Prentsa Oharren banner
Kategoriak: Fotonotizia  —  Etiketak: , ,   —  Komunikazio Zerbitzua / Servicio de Comunicación  —  4 maiatza 2017 17:36

Ostegun honetatik aurrera, medikuntza, erizaintza, psikologia, fisioterapia edo gizarte laneko 250 adituk baino gehiagok adinekoentzako arretaz eta “bizitzaz beteriko zahartzaroaz” hitz egingo dute Europa jauregian,“Zahartzaroa” Geriatria eta Gerontologia Euskal Elkargoaren XVI. Biltzarrean eta espezialitate bereko Nafarroako Elkartearen IX.ean. Gaur arratsaldean inauguratu dira biltzarrak, lehen alkateorde Peio López de Munain bertan izan delarik.

López de Munainek Udalak adinekoei begira garatzen dituen prebentzio politikak nabarmendu ditu “haien autonomia sustatzeko, bakardadea eragozteko eta zahartze aktiboa eta baldintza duinetan izan dezaten lortzeko”.

Gasteizen 65 urtetik gorako 50.000 pertsona bizi dira. hau da, populazioren % 20.

 

 

Share
Kategoriak: Sailkatu gabea  —  Komunikazio Zerbitzua / Servicio de Comunicación  —   17:19

Ostegun honetatik aurrera, medikuntza, erizaintza, psikologia, fisioterapia edo gizarte laneko 250 adituk baino gehiagok adinekoentzako arretaz eta “bizitzaz beteriko zahartzaroaz” hitz egingo dute Europa jauregian,“Zahartzaroa” Geriatria eta Gerontologia Euskal Elkargoaren XVI. Biltzarrean eta espezialitate bereko Nafarroako Elkartearen IX.ean. Gaur arratsaldean inauguratu dira biltzarrak, lehen alkateorde Peio López de Munain bertan izan delarik.

López de Munainek Udalak adinekoei begira garatzen dituen prebentzio politikak nabarmendu ditu “haien autonomia sustatzeko, bakardadea eragozteko eta zahartze aktiboa eta baldintza duinetan izan dezaten lortzeko”.

Gasteizen 65 urtetik gorako 50.000 pertsona bizi dira. hau da, populazioren % 20.

 

Share
Kategoriak: Deialdiak  —  Komunikazio Zerbitzua / Servicio de Comunicación  —   17:15

– Basque Ultra Trail probaren irteera-arkua pizteko ekitaldia
Parte-hartzaileak: Gorka Urtaran alkatea;  Kultura, Hezkuntza eta Kirol zinegotzi Estíbaliz Canto, probako parte-hartzaileak, eta babesleak.
Eguna: ostirala, maiatzak 5
Ordua: 18.30
Lekua: Andra Mari Zuriaren plaza

Share
Kategoriak: Prentsa oharrak  —  Komunikazio Zerbitzua / Servicio de Comunicación  —   16:34

Taldea duela bi urte sortu zen, eta berrogeita hamar enpresatik gora dira bazkide

AEFAME-Euskadiko Familia Enpresen Elkarteak urteko batzarra egin du gaur goizean. Gorka Urtaran alkateak eman dio amaiera bilerari; ekitaldian 50 urtetik gorako ibilbidea duten Euskadiko familia enpresei aitorpena adierazi zaie.

Orotara ehun agente sozioekonomiko inguruk hartu dute parte: elkarteko enpresak, sustatzaileak, Euskal Herriko Unibertsitateko eta Deustuko Unibertsitateko familia-enpresari buruzko katedrak, eta CONFEBASK-Euskal Enpresarien Konfederazioko kideak.

Alkateak azpimarratu du ezinbestekoa dela familia-enpresek Gasteizko ekonomiari eta Euskadikoari oro har egin dioten ekarpena aitortzea. AEFAMEk bi urte bestetik ez du, eta Euskadin 53 enpresa dira bazkide. “Familia-enpresa eta enpresa-familia gure gizartearen egitura ekonomikoaren ardatza izan dira, dira eta izango dira, eta aurrerabidearen eta aberastasunaren berme”, adierazi du Gorka Urtaranek.

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —   14:53

 

Datorren larunbatean, maiatzak 6, “gizarte inklusiboaren aldeko”  XXII. Kriskitin Lasterketa egingo da Gasteizen; ONCEk antolatzen du ekitaldia, Udalaren, Arabako Foru Aldundiaren eta beste erakunde batzuen laguntzarekin. Udaletxeko prentsa-aretoan aurkeztu da gaur goizean ekitaldia. Bertan izan dira Gizarte Politiken zinegotzi Peio López de Munain, Gizarte Zerbitzuen foru diputatu Marian Olabarrieta,  ONCEren Euskadiko Lurralde Ordezkaritzako lehendakari Javier Domínguez, eta ONCEren Gasteizko zuzendari Rafael Ledesma.

2017ko Kriskitin Lasterketa larunbatean egingo da, 12:00etan, San Prudentzio kalean, Arka plazaren parean. Itsuen lekuan jarri nahi duen edonork har dezake parte, haren adina edo sasoi fisikoa edozein delarik. Begien aurrean mozorroa jarrita kilometro bat egin beharko dute lasterka, soka edo lekuko batez lotuta doan beste pertsona baten laguntzarekin; sokak kriskitin bat darama zintzilik, entzun ahal izateko.

Lasterketa amaitu ondoren,  ONCEk Urrezko Kriskitina emango dio aurten Araban desgaitasuna duten pertsonen inklusioaren alde gehien nabarmendu den entitateari. Oraingoan Añanako Gatz Haranak jasoko du saria, dibertsitate funtzional fisikoa duten pertsonentzako bisita gidatuak egiteaz gain, ikusmen urriko bisitarientzako maketa jarri berri baitute, eta bideo bat sortu entzuteko zailtasunak dituzten pertsonentzat.

Share
Kategoriak: Prentsa oharrak  —  Komunikazio Zerbitzua / Servicio de Comunicación  —   14:18

Udal gobernuak Udalaren jardueraren zorroztasuna defendatu du, eta horri buruz piztutako alarmismoa ukatu, higadura politikoa eragiteko saiakeratzat jota

Aste hauetan, Hirigintza Saileko teknikariak eta Zabalganeko gizarte etxeko obra zuzendaritza proiektua kontratuari jarraituz gauzatu den egiaztatzen ari dira, lanak ofizialki hartu aurretik, joan den astean alkateak berak azaldu zuenez.

Aurreikusitako epeak betetzen ari dira. Enpresak lana bukatu duela jakinarazi ondoren, udal teknikariak eraikinaren egoera ikuskatzen ari dira, eta egoki bada, oniritzia emango dute, lana ofizialki hartu ahal izan dadin.

Azken asteetan lanen egoerari buruz eta Udalaren jokaerari buruz zabaldu diren kritiken aurrean, gobernuak bere jardueraren zorroztasuna defendatu du, eta informazioa ezeztatu, “interesatua baita, eta higadura politikoa eragiteko saiakera baitirudi. Kezkagarriena da oker horiek aurretik Hirigintzaren arduradunak izan direnek egitea, ondo ezagutuko beharko bailituzkete epeak eta kontratazio-prozesuak, itxuraz hala ez bada ere”, gaitzetsi du Hirigintzako zinegotzi Itziar Gonzalok.

Gonzalok azpimarratu du: “Udala gauzak behar bezala egiten ari da. Lana etengabe jarraituz eta behar diren neurriak hartuz, hiriak aparteko kargak bere gain hartu behar izan ez dezan, Salburuko gizarte etxearen obra amaieraren kudeaketa txarragatik jasaten ari den bezala. Gobernu honek ez du hipotekatuko auzora ilusioa dakarren proiektuaren amaiera egokia beste batzuek amaitu gabe zegoen gizarte etxe bateko zinta ebakitzeko izan zuten presengatik”.

Aurreikuspenen arabera, Zabalganeko gizarte etxeak uda igaro ondoren irekiko ditu ateak.

Share
Kategoriak: Prentsa oharrak  —  Komunikazio Zerbitzua / Servicio de Comunicación  —   13:20

AUDIO Itziar Zabalgana

Udal gobernuak Udalaren jardueraren zorroztasuna defendatu du, eta horri buruz piztutako alarmismoa ukatu, higadura politikoa eragiteko saiakeratzat jota

Aste hauetan, Hirigintza Saileko teknikariak eta Zabalganeko gizarte etxeko obra zuzendaritza proiektua kontratuari jarraituz gauzatu den egiaztatzen ari dira, lanak ofizialki hartu aurretik, joan den astean alkateak berak azaldu zuenez.

Aurreikusitako epeak betetzen ari dira. Enpresak lana bukatu duela jakinarazi ondoren, udal teknikariak eraikinaren egoera ikuskatzen ari dira, eta egoki bada, oniritzia emango dute, lana ofizialki hartu ahal izan dadin.

Azken asteetan lanen egoerari buruz eta Udalaren jokaerari buruz zabaldu diren kritiken aurrean, gobernuak bere jardueraren zorroztasuna defendatu du, eta informazioa ezeztatu, “interesatua baita, eta higadura politikoa eragiteko saiakera baitirudi. Kezkagarriena da oker horiek aurretik Hirigintzaren arduradunak izan direnek egitea, ondo ezagutuko beharko bailituzkete epeak eta kontratazio-prozesuak, itxuraz hala ez bada ere”, gaitzetsi du Hirigintzako zinegotzi Itziar Gonzalok.

Gonzalok azpimarratu du: “Udala gauzak behar bezala egiten ari da. Lana etengabe jarraituz eta behar diren neurriak hartuz, hiriak aparteko kargak bere gain hartu behar izan ez dezan, Salburuko gizarte etxearen obra amaieraren kudeaketa txarragatik jasaten ari den bezala. Gobernu honek ez du hipotekatuko auzora ilusioa dakarren proiektuaren amaiera egokia beste batzuek amaitu gabe zegoen gizarte etxe bateko zinta ebakitzeko izan zuten presengatik”.

Aurreikuspenen arabera, Zabalganeko gizarte etxeak uda igaro ondoren irekiko ditu ateak.

Share
Kategoriak: Prentsa oharrak  —  Komunikazio Zerbitzua / Servicio de Comunicación  —   13:05

Dagoeneko eman daiteke izena 2017-2018 ikasturterako, maiatzaren 22ra arte

Udal Folklore Akademiak “Dantza Plazan” programa aurkeztu du gaur, zeinaren bidez aldez aurretik landutakoa hiriko zenbait plazatan erakusten baitu Akademiak.  Bihar hasiko da, Espainia plazan, eta irailaren 8ra arte iraungo du; orotara 10 saio izango dira.

“Folklore tradizionalaren azaroetako bat praktikatu ahal izatea da, hain zuzen. Folklorearen bizipena berreskuratzeko eredu bat proposatu behar da; gure kasuan Dantza Plazan izeneko jardueraren bitartez gauzatzen da hori, non ikasleek eskoletan ikasitakoa praktikatu baitezakete“, adierazi du Kultura, Hezkuntza eta Kirol zinegotzi Estibaliz Cantok.

Dantza Plazan jardueraren xedea dantzaren eta musikaren zentzu ludikoa berreskuratzea da, zeina naturaltasunez ulertu behar baita, ez jantzi eta ez koreografia bereziren beharrik gabe, hartara herriaren adierazpen folklorikoen jatorrizko espiritua berreskuratzeko.

Herritarrei irekitako ikuskizuna da, euskal dantza tradizionalen ikusle eta, aldi berean, partaide izateko aukera eskaini nahi baitzaie herritarrei. Nagusiki pedagogikoa da Dantza Plazan jarduera, Akademiako dantzako irakasleek aktiboki hartzen baitute parte, koreografien pausuak azalduz.

Kalean egiteko jarduera denez gero, udaberri-uda denboraldian programatzen da. Ohi bezala, Espainia plazan egingo dira saioak, irailaren 8koa izan ezik: Salburuko hezeguneak interpretatzeko zentroarekiko lankidetzan, Atariaren ondoan egingo da hori.

Berritasun gisa, ekainaren 23an “Dantza Plazan” saio berezia antolatu  da, “Bandtzaldia” izeneko ikuskizuna; Udal Musika Bandak, Aiko taldeak eta Folklore Akademiak dantza errepertorioa interpretatuko dute, erromeria bat irudikatuz, eta publikoak entzuteaz gain dantzan aritzeko aukera izango du.

2017-2018 ikasturterako izen ematea

Bestalde, maiatzaren 1etik 23ra bitartean egongo da zabalik Udalaren Folklore Akademian 2017-2018 ikasturterako izena emateko epea. Hauek dira onartuak izateko gutxieneko adinak: dantza ikasteko, 2011ko abenduaren 31ra bitartean jaiotakoak, eta gainontzeko ikasgaietarako, 2010eko abenduaren 31ra bitartean jaiotakoak. Kantu tradizionaleko taldea, berriz, 18 urtetik gorakoentzat da.

Musika Etxean (San Antonio kalea, 14) eman daiteke izena, 10:30etik 13:30era eta 17:00etatik 19:30era (ostiral arratsaldeetan izan ezik), edo internetez, www.vitoria-gasteiz.org orrian agertzen den inprimakia behar bezala beteta gufa@vitoria-gasteiz.org helbidera bidaliz.

Díptico Dantza plazan

Share
Kategoriak: Prentsa oharrak  —  Komunikazio Zerbitzua / Servicio de Comunicación  —   12:44

Lehenengo emanaldia bihar izango da, maiatzak 5, eta urriaren 12ra iraungo du zikloak

Kultura, Hezkuntza eta Kirol zinegotzi Estíbaliz Cantok, Udal Musika Bandaren zuzendari Hilario Extremianak, eta zuzendariondoko Iker Olazabalek “Musika aire zabalean” zikloaren lehen edizioa aurkeztu dute gaur; orotara 25 emanaldi eskainiko dituzte, bihartik, maiatzak 5, urriaren 12ra arte.

Cantok azaldu duenez, “Bandak beti egin ditu emanaldiak aire zabalean, baina aurten guztiak, tradizionalak zein berrikuntzak, zikloa batean bildu nahi izan ditugu, batasun zentzua ematearren, horixe baita Bandaren helburuetako bat, musika kalera eta hiriko txoko guztietara zabaltzea, herritarrak zaletu daitezen, haien adina edozein delarik”.

Aurtengo berrikuntzak leku hauetan entzun eta ikusi ahalko dira: San Martin auzoan, ekainaren 16an; Zabalganean, uztailaren 16an, eta Andre Maria Zuriaren plazan, ekainaren 21ean (Musikaren Nazioarteko Eguna). Gainera, ekainaren 23an “Bandtzaldia” izeneko ikuskizunean parte hartuko  du, Aiko taldearekin eta Folklore Akademiaren batera: dantza errepertorioa interpretatuko dute, erromeria bat irudikatuz, eta publikoak entzuteaz gain dantzan aritzeko aukera izango du.

 Díptico Música al Aire libre

Share
Kategoriak: Prentsa oharrak  —  Komunikazio Zerbitzua / Servicio de Comunicación  —   11:36

“Ura baliabide mugatua da, eta egoki zaindu eta kudeatzea arazo globala da, pertsona eta erakunde orori dagokiena”, azaldu du Garapenean Laguntzeko Zerbitzuaren arduradun eta AMVISAko lehendakari Jaione Aguirre zinegotziak.

 Gaurtik aurrera ikusi ahalko da Lakuako gizarte etxean ‘DesCifrando contrastes’ erakusketa, AMVISAk eta  Garapenean Laguntzeko Zerbitzuak elkarrekin antolatuta. 20 panelen bidez, munduko hainbat lekutan saneamendua eta edateko ura eskuratzeko dauden ezberdintasunak erakusten dira. “Ura eta saneamendua izateko giza eskubidea bermatu eta unibertsal bihurtzeko oraindik bete gabe dauden erronkei buruz hausnartu dezagun lortu nahi da ekimen honen bitartez. Ura baliabide mugatua da, eta egoki zaindu eta kudeatzea arazo globala da, pertsona eta erakunde orori dagokiena”, azaldu du Garapenean Laguntzeko Zerbitzuaren arduradun eta AMVISAko lehendakari Jaione Aguirre zinegotziak.

Erakusketan oso mezu zehatzak erabiltzen dira: kopuruetan oinarrituz, gure egoeraren eta planetako beste lekuetako egoeraren artean dagoen alde izugarria islatzen da. “Esate baterako, garapen-bidean dauden herrialdeetako hirietako biztanleen % 27k ez duela ur korronterik etxeetan jakin ahal izango dugu, eta, aldiz, Gasteizen etxeko batez besteko ur-kontsumoa egun eta pertsona bakoitzeko 106 litrokoa dela. Edo munduko 789 milioi pertsonak ez duela saneamendu-sistema egokirik eta gure hirian, berriz, hondakin-urak biltzeko 850 kilometro kolektore ditugula”, erantsi du Jaione Aguirrek.

Orobat, garapenerako lankidetza-ur eta saneamenduaren alorrean urteko proiektuak bideratzeko diru-laguntzak emateko Gasteizko Udalak 2016an egin zuen deialdi publikoaren barruan onetsitako proiektuei buruzko hiru panel jarri dira. Kolonbia, Peru eta Senegalen garatu ziren proiektu horiek.

Erakusketa gizarte etxe hauetan ikusi ahalko da, maiatzetik abendura bitartean, adierazitako hurrenkeran: Lakua, Aldabe, Judimendi, Salburua, Ibaiondo, Hegoalde, Iparralde eta Zabalgana; bakoitzean hilabete inguru emango du. Abendutik aurrera, beste gizarte etxe batzuetan ere programatuko da, Gizarte Etxeen Zerbitzuaren batera.

AMVISAk eta Garapenean Laguntzeko Zerbitzuak herritarrak sentsibilizatzea espero dute, udalaren lankidetza-politiken zati garrantzitsua baita. “Funtsezkoa da gogoratzea edateko uraren eta saneamendu egokiaren eskuragarritasun unibertsalaren garrantzia, oinarrizko giza-eskubidea izanik 2030erako garapen iraunkorreko 17 helburuen artean sartu baita. Gogoan izan behar da oraindik 1.800 milioi pertsonak erabiltzen dutela ur zikinek kutsatutako ur-iturriren bat, eta horrek askotariko gaixotasunak harrapatzeko arriskua dakarkiela. Izan ere, edateko egokia ez den urak, osasun azpiegitura eskasek eta higiene faltak 842.000 hilketa inguru eragiten ditu urtean”, gogorarazi du Jaione Aguirrek

Denon Ura

Bide batez, AMVISAren lehendakariak jakinarazi du sozietateak —zeinaren erantzukizuna baita Gasteizen uraren zerbitzu integrala kalitate eta eraginkortasun baldintza hoberenetan ematen dela bermatzea— komunikazio kanpaina berri bati ekin diola,  ‘Denon ura’ mezuarekin: “gure irudi korporatiboan txertatu dugu, eta datozen hilabeteetan kartel, ordainagiri eta sentsibilizazio kanpainetan agertuko da“.

Share

Aurrekoak »