Prentsa Oharren banner
Kategoriak: Deialdiak  —  Komunikazio Zerbitzua / Servicio de Comunicación  —  24 maiatza 2019 15:30

Ostirala, maiatzak 24

  • Kultura, Hezkuntza eta Kirol zinegotzi Estibaliz Canto Santa Maria Ikastetxeko (Marianistas) Antzerki Astearen amaiera-ekitaldian izango da 18:30ean.
  • Bizikidetzaren eta Aniztasunaren zinegotzi Nerea Melgosak, eta Partaidetzaren eta Gizarte Etxeen zinegotzi Isabel Martinezek parte hartuko dute FEDERek (Federación Española de Enfermedades Raras) antolatu duen dastaketa solidarioan 19:00etan, Artium museoan.

 

Larunbata, maiatzak 25 

  • Kultura, Hezkuntza eta Kirol zinegotzi Estibaliz Canto Orbea Gran Fondo bizikleta lasterketako sari-banaketan izango da 17:00etan, Mendizabala kiroldegian.
  • Lehen alkateorde Peio López de Munainek  parte hartuko du Hirukide Familia-Jardunaldi Solidarioan 13:00etan, El Boulevard merkataritza zentroan.
Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —   13:58

 

Guztira, Udalak 1.000 metro karratuko azaleran jardungo du, Frantzia eta Santiago kaleetako zatiak barne

OSPITALE PLAZAKO DOSSIERRA

Gasteizko Udalak Ospitale plaza eraldatuko du, horretarako 422.690,69 euroko (BEZa barne) inbertsioa eginda. Urtaranen gobernuak bultzatutako esku-hartzea “Vitoria-Gasteiz Hobetuz” izeneko partaidetza-prozesuaren fruitua izan da, eta aipatu plaza modernizatzea eta hobetzea ekarriko du. Udalak plazaren 650 metro karratuko azaleran jardungo du, bai eta Frantzia klaseko 120 metro karratutan eta Santiago kaleko 200 metro karratutan ere. Gaur goizeko bileran onetsi du Tokiko Gobernu Batzarrak lan horien kontratazio-dosierra, zeinak lau hilabeteko gauzatze-epea izango duen.

Ingurumenaren eta Espazio Publikoaren Sailak diseinatutako proiektuak hainbat helburu izango ditu: “zoladura eta hiri-altzariak aldatuz jarduketa egingo den gunearen erakargarritasuna eta estetika hobetzea, espazioa berrantolatuz oinezkoentzat irisgarriago bihurtzea, eta egoera txarrean dauden azpiegiturak –argiztapena, hornikuntza eta drainatzea– berriztatzea”, azaldu du Gorka Urtaran alkateak.  Ezkutatuta egotetik alboko kaleen maila berean egotera igaroko da, eta hala, jendea elkartzeko eta denbora pasatzeko gune atsegin bihurtuko.

Izan ere, plaza berriak 90ºko plaza zirkularra osatuko du. Kurba horren erdia Frantzia kalearen mailan egongo da. Santiago kaletik hurbil dagoen inguruan, berriz, plaza eta kalearen arteko garaiera aldeari irtenbidea emateko eskailerak jarriko dira. Gainera, plazaren muga gisa 14 eta 17 metroko bi banku luze jarriko dira, bertaratzen direnek atseden hartzeko. Gaur egun Ospitale plaza Frantzia eta Santiago kaleengandik bereizteko dauden hormak kendu egingo dira.

Udalak plazako lurra goitik behera aldatzeko helburua ere badu. Jarriko den zoladurak granitozko lauza horiak izango ditu erdigunean. Eraikinen eta plazaren artean, granitozko lauza grisak ipiniko dira. Estetika aldetik, Andre Maria Zuriaren plaza, Santa Barbara plaza eta Terrorismoaren Biktimen Oroimenezko Zentroaren ingurua ekarriko ditu gogora. Errege ateak etorkizunean izango duen itxura ere horien antzekoa izango da.

Udal gobernuak espazio publikoan sustatu dituen beste esku-hartze batzuetan bezala, eraberritze-lanak argiztapena aldatzeko ere aprobetxatuko dira. Ildo horretan, argiztapen-puntu bakarra jarriko da, led lanparak txertatuta izango dituzten sei proiektatzailerekin. AMVISAk, berriz, drainatzea eta saneamendua berritzeko beharrezkoa lanak egingo ditu.

Espazio Publikoaren Zerbitzuak zuhaitzak landatzeko asmo ere badu –Celtis Australis motakoak–, eta lekuz aldatuko du iturri apaingarria. Iturria zaharberritu ere egingo da. Hamar metrotako altuera hartuko dute eta itzala emango dute, plazaren perimetroan egongo direlako. Hori bai, etxebizitzetatik urrun.

Santiago kaleko plaza ukitzen duen espaloia berrituko da, eta, horrez gain, Vitoria-Gasteiz modeloko sei aparkaleku jartzea erabaki da, hondakinen kontainerren alboan. Frantzia kalean, plaza ukitzen duen espaloia berritzea da asmoa.

Share
Kategoriak: Prentsa oharrak  —  Etiketak:   —  Komunikazio Zerbitzua / Servicio de Comunicación  —   13:45

Valladolid, Andaluzia eta Madril kaleetako argiteria publikoa hobetuko du Gasteizko Udalak, 223 luminaria berrirekin. 103.989,82 euroko inbertsioa ekarriko du berekin Urtaranen gobernuak Tokiko Gobernu Batzarrean onetsi duen esku-hartzeak. Argiteria publikoa modernizatzea da helburua, energia-eraginkortasunerako neurriak ezartzea eta LED teknologiako argiak jartzea

Era horretako beste esku-hartze batzuetan bezala, LED teknologiko luminariak instalatuko dira, orain artekoak baino eraginkorragoak izaki. Energia-kontsumoa murrizteko aukera ematen du horrek —kontsumo elektrikoa (kWh) eta atmosferara egiten diren CO2 emisioak—, eta argiteria publikoaren energia-eraginkortasunaren araudiarekin bat datozen argiztapen- eta uniformetasun-mailak lortzekoa. Gainera, orain dauden argiek eragiten duten itsutzea eta argi-kutsadura ekidin nahi dira, baita mantentze-kostuak gutxitu ere, luminaria horien bizitza baliagarria konbentzionalena baino askoz luzeagoa baita. A energia-kalifikazioa lortuko da berrikuntzaren ondoren

Espazio Publikoaren Zerbitzuaren arabera, urtean 21.586 euroko aurrezpena egingo da jarduera horren ondorioz. Kontsumitzen den energiak ere behera egingo du, 166.046 kWh urtean. Inbertsioa lau urtean amortizatzea aurreikusten da.

Share
Kategoriak: Sailkatu gabea  —  Etiketak:   —  Komunikazio Zerbitzua / Servicio de Comunicación  —   13:42

Gasteizko Udalak 40.000 bideratuko ditu udalerriko menpeko toki-erakundeetako ekipamenduak berritzeko obretarako. Tokiko Gobernu Batzarrak gaur goizean onartu du askotariko ekipamenduak berritzeko gastuak ordaintzen lagunduko duten dirulaguntzen deialdi publikoa egitea.

Gasteiz hiri bat baino gehiago da. 63 herrixkak osatzen dute. Eta gune horietan bizi diren pertsonen bizi-kalitatea hobetzeko lan egin behar du Udalak.

Share
Kategoriak: Udaltzaingoaren eta suhiltzaileen jakinarazpenak  —  Etiketak:   —  Komunikazio Zerbitzua / Servicio de Comunicación  —   12:37

Udaltzaingoaren Agenteek 57 urteko gizonezko bat atxilotu zuten atzo, eztabaida batean bere bikotekidea jotzeagatik.

Gertaera horiek arratsaldeko hirurak baino minutu batzuk lehenago izan ziren. 092 zenbakira egindako dei batek ohartarazi zuen emakume baten garrasiak entzun zitezkeela Koroatze auzoko etxebizitza batetik oihuka. Patruila bat bertara joan zen eta biktimarekin eta haren bikotekidearekin hitz egin zuen. Elkarren artean izandako eztabaida gogor batean gizonezkoak jo egin zuen, eta ile-xerlo batzuk erauztera ere iritsi zen. Udaltzainek anbulantzia bat eskatu zuten emakumeari arreta egiteko, eta handik ospitale batera eraman zuten anbulantzian; gizonezkoa atxilotu egin zuten eta gaur goizean epailearen esku geratu da.

Halaber, 24 urteko gizonezko bat eta 41 urteko emakume bat atxilotu zituzten atzo, beren gainean errekisitoria judizial bana zeukatelako. Polizia-etxean bidezko izapideak egin ondoren, epailearen esku jarri zituzten.

Auto batek oinezko bat harrapatu du

Atzo, 13:00ak baino minutu batzuk lehenago, Hezeguneen Pasealekuko oinezkoen pasabide batean gertatutako harrapaketaren nondik norakoak ikertzen ari da argiketa-talde bat; istripu horretan 85 urteko gizonezko bat zauritu zen eta Santiago Ospitalera eraman zuten.

Udaltzaingoak beste 4 trafiko-istriputan esku hartu zuen, eta gidatzen zihoan 29 urteko gizonezko bat ikertzen ari dira alkoholaren eta drogen eraginpean gidatzeagatik. Pertsona hori bolantean eserita semaforo baten aurrean lo topatu dute bart gaueko 4:30ean, Mexiko eta Tomas de Zumarraga Dohatsua kaleen arteko bidegurutzean.

Udaltzainek atzo 24 salaketa izapidetu zituzten eta polizia judizialaren 11 jarduera egin zituzten.

Sutea zaborra biltzen duen kamioi batean

Suhiltzaileak Zuazobidea kalera joan ziren atzo, zaborra biltzen duen kamioi bati laguntzera, airearen iragazki batek su hartu zuelako.

Abendaño kalean etxebizitza baten sukaldean piztutako sua itzali zuten. Su-lamek altzari batzuei eragin zieten.

N-622 errepidera ere joan ziren, Zigoitia parera, kamioi batek gurpil bat galdu zuelako, sutan hasi ondoren. Suhiltzaileek gurpilean piztutako sua itzali zuten eta errepidetik kanpora atera zuten, trafikoa berrezarri zedin.

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —   12:28

Guztira, Udalak 1.000 metro karratuko azaleran jardungo du, Frantzia eta Santiago kaleetako zatiak barne

 OSPITALE PLAZAKO DOSSIERRA

Gasteizko Udalak Ospitale plaza eraldatuko du, horretarako 422.690,69 euroko (BEZa barne) inbertsioa eginda. Urtaranen gobernuak bultzatutako esku-hartzea “Vitoria-Gasteiz Hobetuz” izeneko partaidetza-prozesuaren fruitua izan da, eta aipatu plaza modernizatzea eta hobetzea ekarriko du. Udalak plazaren 650 metro karratuko azaleran jardungo du, bai eta Frantzia klaseko 120 metro karratutan eta Santiago kaleko 200 metro karratutan ere. Gaur goizeko bileran onetsi du Tokiko Gobernu Batzarrak lan horien kontratazio-dosierra, zeinak lau hilabeteko gauzatze-epea izango duen.

Ingurumenaren eta Espazio Publikoaren Sailak diseinatutako proiektuak hainbat helburu izango ditu: “zoladura eta hiri-altzariak aldatuz jarduketa egingo den gunearen erakargarritasuna eta estetika hobetzea, espazioa berrantolatuz oinezkoentzat irisgarriago bihurtzea, eta egoera txarrean dauden azpiegiturak –argiztapena, hornikuntza eta drainatzea– berriztatzea”, azaldu du Gorka Urtaran alkateak.  Ezkutatuta egotetik alboko kaleen maila berean egotera igaroko da, eta hala, jendea elkartzeko eta denbora pasatzeko gune atsegin bihurtuko.

Izan ere, plaza berriak 90ºko plaza zirkularra osatuko du. Kurba horren erdia Frantzia kalearen mailan egongo da. Santiago kaletik hurbil dagoen inguruan, berriz, plaza eta kalearen arteko garaiera aldeari irtenbidea emateko eskailerak jarriko dira. Gainera, plazaren muga gisa 14 eta 17 metroko bi banku luze jarriko dira, bertaratzen direnek atseden hartzeko. Gaur egun Ospitale plaza Frantzia eta Santiago kaleengandik bereizteko dauden hormak kendu egingo dira.

Udalak plazako lurra goitik behera aldatzeko helburua ere badu. Jarriko den zoladurak granitozko lauza horiak izango ditu erdigunean. Eraikinen eta plazaren artean, granitozko lauza grisak ipiniko dira. Estetika aldetik, Andre Maria Zuriaren plaza, Santa Barbara plaza eta Terrorismoaren Biktimen Oroimenezko Zentroaren ingurua ekarriko ditu gogora. Errege ateak etorkizunean izango duen itxura ere horien antzekoa izango da.

Udal gobernuak espazio publikoan sustatu dituen beste esku-hartze batzuetan bezala, eraberritze-lanak argiztapena aldatzeko ere aprobetxatuko dira. Ildo horretan, argiztapen-puntu bakarra jarriko da, led lanparak txertatuta izango dituzten sei proiektatzailerekin. AMVISAk, berriz, drainatzea eta saneamendua berritzeko beharrezkoa lanak egingo ditu.

Espazio Publikoaren Zerbitzuak zuhaitzak landatzeko asmo ere badu –Celtis Australis motakoak–, eta lekuz aldatuko du iturri apaingarria. Iturria zaharberritu ere egingo da. Hamar metrotako altuera hartuko dute eta itzala emango dute, plazaren perimetroan egongo direlako. Hori bai, etxebizitzetatik urrun.

Santiago kaleko plaza ukitzen duen espaloia berrituko da, eta, horrez gain, Vitoria-Gasteiz modeloko sei aparkaleku jartzea erabaki da, hondakinen kontainerren alboan. Frantzia kalean, plaza ukitzen duen espaloia berritzea da asmoa.

 

 

Share
Kategoriak: Prentsa oharrak  —  Komunikazio Zerbitzua / Servicio de Comunicación  —   12:01

Udal gobernuak gaur onetsi du Sidalava, Asajer eta Afaraba bertako kolektiboen programak diruz laguntzea, eta, horrenbestez, lankidetza-hitzarmenak sinatuko ditu elkarte horiekin 2019an beren jarduerak garatzen laguntzeko.

Gizarte Politiken eta Osasun Publikoaren Sailak 23.000 €-ko dirulaguntza emango dio Hiesaren aurkako Arabako Herritarren Batzordeari, herritar orori zuzenduta GIB/HIESaren eta sexu bidezko beste infekzio batzuen aurkako prebentzio programa burutzeko.

Honakoak dira diruz lagunduko diren jarduerak:

  • Kontsulta eta informazio zerbitzua, telefonoz, aurrez aurre eta online.
  • Prebentziorako materiala banatzea.
  • GIB/IHESa eta sifilia atzemateko proba azkarrak.
  • Prebentzio eta akonpainamendu zerbitzua.
  • Ekimen publikoak: Hiesaren aurkako Borrokaren Mundu Eguna, GIBaren probaren eguna, etab.

Bestalde, Alzheimer eta bestelako buruko gaitzak dituztenen senitartekoen eta lagunen elkartearekiko (AFARABA) lankidetza-hitzarmena sinatzeari ere oniritzia eman dio Udal gobernuak. Hitzarmen horren bidez, 3.959,70 €-ko laguntza emango zaio Afarabari, “Zurekin” boluntario-programa gara dezan. Programa horren helburua boluntarioak erakartzeko jarduerak antolatzen da, dementzia duten eta babes nahikorik ez duten pertsonei lagun egin diezaieten, gaixotasun hori duten pertsonei beren etxeetan edo ospitalean lagun egin eta entretenitu ditzaten, eta senideei babes eta atsedenaldia ekar diezaieten.

Hitzarmena Asajer elkartearekin

Azkenik, Gasteizko Udalak 29.300 €-ko laguntza emango dio Errehabilitazioan ari diren Arabako Jokalarien elkarteari (ASAJER), ume, nerabe eta gazteei zuzenduriko zorizko joko eta teknologia berrien inguruko “On line zurekin” aholkularitza zerbitzua gara dezan.

 

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —   11:56

Tokiko Gobernu Batzarrak onetsi du gaur, asteroko ohiko bilkuran, hitzarmen bat sinatzea Gasteizko Udalaren eta APASOS-SOS Vitoria animaliak babesteko elkartearekin, animaliak adoptatzearen aldeko eta abandonatzearen kontrako jarrerak sustatzeko

Gizarte Politiken eta Osasun Publikoaren Sailak 15.000 € bideratuko ditu kolektibo horrentzako, aurten sentsibilizazio-jarduera jakin batzuk gara ditzan, betiere animaliak babesa, horiekiko errespetua eta horien ongizatea sustatzera begira.

Hitzarmenaren xedea da APASOSi Armentian dagoen Animaliak Babesteko Zentroan egiten dituen jarduerak ekonomikoki estaltzea, eta zentroan sartzen diren animalien gastuei aurre egiteko, abandonatuta egon izanaren ondorioz ebakuntzak edo bestelako albaitari-arreta behar dutenean.

Jarduera hauek estaltzen ditu hitzarmenak:

  • Abandonatzearen ondoriozko arazoei aurre egiteko albaitaritza-arreta
  • APASOSeko boluntario-taldearen lana ABZn bertan eta kanpoan, udal langileekiko lankidetzan.
  • Harrera Etxeak programa, osasun arrazoiak direla eta zainketa bereziak behar dituzten animaliak aldi baterako hartzeko, adoptatzeko moduan egon arte.
  • Sentsibilizazio jarduerak.
  • Harremanak animaliak babesteko beste elkarte batzuekin.
Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —   11:51

Tokiko Gobernu Batzarrak Eusko Jaurlaritzako Turismo, Merkataritza eta Kontsumo Sailarekin, Arabako Merkataritza Ganberarekin, Aenkomer-ekin eta Gasteiz On elkartearekin lankidetza-hitzarmena izenpetzea onetsi du, “Gasteizko merkataritza zentroetako kudeatzaileak, 2019” programa garatzeko. Ekimen horren bitartez, erakundeek eta sektoreko eragileek hitzematen dute tokiko merkataritzari laguntzeko eta haien lehiakortasuna sustatzeko ekintzak koordinatuko dituztela, funtsezko elementua baita enplegua sendotzeko eta dendak kokatuta dauden inguruak dinamizatzeko.

Gaur onetsi den hitzarmenak hiri merkataritzako espazioen kudeatzaileen balioa berresten du, formula egokia baita sektorearen jarduerari laguntzeko, proposamen bereizgarriak ikusarazteko, berrikuntzarako estrategiak lantzeko, merkataritza-sektore ezberdinen arteko sinergiak sortzeko, lehiakortasunaren hobekuntza sustatzeko eta turismora bideratutako profila indartzeko.

Hitzarmenaren bitartez, Eusko Jaurlaritzak 95.000 euro jarriko ditu hiri merkataritzako kudeatzaile lanetan diharduen profesional taldeari laguntzeko. Udalak, berriz, lan egiteko instalazioak jarriko ditu. Merkataritza Ganberak eta Aenkomerrek Gasteiz On-i laguntza, jarraipen eta euskarri eskaintzeko zereginak beteko dituzte hitzarmenaren barruan, kudeatzaile taldeak sustatzen duen urteko ekintza plana gara dezan.

Hitzarmen horretaz gain, Gasteizko Udalak berariazko hitzarmenak sinatu zituen duela hilabete hiriko merkataritzako elkarteekin —Gasteiz On, AEnkomer, FEDASOC eta Gorbeia kaleko Merkataritza eta Zerbitzuen Elkartea—; orotara 409.900 euro emango dira horien bitartez.

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —   11:49

 Gobernu Batzarrak espazio publikoaren jabari-emakidarako lehiaketa onetsi du, sistema garatzea eta Aldabeko gizarte etxearen ondoan galdara eraikitzea ahalbidetzeko

Beste urrats bat egin da Koroatzeko Smartencity proiektuaren barruan. Gasteizko Udalaren Tokiko Gobernu Batzarrak espazio publikoren erabilera pribaturako jabari-emakidarako lehiaketa abiaraztea onetsi du gaur goizean, energia berriztagarriak erabiliz sortutako beroa banatzeko sare bat ezartzeko auzoan. “Sistema garatzea eta galdara eraikitzea ahalbidetuko du horrek”, azaldu du Gorka Urtaran alkateak.

Sareak energia berriztagarriak (batez ere basoetako biomasa) erabiliko ditu erregaitzat, eta energiaz eta beroaz hornituko ditu proiektuari atxikitako etxebizitzak. Energia-zerbitzuen enpresa bat arduratuko da hiriko bero-sarea kudeatzeaz, zeinak partaidetza publiko-pribatua izango baitu.

Gaur onetsi den izapideak abiaraziko du lehiaketa bero-sarea garatzeko eta galdara-gela eraikitzeko interesa duten enpresentzat; Aldabeko gizarte etxearen ondoko aparkalekuaren azpian egingo da hori. Adjudikaziodunak bero-sarea hedatu eta ustiatzeko behar diren inbertsio guztiak egin beharko ditu, eta atari guztietarako hartuneak jartzea eta hornidura urteko 365 egunetan eta eguneko 24 orduetan ematea bermatuko du. Zerbitzua 2020ko uztailaren 31 baino lehen funtzionatzen hastea aurreikusi da.

Emakidak 40 urteko indarraldia izango du. Aukeratzen den enpresak urteko kanon bat ordaindu beharko dio Gasteizko Udalari. Gutxienez, urteko fakturazioaren % 1,25. Lehiaketara aurkezten diren enpresek gorantz hobetu ahalko dute kanona beren eskaintzetan.

Bestetik, Udalak inbertsioa finantzatzen lagunduko du, gehienez 900.000 euro emanez, Europarekin hartutako konpromisoan zehaztu zen bezala. Enpresek dirulaguntza osorik ez erabiltzea proposatuz gero puntu gehiago lor ditzakete eskaintza balioestean. Balioesteko beste irizpide bat izango da galdara jartzekoa den udal lursailean eraikitako azalera: zenbat eta azalera txikiagoa hartu, puntu gehiago. Herritarrei eskaintzen zaizkien tarifak hobetzea edo atmosferara isuritako gas eta partikulen kopurua murriztea ere hartuko dira kontuan puntuatzerakoan.

Koroatzeko Plan Berezian zedarritutako esparruan ezarriko da sarea: iparraldetik, Andre Maria Zuriaren Koroatzearen kaleraino eta Ziudadela plazaraino iritsiko da; ekialdetik, Arriagako ateraino eta Jesusen Zerbitzarien Fundatzailearen kaleraino; hegoaldetik, Badaia kaleraino eta Aldabe plazatxoraino; mendebaldetik, azkenik, Domingo Beltran de Otazu kaleraino. Plan Berezian ezarritakoez gain, sarea gertuko kaleetara hedatzea proposatu dezakete lehiatzaileek: Arriagako atea, San Ignazio Loiolakoaren kalea, Badaia, Zerkabarren kalea, Zaldiaran plaza, Tomas Zumarraga Dohatsuaren kalea, Beethoven, Gurutze Zuriko kalea, Bruno Villarreal, Domingo Beltrán, Eulogio Serdán, Larrugile kalea, Julián de Apraiz eta Navarro Villoslada.

 

Bi milioi espazio publikoan esku hartzeko

Gasteiz SmartEnCity europar proiektuan parte hartzen duten hiru hirietako bat da, Tartu (Estonia) eta Sondeborg (Danimarka) hiriekin batera; CO2rik gabeko hiri adimentsuak sortzeko europar estrategia garatu nahi du proiektuak. Gasteizen, Koroatzearen auzoaren birgaikuntza energetikoaren bidez gauzatuko da proiektua. Udalak, Eusko Jaurlaritzak (Visesaren bitartez), Energiaren Euskal Erakundeak eta  Giroa-Veolia enpresak sustatu dute proiektua. Hainbat hilabetez lan handia egin ondoren, proiektuari 742 etxebizitza baliokideren atxikitzea lortu zen (386 etxebizitza eta 356 lokal). Auzokoei laguntza handiak eskaini zaizkie. Birgaitzeko lan batzuk egin dira dagoeneko, Eulogio Serdan kaleko 4. eta 8.ekoak, esaterako.

Aldi berean, Gasteizko Udalak espazio publikoan esku hartuko du, beste 2 milioi jarrita. Auzokoek egindako partaidetza-prozesuan erabakitakoari jarraituz, obra hauek egingo dira: Aldabe kalea oinezkoentzat izango da zati batean, eta modernoagoa; Aldabe plaza egoteko eta elkartzeko lekua bihurtuko da, eta Ziudadela plaza, parterreak kenduta, oinezkoak igarotzeko errazagoa izango da. Inguruko argiztapena ere hobetuko da.

Proiektuaren aurrekontu osoa, hiru hiriak barne hartuta, 75.565.000 euro da, eta Europako Batzordearen dirulaguntzak ia % 37 estaltzen du (27.890.136 euro). Gasteizi dagokionez, 29.566.798 euro da aurrekontua, eta dirulaguntzak 10.879.960 euro estaltzen du.

Share

Aurrekoak »