu du erakusketa hau dela “beharrezkoa bezain latza”. Estíbaliz Cantok zerbait gehitu du: “Sierra Leonan neska asko esklaboen pare bizi dira. Gizonezkei emanak, gizonezko horiek mendean hartuak, baldintza zinez gogorretan erditu beharra… Bakarrik sentitzen dira, benetako amesgaizto baten erdian”.

‘Derecho Humano al Agua’ (“Ura eskura izateko giza eskubidea”) Izeneko hitzaldia eskainiko du gar arratsaldean pedro Armestrek Europa jauregian, horixe ere jardunaldien baitan. Hitzaldian, Armestrek hausnar egingo du Erdialdeko Amerikaren kasuario buruz, non eskubide hori kolokan baitago, kudeaketa txarraren eta multinazionalen interesen ondorioz.

Erakusketa Gasteiz hiribidean egongo da, Europa jauregiaren aurrean, irailaren 1era arte.

Share

Lanak gauzatzeko epea, guztira, 11 hilabetekoa da, eta aurrekontua, 2.169.787 euro

 

 

 

 

Amaia Barredo audioa

Datorren astelehenean (irailak 2) hasiko dira Terrorismoaren Biktimen Oroimenezko Zentroa ingurua hobetzeko proiektuaren lanak, zeinen bitartez bost kaletako espazioa berrantolatuko den: egungo zoladura aldatuko da (leku askotan zaharkitu eta narriatuta baitago), berritu egingo dira instalazio eta zerbitzuak (esaterako argiztapena eta saneamendua), oinezkoentzako lekua irabaziko da eta hobetu egingo da Erdi Aroko hiriguneko irisgarritasuna, igogailu eta eskailera mekaniko berrien bitartez.

Opacua S.A. arduratuko da datozen 11 hilabetetan obrak egiteaz, 2,1 milioi euroko inbertsioa bitarte, bost kale hauetan: San Frantzisko, San Frantzisko aldapa, San Bizente aldapa, Gernikako Estatutuaren kalea eta Mateo Benigno Moraza kalea.

Proiektu globala 3 fasetan planifikatu da: San Frantzisko aldapa eta Oroimenezko Zentroaren atzealdea; Oroimenaren plaza; eta Errege atea. Horietako lehena, astelehean hasiko dena, 5 etapatan planifikatu da. Lehena 5 hilabete barru burutuko da eta epe horretan ez da zirkulazio-mozketarik aurreikusten, unean uneko lan txiki batzuengatik baino.

Erdigunerako Masterplanean sartuta dagoen jarduera horrek izugarri duinduko du espazioa. Eraberritzearen ondorioz, hiria biziberritzeaz gain, alderdi horretako jarduera ere dinamizatuko da. Horrek bultzada handia emango die espazio publikoaren eraberritzeari eta hiriaren erdialdea eta Erdi Aroko hirigunea dinamizatzeari”, azpimarratu du Mugikortasunaren eta Espazio Publikoaren zinegotzi Amaia Barredok, zeinek nabarmendu nahi izan duen erakundeen arteko lankidetza. “Hauxe da lan egiteko modua, erakundeen artean elkarlanean aritzea, hiria eta pertsonen bizitza hobetzeko helburu komuna lortzearren”. Lanen aurrekontuetako 1.700.000 euro kanpo-finantziaziotik etorriko dira, hain zuzen ere Estatuko aurrekontu orokorretik.

Lanetako lehen astean hesiak eta obra-etxolak paratuko dira, eta zuinketa topografikoari ekingo zaie. Obra-etxolak astean zehar ipiniko dira plazan, Mateo Benigno Moraza eta Agirre Lehendakariaren kaleen artean, eta tarte bat utziko da zabor-edukiontzietara iritsi ahal izateko.

Irailaren 2an berean indargabetuko dira San Frantzisko aldaparen ezker aldeko eta Oroimenezko Zentroaren atzealdeko aparkalekuak. Hurrengo bost hilabetetan indargabetu egingo dira baita San Frantzisko aldaparen eskuin aldekoak ere. Asmoa behin betiko errei berria fase orretan bertan paratzea da, eta hartara obrak egin bitartean zirkulazioa moztu beharra ekiditea.

Gero igogailu eta arrapala mekanikoen hormak egiteko nahitaezko hondeaketa-lanei ekingo zaie. Aldi berean, instalazio elektrikoak eta telefonoarenak desbideratuko dira aldi baterako, hartara hondeaketa-lanak osatu ahal izateko. Behin horma horiek eginda, betelanei ekingo zaie, bai eta elektrizitate-, telefonia-, saneamendu-, argiztapen- eta drainatze-instalazio berriak egingo dira, eta zoladura eta hormen estaldura berriak ipintzen hasiko.

Proiektuaren azalpena

Mugikortasunaren eta Espazio Publikoaren Sailak erredaktatu duen proiektuak berekin ekarriko du la gaur egun Arkupeen alboan dabilen trafikoaren desagerpena. Gune hori guztia oinezkoentzako izango da, halako moduan non are gehiago nabarmenduko den Justo Antonio Olagibel arkitektoaren lana, eta ostalaritza-terrazetarako gunea sortuko da bertan. Trafikoarentzako beste bide bat sortuko da Gobernuaren Ordezkariordetzaren eta Oroitzapenezko Zentroaren artean, Gernikako Estatutuaren kaletik.

San Frantzisko kalean ere esku-hartze handia egingo da. Gaur egungo zoladura erabat aldatuko da 18. zenbakitik aurrera, eta inguru horretako aparkalekuak desagerraraziko dira. Nabarmen handituko da hego aldeko espaloia, eta ipar aldekoan (ikusita zeharkako malda handia duela) zabalera aldakorreko terraza proiektatu da, luzean. Zarama bilketa pneumatikorako ontziak bi gunetan bilduko, eta ez hirutan (gaur egun horrela antolatuta daude), eta hondakinak biltzeko ohiko edukiontziak lurperatzea aurreikusi da. Horrez gain, zuhaitz berriak landatuko dira, eta argiztapen apaingarriaz hornitutako Virgen Blanca modeloko bankuak instalatuko dira bi espaloietan, bai eta Vitoria modeloko aulkiak ere hegoaldekoan.

Beste aldaketa handi bat izango da Gernikako Estatutuaren kalean: trafikoarentzako bide berriaz gain, Erdi Aroko hiriguneko irisgarritasuna hobetzeko bi elementu aurreikusten dira bertan. Batetik, edukiera handiko (1.500 kg / 20 pertsona) igogailu panoramikoa, 5,45 metroko gorabehera gainditzeko. Eta igogailuaren alboan eskailera mekanikoak ere instalatuko dira, igotzeko eta jaisteko alda banarekin, bakoitza metro bat zabal. Orduero 6.000 pertsona eramateko gaitasuna izango du.

Eraberritze lanek San Bizente aldapa ere ukituko dute: arazoak eman dituen lauzazko zoladura altxatuko da, eta horren ordez aglomeratu asfaltikoko zoladura jarraitu malgua ipiniko da, zeinak kale honen azpian dauden Aihotz plazako lokaletara jaisten diren hezetasun-filtrazioen arazoak ekiditea ahalbidetuko duen.

Mateo Moraza kalearen galtzada luzatu egingo da Gernikako Estatutuaren kaleko bide berriarekin lotzeraino, eta trafikotik aske utziko ditu Oroimenezko Zentroaren sarrera eta Postetxearen atzealdearekiko lotunea. eraikin zaharberrituaren paraleloan joango den bide paralelo horren zabalera 4,7 metrokoa izango da guztira, eta 3 metroko zabaleradun espaloiak bereziko du. Inguru horretan argiztapenaren tratamendu berezia egingo da, aintzat hartuta Erdialdearen eta haren inguruaren ezaugarriak. Kale horretan dagoen bilketa pneumatikorako buzoien gunearen alboan bi edukiontzi lurperatu paratuko dira (beira eta ontziak biltzeko, hurrenez hurren); hartara, ekidin egin ahal izango da gaur egun Arkupeen ondoan daudenen ikus-inpaktua.

Berrikuntzaren beste elementu bat Oroimenezko Zentroaren, San Frantzisko aldaparen eta Gernikako Estatutuaren kalearen arteko hirukian dagoen erdialdeko parterrea izango da. Erabat aldatuko da parterrea eta bere topografia, halako moduan non hegoaldera lekua irabaziko den, gaurko gaztainondo-ilara gordeko da eta zuhaixka berriak landatuko dira. Kendu egingo da gaur egun bertan dagoen iturri apaingarria, eta horren ordez beste bat ipiniko, turrusta bikoitzekoa eta geiser erakoa.

Bizikleten mugikortasunak tratamendu berezia izango dute Terrorismoaren Biktimen Oroimenezko Zentroaren ingurua eraberritzeko proiektuan; izan ere, bi errei berri sortuko dira Gernikako Estatutuaren kalean (2,15 metroko zabalerakoak) eta luzatu egingo da Mateo Benigno Moraza kalea Oroimenezko Zentroaren alboan (1,7 metroko zabalera). Hartara, nabarmen hobetuko da Olagibel kaletik datorren bidegorriaren jarraikortasuna.

Lan horiek guztiak ez dute eraberritze baten lehen fasea baino osatzen; ondotik egingo direnekin, plaza bat sortuko da Oroimenezko Zentroaren eta Postetxearen atzealdean, zein Oroimenaren plaza deituko den. Horri guztiari esker, espazio berezi bat sortuko da Oroimenezko Zentroaren inguruan, non gerora, eskultura edo elementu sinbolikoren bat jartzea aurreikusi den.

DOSIERRA

 

 

 

 

 

Share
Kategoriak: Deialdiak  —  Komunikazio Zerbitzua / Servicio de Comunicación  —  28 abuztua 2019 17:00

Parte hartzaileak. Alkateorde Maider Etxebarria; Kultura eta Gizarte Etxeen zinegotzi Estibaliz Canto; erakusketako egile eta fotoperiodista Pedro Armestre; eta Icono Cultural jardunaldietako enpresa antolatzaileko Felix Barrón

Eguna. Osteguna, abuztuak 29

Ordua. 12:00

Tokia. Gasteiz hiribidea, Europa Biltzar Jauregiko aurrealdean

Share

Aurrekoak »