Prentsa Oharren banner

Gasteizko Guraso Eskolek 560 parte-hartzaile izan dute amaitu berri den ikasturtean

 

 

 

 

 

Hezkuntza Zerbitzuak —Estíbaliz Canto zinegotzia da horren arduraduna— bi hamarkadatik gora daramatza Guraso Eskolak programa sustatzen, Gasteizek Hiri Hezitzailea den aldetik bultzatzen dituen prestakuntza eta partaidetza balioak baititu oinarritzat. Iritzi berekoak dira seme-alabak eskola adinean dituzten zenbait familiak, zeinak, heztea  eta ikastea sinonimo direlako ideiatik abiatuta, sistematikoki biltzen baitira urritik maiatzera bitartean seme-alabekiko harremanetan sortzen diren arazo komunak lantzeko, elkarrizketan eta hausnarketa partekatuan oinarriturik.

Gaur egun 40 guraso eskola ari dira lanean, eta 560 pertsonak hartzen dute parte. Haien bozeramaileek “positibotzat” jo dute amaitu berri den ikasturtea, eta irailerako erronka berriak ezarri dituzte.

Badirudi 2016-2017 ikasturteak asebete dituela 31 ikastetxetan osatutako 40 eskoletan parte hartu duten 560 gurasoek. Oro har, familiak kezkatzen dituzten gaiak landu dituzte: komunikazio arazoak, anai-arreben arteko harremanak, ohiturak, etab. Gaurko munduan teknologia berriekin lotuta sortutako arazoak ere landu dituzte, bai eta aniztasunezko heziketa, bullyinga edo norberaren kontrola ere.

Hala ere, asebetetasuna ez da erabatekoa. Guraso Eskolen eledunek ikasturteko azken bileran adierazi dutenez, “eskoletako familiek ere denbora eta kontziliazio arazoak dituzte, eta horren eraginez parte-hartzea txikiagoa eta asistentzia irregularragoa da”. Hori dela kausa, hurrengo ikasturterako bi helburu ezarri dituzte: parte-hartzaileen kopurua handitzea eta ikasturtean zehar  asistentziari eustea, eta jarduera ikastetxeetan bistaratzea.

Informazio gehiago: Guraso eskolak

Share