Prentsa Oharren banner

Gasteizko Udalak Lorenzo Ascasibar eskultorea omendu du

Gasteizko Udalak harrera egin dio Lorenzo Ascasibar eskultoreari, hiriko bizilagun ospetsu eta XX. mendeko euskal eskultura figuratiboaren erakusle nagusietakoari.

Gasteizko alkate Gorka Urtaran, Hezkuntza eta Kultura zinegotzi Estibaliz Canto eta udal korporazioko hainbat kide izan dira omenaldian.

Jaiotzez gipuzkoarra den 90 urteko artista Gasteizen bizi da 70.eko hamarkadatik, eta Euskadin eta Estatu Batuetan ikusgai izan diren 700 lan baino gehiago egin ditu. Gasteizen baditugu berak egindako estatua ezagunak, esaterako Florida parkean dagoen Manuel Iradierren estatua (Eusko Legebiltzarraren ondoan) eta Jesus Guridirena, izen bereko musika eskolaren aurrean.

Ekitaldi honek bat egiten du azken asteetan egin zaizkion gorazarreekin, esaterako ‘Lorenzo Ascasibar, testimonio de un escultor’ liburua argitaratzea, non Miguel Ángel Elkoroberezibar ikertzaileak artistaren bizitza eta obra azaldu dituen.

Horretaz gain, eskultorearen atzera begirako erakusketa bat dago ikusgai Bergaran, ekainaren 20ra arte.

Share

Olarizu etorbideko etxebizitzak eraistea

 

Gorka Urtaran alkatea eta Cesar Fernández de Landa Ingurumen Plangintza eta Kudeaketako zinegotzia joan den astean hustutako blokeak eraistearen hasieran egon dira

Gorka Urtaran audioa

Gaur goizean hasi da Olarizu etorbideko etxebizitzak eraisten, joan den astean legez kanpoko okupatzaileek hustu baitzituzten. Gorka Urtaran alkateak eta Cesar Fernández de Landa Ingurumen Planifikazio eta Kudeaketa zinegotziak eraikinak eraisteko lanak hasi dituztela ikusi dute.

Joan den astean, legez kanpo okupatutako azken etxebizitzak behin betiko hustu zituzten, eta, ordutik, pisuen barrualdeko hondakinak kentzeko eta amiantoa duten egiturak kentzeko lanak egiten ari dira. Egun hauetan, hustutako eraikinak eraistearekin batera, Esmaltazioen errotondatik hurbilen dauden blokeak desegiten jarraitzen da, bota aurretik.

Behin blokeak eraitsita, udal-plana beste etxebizitza eraikitzea da. Izan ere, inguru horretan egiteko aukerak prestatzen ari dira. “Agindu genuen bezala, bloke horiek husteko eta eraisteko konpromisoa bete dugu auzokideekin. Eta orain, auzo hau zer izan zen gogoratuta, hau da, inguru honetan komunitatean bizitzeaz gozatu zuten familia langile askoren egoitza, etxebizitzak eraikiko ditugu berriz ere, Olarizu bezalako parke zoragarri baten inguruan bizitzeko espazioa izan dadin”, nabarmendu du alkateak. Gainera “lasaitasun mezua” bidali du. “Eraisteko konpromisoa hartu genuen bezala, konpromisoa hartzen dugu hurrengo planak egungo lursailan eraikitzeko eta Olarizuko parkea errespetatzeko. Orain dagoen lursailan etxebizitzak egiteko proiektua berreskuratuko dugu, lehengo bizimodua berriro emanez“.

Share

20.00 pertsonak baino gehiagok jarri dute Herritarren Udal Txartela mugikorrean

10.000 bider baino gehiagotan erabili da sistema hori igerilekuetara joateko.

 

Maiatzaren 24an Herritarren Udal Txartela (HUT) telefono mugikorretan instalatzeko kanpaina abian jarri zenetik, 20.844 erabiltzailek egin dute bat berrikuntza teknologiko honekin.

15.057 telefonotan instalatu dira 20.844 txartel horiek; izan ere gailu bakoitzean txartel bat baino gehiago izateko aukera ematen du aplikazioak, eta hori oso praktikoa da Gasteizko gurasoentzat, seme-alaben txartelak eraman ditzakete eta.

Sistema horrek aukera ematen du barra-kodearen bidez udal liburutegietan liburuak maileguan hartzeko, QR kodearen bidez udal instalazioetan sartzeko, edo itsasontzien jokoa erabilita ikastaroetan izena emateko. Txartel fisikoek aktibatuta jarraitzen dute, beraz, une bakoitzean nahi den aukera erabili ahal izango da.

4.643 pertsona desberdinek erabili dute sistema hau igerilekuetan sartzeko, guztira 10.672 bider.

“HUT digitalak argi erakusten du teknologia pertsonen zerbitzura egon daitekeela eta egon behar duela. Udalak txartela baliagarria izatea nahi du,  gasteiztarren bizitza eta zerbitzu publikoen erabilera errazteko balio izatea” adierazi du Administrazioaren eta Eraldaketa Digitalaren zinegotzi Borja Rodriguezek.

Instalazioa

Egoitza elektronikoaren bitartez oso erraz sar daiteke UHT txartela  mugikorrean Horretarako identifikatu beharra daukazu, ziurtagiri digitala, BAKQ, edo HUT erabilita (on line erabiltzeko aktibatuta egon behar du).

Interesdunak mugikorraren zenbakia sartu behar du, eta une horretan SMS bat jasoko du, eta bertan adieraziko zaio prozesuarekin jarraitzeko aldi baterako kodea. Jarraian, txartelean  zuzenean sartzeko ikonoa agertuko zaio mugikorrean.

 

Informazio gehiago

 

Share

Bizikletaz ibiltzen diren poliziak berriro ere hiriko berdeguneak eta kaleak patruilatzen ari dira  

Bizikleta bidezko patruila-zerbitzuari atxikitako udaltzainek hiriko berdeguneak eta kaleak patruilatuko dituzte aste honetatik aurrera. Bizikleta berriekin, hasi dira parkeak, lorategiak, oinezkoentzako guneak, kirolguneak eta bidegorriak zaintzen. Irailaren amaierara arte, pedalei eragiten dieten bitartean, hiritarren eta bideko segurtasuna zainduko dute Udaltzaingoak agerian utzi duen mugigarritasun jasangarriaren aldeko konpromisotik abiatuta.

Bizikleta gainean ibiltzen diren udaltzainen eguneroko lana izango da gune publikoen erabilera egokiaren inguruan heztea, txirrindularien, oinezkoen eta motordun ibilgailuen gidarien arteko harremanetan errespetua bultzatzea eta bideko gainerako erabiltzaileen gidatze arduragabea prebenitzea.

Informazioa emateaz, aholkatzeaz eta kontrolatzeaz gain, udaltzainek zaintza-lan horietan hautematen dituzten arau-hausteak ere salatuko dituzte. Era berean, derrigorrezko elementurik ez duten edo txirrindularien eta gainerako gidari eta oinezkoen segurtasunean eragina izan dezaketen gabezia larriak dituzten bizikletetan esku hartuko dute.

Bestalde, Bide Segurtasuneko Udal Plan Estrategikoaren baitan udako hilabeteetan egingo dituzten bizikleten eta mugikortasun pertsonaleko ibilgailuen kanpainetan esku hartuko dute.

Berrehun esku-hartze

 2020an, bizikletaz ibiltzen diren poliziek 206 esku-hartze egin zituzten pandemiak murrizketa ugari ezarri zuen arren. Ugarienak zirkulazioko arau-hausteekin eta gorabeherekin (34) eta delituen prebentzioarekin eta pertsekuzioarekin (33) lotutakoak izan ziren. Jarraian, udal-ordenantzen arau-hausteekin (19) eta borroka eta liskarretako esku-hartzearekin lotutakoak (13) aipatu behar ditugu.

Share

Inauguratu du Euskal Herriko Unibertsitatearen udako ikastaroa, “La Empresa 4.0: la digitalización y las Tecnologías de la información”

Enplegu eta Prestakuntza zinegotzi Igor Salazarrek inauguratu du Euskal Herriko Unibertsitatearen udako ikastaroa, “La Empresa 4.0: la digitalización y las Tecnologías de la información como fuente de competitividad empresarial” izenekoa. Ikastaroa gaur egingo da, Ekonomia eta Enpresa Fakultatean (Gasteiz) eta Arabako Parke Teknologikoan (Miñano). Jardunaldia modu bimodalean egingo da (aurrez aurre eta streaming bidez), eta 4.0 digitalizazioaren esparruan esperientzia akademiko eta kudeaketa esperientzia garrantzitsuak eta inspiratzaileak erakustea du helburu.

“Eraldaketa digitala orainaldia da, bai enpresetan, bai sektore publikoan. Mahai gainean dago enplegu-nitxo berriei eta sortutako enpleguaren kalitateari buruzko eztabaida. Funtsezkoa da eten digitala arintzea eta prestakuntza egoki eta eraginkorrean inbertitzea”, nabarmendu du Igor Salazarrek.

 

Share

Udal Osoko Bilkura Goiuri jauregian (2021-06-18)

Ohiko osoko bilkura egingo da bihar, ekainaren 18an, Goiuri jauregian, Martin de Salinas aretoan, zinegotzien arteko distantzia gordetze aldera.

Komunikabideei jakinarazten zaie gehienez ere bost pertsonak jarraitu ahal izango dutela osoko bilkura Goiuri jauregian bertan, kazetarientzako gunean, eta bai streaming bidez ere esteka hau sakatuz. Halaber, udaletxeko prentsa aretoan jarraitu ahal izango dute bilkura hori.

 

Share