Prentsa Oharren banner
Kategoriak: Deialdiak  —  Komunikazio Zerbitzua / Servicio de Comunicación  —  15 maiatza 2019 17:00

Prentsaurrekoa. Udal Musika Bandaren ‘Sforzando’ kontzertua aurkeztea

Parte hartzaileak. Udal Musika Bandaren zuzendari-laguntzaile Iker Olazabal; eta eszena zuzendari Mafalda Saloio

Eguna. Osteguna, maiatzak 16

Ordua. 10:15

Tokia. Felix Petite antzokia

————————————–

Harrera ekitaldia Frantziako Bergerak hiriko ikasleei

Udalak harrera egingo die Frantziako Bergerac hiriko Sainte Marthe-Saint Front ikastetxeko ikasle eta irakasleei; Vitoria-Gasteizera etorri dira Kultur Trukeak direla-eta, Nazareth ikastetxeak gonbidatuta.

Parte hartzaileak. Kultura, Hezkuntza eta Kirol zinegotzi Estíbaliz Canto

Eguna. Osteguna, maiatzak 16

Ordua. 11:30

Tokia. Udaletxeko harrera aretoa

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —   14:31

Alkateak ikerketan laguntzeko eskatu die herritarrei, erantzuleak atxilotzea lortzearren

Gaur eguerdian, elkarretaratzea egin da Pilar Anguloren heriotza gaitzesteko, Urrezko Zeledonen plazan; izan ere, joan den igandean Aranbizkarrean erasoa jasan zuen emakumea atzo hil zen. Udalak haren omenez deitutako ekitaldian senitartekoek, erakundeek eta herritarrek hartu dute parte, eta samina adierazi dute gertatutakoagatik.

Bost minutuko elkarretaratze isila bukatu ondoren, Gorka Urtaran alkateak ikerketan laguntzeko eskatu die herritarrei, gertakariak argitu eta erantzuleak atxilotzea lortzearren. “Ahal den guztia egin behar da, herritarren laguntzak eta poliziaren lanak ahalbidetuko dezaten justizia irmoa izatea, gaur herritarrak izan diren bezain irmoa”, adierazi du.  Antzeko iritzia adierazi dute Pilarren lehengusuek, erasotzaileak lehenbailehen atxilotu ditzaten espero baitute.

Share
Kategoriak: Prentsa oharrak  —  Etiketak: , ,   —  Komunikazio Zerbitzua / Servicio de Comunicación  —   14:04

 

Gasteizko udaletxean harrera egin zaio “Elorriagako Kapareen Biltzarra” kontzejuen elkarteari, San Isidro Nekazariaren eguna dela eta. Alkateak, Udalbatzako eta beste erakunde batzuetako kideekin batera, Gasteizko udalerria osatzen duten kontzejuek eta menpeko toki erakundeek nekazaritza ingurunea zaintzeko egiten duten lana goraipatu du. “Gasteiz hiri bat baino gehiago izatea ahalbidetzen duzue”, esan du Gorka Urtaranek.

Share
Kategoriak: Deialdiak, Oharrak  —  Etiketak:   —  Komunikazio Zerbitzua / Servicio de Comunicación  —   12:17

Maiatzaren 17tik 19ra bitartean, Saskibaloiko Euroligako ‘Final Four’ jokatuko da Gasteizen, eta kontinenteko saskibaloi ekitaldi garrantzitsuenaren hiriburua bihurtuko da lehenengo aldiz historian.

Fernando Buesa Arena pabilioian, Mendizorrotza kiroldegian eta Andre Maria Zuriaren plazan, Espainia plazan eta Foru plazan jarritako ‘Fan Zone’ guneetan, senior eta juniorren hainbat lehiaketa jokatuko dira, eta beste jarduera batzuk ere egingo dira; hori dela eta, pertsona ugari bilduko dira aipatutako lekuetan, parte hartzen duten taldeen jarraitzaileak barne.

Kirol ekitaldia arazorik gabe garatu dadin, eta segurtasun betekizunak eta mugikortasuna bermatzeko, ibilgailuen zirkulazioa mugatu egingo da Fernando Buesa Arenaren inguruko eta erdialdeko zenbait kaletan, behar bezala baimenduta eta akredituta dauden ibilgailuak salbu.

1.       Aparkatzeari eta zirkulazioari dagozkien aldaketak

Fernando Buesa Arenaren ingurua:

  1. Trafiko eteteak:
  • Maiatzaren 17ko (ostirala) 00etatik maiatzaren 20ko (astelehena) 3.00etara, trafikorako itxita egongo dira kale hauek: Zurbanoko atea (Hezeguneen ibilbidetik A-4001 errepideraino), Kontzeju kalea (Larraganetik Zurbanoko ateraino) eta Biosferaren ibilbidea.
  • Maiatzaren 17ko (ostirala) 00etatik eta maiatzaren 19ko (igandea) 14.30etik aurrera, gutxi gorabehera 24.00etara arte, bi egunetan, trafikorako itxita egongo dira kale hauek: Hezeguneen ibilbidea eta Zurbanoko atea (Betoñuko atetik Hezeguneen ibilbideraino). Baimendutako ibilgailuak baino ezin izango dira igaro, kale horietan dauden enpresa eta establezimenduetara joateko.

2. Maiatzaren 17ko 6.00etatik maiatzaren 20ko 3.00etara, aparkatzea mugatuko da Zurbanoko atean, Hezeguneen ibilbidean eta Biosferaren ibilbidean.

Erdialdea:

  • Maiatzaren 17ko 8.00etatik maiatzaren 20ko 6.00etara, kale hauek oinezkoentzat izango dira, ohikoez gain: Errege atea, San Frantzisko kalea, San Frantzisko aldapa, San Bizente aldapa, Goiuriko plaza, Kanpokale Berria, Aska kalea, Prado kalea, Andre Maria Zuriaren plaza, Mateo Moraza kalea, Olagibel kalea (Agirre Lehendakariaren kaletik Bake kaleraino), Independentzia kalea eta Alaba Jeneralaren kalea.
  • Maiatzaren 16ko (osteguna) 6.00etatik maiatzaren 19ko (igandea) 24.00etara, aparkatzea mugatuko da San Frantzisko aldapan, Olagibel kalean (Gernikako Estatutuaren kaletik Agirre Lehendakariaren kaleraino) eta Gernikako Estatutuaren kalean.
  • Aipatutako kaleetan dauden garajeetara sartu eta bertatik irtetea baimenduko da. 7.00etatik 9.30era sartu ahalko da aipatutako oinezkoentzako alderdietan zamalanetarako, maiatzaren 19an (igandea) izan ezik.
  • Oinezkoentzako aldeetatik pasatzen ari direnean, salbuespenez baimenduta daudelako, ibilgailu gidariek arretaz gidatu beharko dute, abiada motelean eta beti ere oinezkoen lehentasuna errespetatuz.

Hiriko beste alderdi batzuk:

Zenbait aparkaleku erreserbatu eta seinaleztatuko dira zehazten diren egun, ordutegi eta leku hauetan:

a) Aparkaleku erreserbatuak. Aparkatzen utziko da zehazten diren egun, ordutegi eta leku hauetan, eta behar bezala seinaleztatuko da hori:

  • Gaztelako atean, Ciudad de Vitoria hotelaren alboan, maiatzaren 13ko (astelehena) 6.00etatik maiatzaren 20ko 24.00etara.
  • El Boulevard merkataritza zentrorako sarbidean, Sercotel Boulevard hotelaren fatxada nagusian, maiatzaren 13ko (astelehena) 6.00etatik maiatzaren 20ko 24.00etara.
  • Tarragona kalean, Bartzelona kaletik kalearen amaierara arte, maiatzaren 15eko (asteazkena) 6.00etatik maiatzaren 20ko 24.00etara.
  • Uleta kalean, Jardines de Uleta hotelaren fatxadan, eta Maite Zuñiga kalean, Lasarteko atearen noranzkoan, hotelaren atzealdean, maiatzaren 15eko (asteazkena) 6.00etatik maiatzaren 20ko 24.00etara.
  • Amadeo Garcia de Salazar plazan, Mendizorrotzeko kiroldegitik gertueneko aparkalekuetan, eta Lasarteko atean, kiroldegiaren atzealdean, maiatzaren 14ko (asteartea) 10.00etatik maiatzaren 19ko (igandea) 24.00etara.
  • Autobus-geltoki zaharrean, Herrandarren kalean eta Jose Mardones kalean, maiatzaren 17ko (ostirala) 10.00etatik maiatzaren 19ko 24.00etara.
  • Manuel Iradier kalean, maiatzaren 17ko (ostirala) 10.00etatik maiatzaren 19ko 24.00etara.
  • Txile kaleko 3. eta 5.ean, maiatzaren 18ko (larunbata) 13.00etatik 24.00etara

B)Debekatu egingo da zirkulazioa Tarragona kalean, Bartzelona kaletik kalearen amaierara arte, maiatzaren 15eko (asteazkena) 6.00etatik maiatzaren 20ko (astelehena) 14.00etara.

  1. Garraio publikoa. Kirol lehiaketak eragindako alderdietatik ibilgailu partikularrez ez ibiltzea gomendatzen zaie gidariei, eta TUVISAk, Euskotrenek eta Finalaren antolakuntzak berak prestatutako garraiobideak erabiltzea. Fernando Buesa Arenan egiten diren partidetara ibilgailu pribatuz ez joatea komeni da.
    • Taxiak eta bizikletak. Taxi geltokiak egokituko dira Hezeguneen ibilbidean, Zurbanoko atearen ondoan, baita bizikletentzako aparkalekuak ere, Zurbanoko atean —Biosferaren ibilbidera iritsi aurretik— eta Biosferaren ibilbidean —Kutxabanken eraikinaren aurrean—.
  2. Dibertsitate funtzionala dutelarik mugikortasun murriztukoentzako txartel urdina duten pertsonek aparkalekuak izango dituzte pabilioiaren ondoan, A-4001 errepidetik gertuen dagoen sarreran, Kontzeju kalearen ondoan; nortasun agiria, aipatutako txartela eta partidarako sarrera aurkeztu beharko dituzte.

4.       Salmenta ibiltaria

Beharrezko den baimenik gabe jardunez gero kaleko salmentan, edo hartan zehaztutako baldintzak betetzen ez badira, Gasteizko udalerrian salmenta ibiltaria arautzeko Ordenantzaren 32. artikuluan eta hurrengoetan zehaztutako zigorrak jarri ahalko dira, edo gurditxoak nahiz bestelako tresnak aldi baterako bahitu edo atzeman; isun hori jartzea erabakiz gero, harik eta ordaindu arte aplikatuko da bahitura.

Orobat, tresnak garraiatu eta gordetzean sortutako gastuak (30 euro) titularraren kontura izango dira, eta aldez aurretik ordaindu beharko ditu, bahitutakoak berreskuratzekotan.

Salmenta Ibiltariari buruzko Udal Ordenantzaren 14. artikuluari jarraituz, debekatuta dago  laser erakusleak, megafonoak, jostailuzko pistolak, vuvuzelak, pirotekniako artikuluak eta beste edozein produktu saltzea, pertsonen osasun zein segurtasuna arriskuan jartzen badute; horiek bahitu egingo dira, Udal Ordenantzaren 39. artikuluan xedatutakoari jarraituz.

Halaber, kaleko edo aldi baterako saltokietan ezingo da ez piercing ez tatuajerik (azala zulatu ala ez) egiterik izango, ez eta ustez sendatzeko edo prebentzioko gaitasuna duten kosmetika produkturik saltzerik ere, baldin eta horien etiketak merkaturatzeko eskatzen den gutxieneko informazioa ematen ez badu.

Ingurumena kutsa dezaketen osagaiak dituzten salgaiak bahituz gero (pila elektrikoak, aerosolak eta abar) 30 euroko zorra sortuko da.

Guztiz debekatuta dago diktadura, terrorismoa eta jarrera-matxistak goraipatzen dituzten objektu edo produktuak eta, azken batean giza eskubideen kontrakoak direnak erakutsi, saldu eta iragartzea.

  1. Ostalaritza establezimenduak (tabernak, kafetegiak..).
  • Maiatzaren 17an eta 18an, Final Four dela eta, bi orduz atzeratuko da ostalaritza establezimenduak ixteko ordua, alkatearen 2019ko otsailaren 25eko dekretuarekin bat etorriz.
  • Maiatzaren 17ko (ostirala) 10:00etatik maiatzaren 20ko 6.00ak arte, debekatu egiten zaie Fan Zone gunetik (Erdi Aroko hirigunea eta Zabalgunea) hurbil dauden taberna, kafetegi eta establezimendu publiko guztiei kanpora atera daitezkeen beirazko botila, edalontzi edo ontzietan zein latetan zerbitzatzea edariak, eta plastikozko ontziak (erabilera bakarrekoak edo birziklagarriak) baliatu beharko dituzte.
  • Komunak zabalik eduki beharko dituzte, jendeak erabili ahal ditzan, baita behar adina bider garbitu eta txukundu ere.
  • Mahaitxoak jartzeko baimena duten establezimenduei gogorarazten zaie lekuen txukuntasuna beren ardura dela; mahaiek ez dute inola ere eragotziko antolatutako kultura ekitaldiak normal gauzatzea, eta ezingo dira kokatu pertsonen segurtasuna arriskuan egon daitekeen lekuetan.
  • Janariak, pintxoak eta bestelakoak prestatu eta gordetzeari dagokionez, kontu eta arreta handiz bete beharko dira Osasun Sailetatik aginduta dauden neurriak, toxikapenik gerta ez dadin.
  • Bai barran ateratzen diren janari-edarien prezio zerrendak, bai mahaietara ateratzen direnenak ageriko lekuan jarrita eduki beharko dira, jendaurrean. Orobat eduki beharko dira arauzko erreklamazio orriak.
  • Kalean jarritako saltokietan janari eta edariak saltzeko, udal baimena beharko da, eta bete beharreko arau tekniko-sanitarioak bete. Baldintza horiek betetzen ez badira, administrazioak esku hartuko du, eta salgaiak bahitu ahal izango ditu.

 

Share
Kategoriak: Udaltzaingoaren eta suhiltzaileen jakinarazpenak  —  Etiketak:   —  Komunikazio Zerbitzua / Servicio de Comunicación  —   11:19

Udaltzainek hamalau trafiko-istriputan esku hartu zuten atzo, nahiz ez zen zauriturik izan eta ez zen inor ikertu bide-segurtasunaren aurkako delituengatik. Horrez gain, 22 salaketa izapidetu eta polizia judizialaren 11 jarduera egin zituzten.

Suhiltzaileek dei bat jaso zuten atzo, Paraguai kaleko etxebizitza bateko leihotik ke ugari ateratzen ari zela jakinaraziz. Suhiltzaileak bertara joan eta ikusi zuten erretzen ari zen eltze batek sortzen zuela kea. Sua ordurako itzalia zegoen, eta beraz, erkidegoko eskailera egurasten aritu ziren.

Share
Kategoriak: Prentsa oharrak  —  Etiketak:   —  Komunikazio Zerbitzua / Servicio de Comunicación  —   07:16

Klub guztietako 600 haurrek baino gehiagok aldarrikatu dute saskibaloiarekiko beren pasioa ekitaldian

Gaur arratsaldean ‘Basket Capital’ baloi-festa egin dute Mendizorrotzako kiroldegian, bi aste eskas falta direla Arabako hiriburuan Saskibaloiko Euroligako Lauko Finala egiteko. Ekimena VG Basket Capital kanpainaren barruan dago, eta 600 haurretik gora hurreratu dira;, haiekin batera, haien entrenatzaileak, gurasoak eta parte hartu duten klubetako arduradunak ere bazeuden. Guztira, 1.300 pertsona baino gehiago.

Guztira, “Vitoria-Gasteiz!” marka eta “VG Basket Capital” logoa dituzten 1.000 baloi eman dizkie Udalak ekitaldian parte hartu dutenei. Gainera, Oihan Vega DJaren animazioa izan dute, eta baloiekin boteka jardun dute Queen taldearen “We will rock you” kantaren eta San Prudentzioko danborradaren doinuari jarraitzeko.

 

Gorka Urtaran alkateak eskerrak eman dizkio “Gasteizko eta Arabako saskibaloiko harrobi osoari”, “funtsezkoa baita erreferente izan gaitezen saskibaloiaren esparruan, Estatuan, Europan zein munduan”. “Gasteizen saskibaloiarekiko pasioak hazten jarrai dezan entrenamendu bakoitzean eta partida bakoitzean jartzen dituzuen ahaleginari, lanari eta gogoari esker gara saskibaloiaren hiriburua”, esan die. Alkatearekin batera, Kiroleko zinegotzi Estibaliz Canto, ahaldun nagusiorde Pilar García de Salazar, Arabako Saskibaloi federazioko lehendakari Luismi Corresek eta zenbait kluben eta talderen ordezkariek (Saski Baskonia, Araski, Sáenz Horeca Araberri eta Zuzenak, besteak beste) ere hartu dute parte.

Share