Prentsa Oharren banner
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —  30 azaroa 2018 11:30

Hainbat faktore hartuko dira kontuan, hala nola baliabideak eskuratzeko aukerak gizon eta emakumeen artean, kontziliazio erantzunkidea, segurtasuna, mugikortasuna eta garraioa, etxebizitza eskuratzeko aukerak, espazio publikoen egokitasuna gizon eta emakumeen beharretarako, planeamendu-erabakietan parte hartzea eta beste

 Udal aurrekontua genero-ikuspegitik aztertzeko oinarriak jarriko direla iragarri du gainera Urtaran alkateak

 Hiriak proiektatzen duen irudia ere aztertuko da —genero-ikuspegia irudi korporatiboan, kale eta plazetan, monumentuetan…—, eta hirian proiektatzen den gizon eta emakumeen irudia —iragarkiak—

Genero-berdintasunari dagokionez hiriko egungo egoera zein den aztertuko du Udalak hirigintzaren ikuspegitik, analisi urbanistiko bat eta Gasteizko Hiri Antolamenduko Plan Orokorraren Aurrerapenaren generoaren araberako inpaktuaren aldez aurreko ebaluazioa direla medio.

Gorka Urtaran alkateak azaldu duenez, hainbat faktore hartuko dira kontuan, hala nola baliabideak eskuratu eta kontrolatzeko aukerak gizon eta emakumeen artean —espazio publikoa, espazio urbanoak, ekipamendu publikoak, dirua—, garraio- eta mugikortasun-bitartekoak, denboraren erabilerak, kontziliazio erantzunkidea, ordutegiak edo segurtasuna, mugikortasuna eta garraioa, etxebizitza eskuratzeko aukerak, espazio publikoen egokitasuna gizon eta emakumeen beharretarako, planeamendu-erabakietan parte hartzea eta beste.

Gainera, herritarren partaidetzaren mekanismoak aztertuko dira, eta gizon eta emakumeen partaidetza orekatua horietan, gizarte-arauak eta espazio publikoa erabiltzeko balioak —estereotipoak, barneratutako debekuak…—, hiriak proiektatzen duen irudia —genero-ikuspegia irudi korporatiboan, kale eta plazetan, monumentuetan…—, eta hirian proiektatzen den gizon eta emakumeen irudia —iragarkiak…—.

“Hasierako diagnostikoaren arabera —zein den emakume eta gizonen egoera—, HAPOren aurrerapenak berdintasun-helburuan eragin negatiboa izan ote lezakeen jakin nahi da, baita hirigintzaren esparruan genero-berdintasuna sustatzeari dagokionean antzemandako desparekotasunak murriztu edo desagerrarazten lagunduko lukeen ere.

18.000 euro bideratuko ditu Udalak azterlan horretara eta partaidetza-prozesura, herritarren balorazioa ere aintzat hartuko baita.

Udal aurrekontua genero-ikuspegitik aztertzeko oinarriak jarriko direla ere iragarri du Urtaran alkateak.

Share
Kategoriak: Prentsa oharrak  —  Etiketak:   —  Komunikazio Zerbitzua / Servicio de Comunicación  —   11:28

80 euro jasoko ditu Gasteizko Udalak biltzen dituen aparatu elektriko eta elektronikoen tona bakoitzeko. Era horretako hondakinen kudeaketan espezializatutako Ecotic, Ecoasimelec, Ecolum eta Ecofimática fundazioekin hitzarmena sinatzea onetsi du gaur goizean Tokiko Gobernu Batzarrak. Halako akordio batean lehengo aldiz sartu den ordain ekonomiko horren bitartez Udalari hondakin horien bilketak dakarzkion kostuei aurre egin nahi zaie. 400 tona inguru ekoizten ditu Gasteizko Udalak urtero, eta, horrenbestez, hemendik aurrera Udalak urtean 30.000 euro inguru kobratzea aurreikusten da.

Ingurumenaren eta Espazio Publikoaren Sailak, Hondakinen Kudeaketaren Zerbitzuaren bitartez, hondakin horiek bere instalazioetan sei multzotan banatzeko konpromisoa hartzen du bere gain (hotz- eta bero-aparatuak, monitore eta pantailak, informatika-tresnal, lanparak, 50 zentimetrotik gorako aparatu handiak eta 50 zentimetrotik beherako aparatu txikiak). Entitate horiek, berriz, aparatuak jaso eta kudeatu beharko dituzte, udal zerbitzu teknikoek eskatzen dieten guztietan.

Berrikuntza gisa, bi bilketa-leku berri sartu ditu Udalak hitzarmenean: Oreitiasoloko udal instalazioak —fundazioek Eraikinetako Mantentze Sailaren luminariak jaso ditzaten— eta Jundizko tratamendu-lantegia, hara eramango baitira kalean jasotzen diren aparatuak. Orain artean Oto hiribideko eta Gardelegiko garbiguneetatik jasotzen ziren hondakinak. Herritarrek reutilizaguneetara eraman ditzakete aparatu elektriko eta elektronikoak, eta ontzi zurietan utzi (berrerabiltzeko), edo puntu berde mugikorrera. Ekoizle handiek, beren aldetik, garbigunera eraman ditzakete, edo garbiketa-enpresari hitzordua eskatu.

 

Share
Kategoriak: Prentsa oharrak  —  Etiketak:   —  Komunikazio Zerbitzua / Servicio de Comunicación  —   11:26

Gasteizko Udalak abian jarriko du laster Aretxabaletako bilketa pneumatikorako zentrala. Izan ere, hondakin-bilketa pneumatikoaren sistemaren bilketa- eta mantentze-lanetarako lehiaketara deitzea onetsi du gaur Tokiko Gobernu Batzarrak, bi urterako (urtez urte luzatu daiteke, bost urtera arte). Udalak 4.051.613,10 euro inbertituko ditu datozen bi urteetan horretarako.

Une honetan Erdi Aroko hirigunean, Ibaiondon, Salburuan, Zabalganean, Mariturrin eta Arkaiaten ematen da zerbitzu hori. Kontratua esleitzen denean, Aretxabaletara ere zabalduko da; sistema duela urte batzuk instalatu zen, baina oraindik ez da martxan jarri, auzoak biztanle gutxi dituelako.

Lehiaketara atera den kontratuaren esleipendunak zentralaz, hoditeria sareaz eta sistema osoaz arduratu beharko du. Orobat, kontratuaren energia kudeaketaz arduratu beharko du, baita mantentzeaz eta sarea osatzen duten elementuen matxurak konpontzeaz ere.

Aretxabaletan sistema abian jartzeari begira, Udalak komunikazio-kanpaina bat egitea aurreikusi du, inguruko bizilagunek horren berri izan dezaten.

Share
Kategoriak: Prentsa oharrak  —  Etiketak:   —  Komunikazio Zerbitzua / Servicio de Comunicación  —   11:24

Berpizkundearen plazako eguneko arreta zerbitzu berria eraikitzeko lanak kontratatzeko dosierra abiaraztea onetsi du gaur Tokiko Gobernu Batzarrak, 599.913 euroko aurrekontuarekin.

 

 

Gizarte Politiken eta Osasun Publikoaren Sailak sustatutako gizarte baliabide berria Udalak Iradier Arenaren ondoan jabetzan duen lokal batean jarriko da, zeinak ia 500 metro koadroko azalera baitu.

Besteak beste, jantokia, erabilera askotarako gela, atseden gela, sendaketak eta azterketak egiteko gela, bulegoak, komunak, bainugela geriatrikoa eta aldagelak izango ditu. Horiek denak erabiltzaileak eragozpenik gabe mugitu ahal izateko egokituko dira, horietako batzuek gurpil aulkiak eta eskorgak behar baitituzte.

Berpizkundearen plazako eguneko arreta zerbitzuak mendekotasun-arriskua duten edo mendekotasun-egoera moderatuan dauden adinekoak hartuko ditu, eta gizarte arreta, estimulazioa eta errehabilitazioa eskainiko ditu bereziki.  “Zerbitzuaren bidez, adinekoei arreta emango diegu egunez, eta haien beharrizan pertsonal oinarrizkoak, terapeutikoak eta soziokulturalak beteko ditugu. Zerbitzuak laguntza handia ematen die familiei, eta erabiltzaileen bizi-kalitatea hobetzen, haien osasuna zaintzen eta gaitasun sozialak sustatzen dituen jarduera-eskaintza zabalaren bidez”, azaldu du Gizarte Politiken eta Osasun Publikoaren zinegotzi Peio López de Munainek.

Gizarte zerbitzuak helburu hauek ditu, besteak beste:

  • Adinekoak bere ohiko ingurunean jarrai dezan sustatzea.
  • Erabiltzaileek autonomia pertsonaleko albait mailarik handiena izaten jarraitzea edo berreskuratzea.
  • Adinekoen gizarteratzea eta harremanak sustatzea.
  • Familiari atsedena eta laguntza ematea.
  • Adinekoei banakako arreta integrala eskaintzea.

Berpizkundearen plazako eguneko arreta zerbitzua eraikitzeko obrek 6 hilabete iraungo dute.

DOSSIER CAD RENACIMIENTO

Share
Kategoriak: Prentsa oharrak  —  Etiketak:   —  Komunikazio Zerbitzua / Servicio de Comunicación  —   11:22

Tokiko Gobernu Batzarrak Gasteizko Udalaren eta Euskal Herriko Unibertsitatearen arteko lankidetza-hitzarmena onetsi du, Empleo Gune foroa egiteko. Izan ere, hitzordu horrek erakutsi du funtsezko tresna dela EHUko eta LHko ikasleak enpresekin eta lan-orientabideen eta laneratzearen alorreko profesionalekin harremanetan jartzeko. Aurten lehenengo aldiz, Empleo Gune bi ataletan banatzea erabaki da. Lehenengoa urriaren 30ean egin zen, eta horren barruko jarduera nabarmengarriena garagErasmus fundazioaren International Talent Match izan zen, estatuan lehen aldiz Gasteizen egin zena. Bigarren atala datorren urtearen hasieran egingo da.

Gaur onetsi den hitzarmenaren bitartez, Udalak 16.000 euro jarriko ditu Empleo Gune foroa egiteko. Foroa antolatu dezan EHUren Arabako campusarekiko lankidetza justifikatzen duten arrazoietako bat da kalitateko lan-merkatu lokala, pertsona kualifikatuentzat erakargarria eta inklusiboa  sustatzeko duen ahalmena.

2018/2019ko Empleo Guneren bigarren hitzordua otsailaren erdialdean egitekoa da, Europa biltzar jauregian. Besteren artean, enpresa pribatuen aurkezpenak, enplegu-eskaintzak egiteko standak eta langileak hautatzeko elkarrizketak barne hartuko ditu egitarauak.

 

 

Share
Kategoriak: Prentsa oharrak  —  Etiketak: , ,   —  Komunikazio Zerbitzua / Servicio de Comunicación  —   11:07

Garapenean Laguntzeko Zerbitzuak eta AMVISAk 339.999 eurorekin lagunduko dituzte ur- eta saneamendu-sistemen arloko hainbat proiektu Perun, Kolonbian, Senegalen eta Ginean, Tokiko Gobernu Batzarrak gaur onetsitako akordiaren ildotik.

Hauek izan dira garapenerako lankidetzarako diru-laguntzak emateko 2018ko deialdian puntuaziorik handienak lortu dituzten ekimenak.

Entitate eskatzailea Proiektuaren izena Onartutako diru-laguntza
Guztira  Noren kontura
Gasteizko

Udala

AMVISA
(euroak)
Arabako Medicus Mundi Ura, saneamendua eta ekitatea, Patahuasin (Peru) 110.000,00    110.000,00  
Kolonbia-Euskadi elkartea Akueduktu komunitarioa eraikitzea Las Veredasen (Kolonbia), 2. fasea 110.000,00   110.000,00
Manuel Iradier elkarte afrikanista Fanayeko (Senegal) komunako herrietan ur- eta saneamendu-sistemak hobetzea 110.000,00   110.000,00
Nazioarteko Elkartasuna / Solidaridad Internacional Diariko (Ginea) gizon-emakumeek edateko ura edukitzeko eskubidea gauzatzeko azterlan teknikoa 9.999,67        6.684,01 3.315,66
  GUZTIRA, DIRUZ LAGUNDUA 339.999,67    116.684,01 223.315,66

 

 

 

Share
Kategoriak: Prentsa oharrak  —  Etiketak: , , ,   —  Komunikazio Zerbitzua / Servicio de Comunicación  —  29 azaroa 2018 20:16

2018ko Ingurumenaren Biltzar Nazionalak (CONAMA) aitorpena adierazi dio Gasteizko Udalari, Eraztun Berdearen 25 urteak direla eta. Gaur arratsaldean, alkate Gorka Urtaranek sari bat -“minilorategi” bertikal bat- jaso du CONAMA fundazioaren zuzendari Gonzalo Echagüenen eskuetatik, biltzarrak Gasteziko Udalari egindako omenaldiaren erakusgarri. Gorka Urtaran alkateak, hiri guztiaren izenean, saria eskertu du “hain garrantzitsu eta erreferente den proiektuagatik. Udalbatza guztiei esker egin da proiektua 25 urteetan zehar, eta batez ere talde tekniko ikaragarri honi esker”.

 

Ingurumenaren Biltzar Nazionalaren amaiera-ekitaldian eman diote saria alkateari; Gasteizko Udala ez ezik, beste hauek ere omendu dituzte: Empresa y Clima fundazioa (10 urte bete ditu), Ecovidrio, (20 urte) Biodiversidad fundazioa (20 urte), Joaquín Araujo kazetaria (50 urte), Espainiako WWF (50 urte) eta Parke Naturalen Sarea (100 urte).

 

Udalak protagonismo berezia izan du gaur CONAMAn. Eraztun Berdearen 25 urteengatik aitorpen hori jasotzeaz gain, Gasteizko Udalak hirigintza plangintza iraunkorraren aldeko apustua berretsi du. Izan ere, Bartzelonako Hiri Ekologiako Agentzia sustatutako Hirigintza Ekosistemikoaren Gutuna sinatu du alkateak. Estatuan etorkizuneko hiriak eraldatzeko estrategia horrekin bat egiten duten lehen hirietako bat izan da Gasteiz. Arabako hiriburuak bere hirigintza plangintza aztertuko du, arlo hauetako 44 adierazleak egiaztatuz: lurzoruaren okupazioa, espazio publikoa, mugikortasuna, espazio berdeak, gizarte-kohesioa eta hiri konplexutasuna.

Orobat, areto baten protagonista izan da Udala arratsaldean: hamar udal teknikarik Eraztun Berdearen 25 urteak laburtu dituzte, eta Ingurumen Sailak eta Ingurugiro Gaietarako Ikastegiak 2030ra arte landu duten estrategia azaldu.

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —   17:28

Gasteiz izan da nagusi gaur arratsaldean Ingurumenaren Biltzar Nazionaleko (CONAMA) areto dinamikoan. Bertan, Gasteizek bere ingurumen eredua aurkeztu du, eta Erazten Berdearen 25 urteak aztertu, 10 minutu inguruko hainbat hitzaldiren bitartez. Ekitaldian Gorka Urtaran alkateak eta udaleko teknikariek hartu dute parte, eta Eraztun Berdean lehen lanak egin zirenetik gaur arte igarotako 25 urteen laburpena egin dute, eta udalak etorkizunerako duen estrategien ildo nagusiak jorratu dira. Izan ere, Gasteizko ordezkariek Eraztun Berdea sendotu eta hobetzeko 2030era arteko bide-orria erakutsi dute: Vitoria-Gasteiz berdeago, hiri-natura sare bizia”.

Eraztun Berdeak 25 urte bete ditu, eta lehen mailako ingurumen, gizarte eta turismo baliabide bihurtu du Gasteizerako. Udalerri iraunkorra gara, European Green Capital gara, eta harro gaude gure bizilagunak sentiberak direlako ingurumenarekin, eta konpromisoa dutelako harekin”, adierazi du Gasteizko alkate Gorka Urtaranek. Alkateak gogorarazi duenez, “Eraztun Berdea hiriaren ezaugarri behinenetako bat da, eta gune narriatuak naturarako eta aisialdirako berreskuratzeko egindako erronka eder baten emaitza da“. “Hiriaren inguruko parkeen sarea gauzatzea erabateko arrakasta izan da, ekologia eta paisaia aldetik balio handiko hainbat gune ditu, eta orain zaintzea eta hobetzea dagokigu” adierazi du alkateak. Ildo horretatik, etorkizuneko hainbat erronka aipatu ditu, esaterako “Larragorri parkea sortzea, udal gobernuak sustatutako 2025 estrategiaren baitako ekimen nagusietako bat, edo Olarizuko parke botanikoaren ingurua sendotu eta hobetzea, zeinari datozen hilabeteetan eduki gehiago eman nahi zaion, eta ikusarazi. Horretaz gain, Ingurumen Sailak eta Ingurugiro Gaietarako Ikastegiak burutzen dituzten gainerako proiektuak ere badira“.

Areto dinamikoan udaleko hainbat teknikarik eta alkateak hartu dute parte: Ingurumenaren eta Espazio Publikoaren Saileko zuzendari Ainhoa Etxeandia; Eraztun Berdearen eta Biodibertsitatearen Ataleko buru Fernando de Juana, IGIko Iraunkortasunerako Informazio eta Berrikuntza Arloko buru Juan Carlos Escudero, IGIko sentsibilizazio arloko buru Roberto Gonzalez Argote, IGIko ikasketa arloko buru Ane Velasco, IGI Green Labeko koordinatzaile Juan Vilela eta Olarizuko lorategi botanikoko koordinatzaile Agustí Agut. 2030ra bitartean Eraztun Berdea sendotzeko eta hobetzeko estrategia azaldu dute guztien artean. Plangintza horrek —hamabost puntu estrategikotan laburtu da— garrantzi eta garapen-maila ezberdinetako ekintzak barne hartuko ditu, etorkizunetan hainbat eskalatan aplikatzekoak: auzoa, hiria eta lurraldea. Naturan oinarritutako irtenbideak bilatuko dira.

Hitzaldietan, gai gako hauek ukitu dira: biodibertsitatea, ura, energia, mugikortasuna, sozioekonomia, espazio publikoa eta elikadura. Udal teknikariek zenbait proiektu aurkeztu dituzte: Eraztun Berdea eta haren etorkizuna; hiriko errekak; Salburua; Olarizu eta bertako lorategi botanikoa; egitekoa den Larragorri parkea; Gasteizko hiri-azpiegitura berdea, auzoen eta mikropaisaien bidez; oinezkoen eta bizikleten mugikortasuna; ibilbide berdeak; parke agroekologikoak eta hiri baratzeak; konektagarritasun ekologikoa; hondatuta dauden lurzoruen berreskurapena, eta lurraldeko azpiegitura berdea. Eraztun Berdea sendotu eta hobetzeko ekimen ugari, ekonomia berdea eta garapen iraunkor sustatzeko aukera bikaina.

Share
Kategoriak: Deialdiak  —  Komunikazio Zerbitzua / Servicio de Comunicación  —   17:00

Hiri Hezitzailearen manifestua irakurtzea eta sinatzea

Parte hartzaileak. Udalbatzako talde politikoetako ordezkariak

Eguna. Ostirala, azaroak 30

Ordua. 10:00

Tokia. Udaletxeko harrera aretoa

——————————

Gorka Urtaran alkatearen prentsaurrekoa

Gobernu-batzordearen ondoren, Vitoria-Gasteizko alkate Gorka Urtaranek Udalaren gaur egungo gaiak hizpide izango ditu.

Parte hartzaileak. Vitoria-Gasteizko alkate Gorka Urtaran

Eguna. Ostirala, azaroak 30

Ordua. 11:00

Tokia. Udaletxeko prentsa aretoa

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —   14:22

Enpleguaren eta Garapen Ekonomiko Iraunkorraren zinegotzi Nerea Melgosak eta Kulturako foru diputatu Igone Martínez de Lunak hiriaren erdialdeko bost aretotan egin diren esku-hartze artistikoen ibilbidearen lehen bisita gidatuan parte hartu dute, VIPHOTO FEST 2018 jaialdiaren barruan. Gasteizko Udalak finantzaturik, binilo artistikoak jarri dira establezimendu horietako  erakusleihoetan, merkataritza biziberritze aldera erdialdean hutsik dauden lonjetan esku hartzeko planaren barruan. Datozen egunetarako ere antolatu dira bisita gidatuak gaur aurkeztutako ibilbidean.

 

“Esku-hartze horiek zuzenean hobetzen dituzte aretoak dauden merkataritza kaleetako estetika eta giroa. Guztira 28 lekutan esku hartzeko asmoa dugu, merkataritza dinamizatzeko eta jarduera artistikoarekiko sinergiak sortzeko, Zaramaga Merkatu Arte eta antzeko esperientzien ildotik”, zehaztu du Nerea Melgosak.

 

VIPHOTO jaialdiaren erronka da argazkilaritzak Gasteizko kaleak hartzea, Espainiako bost artista gaztek espazio publikoan egingo dituzten esku-hartzeen bidez. Erakusleihoetan jarritako irudien bidez, argazkilaritza ikusle adituei ez ezik, gainerako herritarrei ere hurbiltzea da helburua. Lan horiek hautatuak izan dira duten garrantziagatik eta argazkilaritzari egiten dioten ekarpenagatik, baita egungo argazkilariak kezkatzen dituzten gaiak jorratzeagatik ere.

Share

« HurrengoakAurrekoak »