III Congreso Internacional sobre Almacenamiento de Energía, Power our future 2017 biltzarra inauguratzea
Parte hartzaileak. CIC energiGUNEko presidente Aitor Oregi; Enpleguaren eta Garapen Ekonomiko Iraunkorraren zinegotzi Nerea Melgosa; diputatu nagusiorde Pilar Garcia de Salazar; eta CIC energiGUNEko arlo elektrokimikoaren zuzendari zientifiko Teofilo Rojo
Eguna. Astelehena, uztailak 3
Ordua. 9:00
Tokia. Europa Biltzar Jauregia, Francisco de Vitoria aretoa
Ostirala, ekainak 30
Igandea, uztailak 2
Berretsi egin du talde politiko guztiekin adosten jarraitzeko duen borondatea, salbuespenik gabe.
Udal politikari buruzko udalbatzako bigarren saioaren esparruan, Gasteizko alkate Gorka Urtaranek oposizioari itun hirukoitza eskaini dio Gasteizen alde, datorren hamarkadako lehia garrantzitsuei bermeekin aurre egin ahal izateko. Alkateak berretsi egin du talde politiko guztiekin adosten jarraitzeko duen borondatea, salbuespenik gabe.
Itunak, lehenengo eta behin, alderdi soziala du, eta horren helburua da gizartea zahartzeak eta aniztasunak dakartzaten lehiak aintzat hartzea, eta ezberdina denaren pobrezia eta bazterketaren aurka egitea. “Ahalegin handiak egin behar ditugu pertsonekin eta haiek dituzten beharrizanekin”, azaldu du Gorka Urtaranek. Alderdi ekonomikoak, berriz, herritarrei zerbitzu publikoak bermatzea du helburu, familien, enpresen eta oro har zergadunen egoera oso kontuan hartuta. “Udal honek ez du sortzen gastu eta beharrezko inbertsioei aurre egiteko beste aurrezpena. Akordio serio eta zorrotza izan behar dugu datozen urteetan diru-sarreretan gastuetan baino hazkunde handiagoa izan dezagun”, gehitu du alkateak. Hirugarren alderdia etorkizunekoa da. “Gasteizek prestatuta egon beharra dauka 2025erako, gure hirian aldaketa eta azken hamarkadetan inoiz ez bezalako iraultza datorrelako, neurri batean trenaren korridorea lurperatzeak eraginda. Gasteizen etorkizuna dagoeneko martxan da”, zehaztu du alkateak.
Bestalde, oposizioko taldeei erantzuna emateko txandan, PPren eta Bilduren kritikei erantzun die. “Eskuinak ezkerraren esparru erradikalaren eskuetan gaudela dio, eta ezkerrak, berriz, kontrakoa. Ba, seguruenez, ez bata eta ez bestea izango da. Udal gobernuak ez dio alderdi bati edo beste bati begiratzen, Gasteizi baizik, bertan bizi garen pertsona guztiei, salbuespenik egin gabe”.
Gorka Urtaranek gogorazi duenez, urte bi hauetan askotan luzatu die eskua gainerako alderdi politikoei. “Politikan denak ez du balio eta gobernu honek akordioak lortu nahi ditu talde guztiekin, salbuespenik gabe. Akordiorako aukerak daude Masterplan Centron, mugikortasunean, etab.”, zenbatu du alkateak, eta era batera, Podemos eta Irabazi taldeei eskertu egin die laguntza, Gasteizek 2017ko aurrekontua edukitzeko aukera eskaintzeagatik.
Gorka Urtaran alkateak Industriari Laguntzeko lehen Plana aurkeztu zuen atzo udal politikari buruzko udalbatzan, eta orain bost jarduera-ildoetako bat zehaztu du: Eusko Jaurlaritzaren laguntzarekin –GILSAko bazkide–, miloi bat euro bideratuko ditu industrialdeak biziberritzeko, eta zehaztuta eta lehentasuna duten lau jardueratatik hasiko da.
Diru kopuru handiena eskatzen duten lanak Jundiz kalean egingo dira, Jundizko industrialdea Zurrupitieta kalearekin lotzeko komunikazio-bide nagusian. Zoladura hobetuko da eta 608.128 euroko aurrekontua izango da.
Beste lan garrantzitsu bat Ehari-Gobeu poligonoko Vitoriabidea kalean egingo da, eta 500 metrotik gorako bide bateko zoladura konponduko da. Lanen kostua 247.690 eurokoa da.
Hirugarren jarduera multzoa seinaleztapen horizontalak margotzea izango da; enpresentzako herritarren postontzian gehien jaso den eskaeretako bat. Lan hauek industrialde guztietan egingo dira, eta 294.228 euroko aurrekontua dute.
Azkenik, Gamarra-Betoñuko industrialdeko Larragana kalean biratzeko erradio handituko da. 13.043 euroko kostua kalkulatzen da.
” Hemen bizi garenontzat hiri erosoa eta bisitarientzat erakargarria nahi dugun bezala, gure industrialdeak ere erakargarri egin behar ditugu. Erantzun egin behar diegu biziberritzeko eta bide, espaloi eta beste zenbait elementu birgaitzeko egindako oinarrizko eskariei, hartara gure industrialdeetan enpresa berriak ezarri eta daudenek bertan jarri dezaten” nabarmendu du Gorka Urtaranek.
Poligonoetako inbertsioen lehen multzo hau legegintzaldiaren hasieratik burutzen ari den lan baten emaitza da, Industria Zerbitzuaren eta sektoreko eragile garrantzitsuen hainbat forotan, industria mahaian esaterako, jasotako ekarpenen bitartez.
Industrialdeetan egingo den miloi euroko inbertsioa tarteko, horrelako udal esku-hartzerik garrantzitsuena da azken bi legegintzaldietan.
Industrialdeak birgaitu eta biziberritzeaz gain, aste gutxi barru onartuko den industriari laguntzeko lehen planak honakoak jasotzen ditu: erabiltzen ez den lurzorua berpiztea, poligonoetarako kudeaketa eredu eraginkorrak bilatzea, industrialdeak 4.0 industriara egokitzea (industria aurreratu edo ekoizpen adimentsu bezala ulertuta) eta tokiko prestakuntza eragileen lankidetza, Gasteiz 4.0 industriaren arloko gradu eta titulazioen ezarpenean errefernte izan dadin.
Tokiko Gobernu Batzarrak Gasteiz On elkartearekiko lankidetza-hitzarmena onetsi du, 2017an hiriko merkataritza dinamizatzeko jarduera kanpaina diseinatu eta gauzatzeko. Ekimen honi esker, Gasteizko Udalak 180.000 euro emango ditu tokiko merkataritza sustatzeko eta ostalaritza sektoreari laguntzeko jarduerak barne hartzen dituen programa gauzatzeko.
Honakoak nabarmendu daitezke Gasteiz On elkarteak antolatu eta udalaren laguntza izango duten ekitaldi nagusien artean: Ardoaraba azoka, bi moda-desfile, ehungintza arloko azokak –beherapenena, senargaiena, esaterako–, eta urtaroen araberako hainbat kanpaina – udakoa edo Eguberrietakoa, kasu-. Finkatutako jarduera hauetaz gain, lankidetza-hitzarmenak aurten abian jarritako beste zenbait ekimen ere jasotzen ditu: adibidez, Gida Izarra. Honek ostalaritza- eta merkataritza- establezimenduen 123 proposamen jasotzen ditu, eta saskibaloiko Errege kopa jokatu zen garaian banatu zen lehen aldiz.
“Hitzarmen hau Merkataritza eta Ostalaritza Plan Estrategikoaren jarduera-ildoak garatzeko lanabesetako bat dugu. Tokiko merkataritzaren ardatz diren agenteen lankidetza ezinbestekoa da sektore honen dinamizazio ekonomikoa lortzeko. Honelako ekimenei esker Gasteizek aurrera jarraitzen du” adierazi du Enpleguaren eta Garapen Ekonomiko Iraunkorraren zinegotzi Nerea Melgosak.
Gasteiz On elkartearekiko hitzarmenak hiriko ekitaldiekiko lankidetzak ere ezartzen ditu: Jazz jaialdia, Poetak maiatzean, magialdia edo gutxi barru izango den triatloia. Hiriko hainbat auzok egindako eskabideak ere gehitu dira hainbat ekimen tarteko: Zaramagako ibilbide artistikoa, haurrentzako jarduerak, txikitxokoak…
2017ko FesTVal jaialdia antolatzeko hitzarmena
Orobat, Tokiko Gobernu Batzarrak gaur goizean egindako bileran, Fila 2 kultur elkartearekiko lankidetza-hitzarmena onartu du, Gasteizko Telebista jaialdiaren IX. edizioa antolatzeko. Udalak 175.000 euroko laguntza emango du hiriko jarduera hau irailaren 5etik 10era bitartean egiteko. Ekarpen ekonomikoaz gain, FesTVal jaialdia gauzatzeko behar diren hainbat espazio uztea ere jasotzen du hitzarmenak: Europa, Eskoriatza-Eskibel, Goiuri eta Montehermosoko jauregietako hainbat espazio eta Printzipal antzokia, non serie eta programen estreinaldi nagusiak egingo baitira.
FesTVal jaialdiaren azken edizioan 26.000 lagun izan ziren (2015an baino % 4 gehiago) eta horietako 550 arlo horretako profesional gonbidatuak izan ziren (aurrekoan baino % 9 gehiago). Hedabideetan lortutako oihartzuna 9,8 milioi eurokoa izan zen, sortutako 2.310 berriei esker.
Urtaranen gobernuak Txile kaleko bizikletentzako bidea luzatu du. Orain bidegorri hori Gasteiz hiribidetik hasi eta Argentina kaleko bidegurutzeraino iristen da. Obrak egin ondoren, bidea Mexiko kaleraino luzatuko da. Gutxi gorabehera, 260 metro gehiago. Eginda dagoen bide-zatian bezala, bi noranzko dituen bidegorria izango da, ibilgailuen trafikotik bereiz. Gaur goizeko bileran onetsi du Tokiko Gobernu Batzarrak lan horien kontratazio-dosierra, 89.455,20 euroko aurrekontuarekin.
“Hiriko bizikleta sarea hobetzen jarraitzen dugu urrats txikiak emanda, bizikletaren erabiltzaile eta taldeek hala eskatuta. Kasu honetan, gainera, bizikleten mugikortasunerako osatu beharra geneukan puntu estrategiko batean. Bizikletak eta oinezkoak ibilgailu pribatuaren aurrean protagonismoa hartzen duten mugikortasun iraunkor eta osasungarriaren eredu baten alde egitea da Gasteizen garatzen ari garen estrategia bat”, azaldu du Ingurumenaren eta Espazio Publikoaren zinegotzi Iñaki Prusillak.
Ingurumenaren eta Espazio Publikoaren Sailak egindako proiektuaren arabera, bidegorria zenbaki bakoitien espaloiaren ondoan eraikiko da eta 2,6 metroko zabalera izango du. Txirrindulariek erabiltzeko espazio horren ondoan 1,50 metroko oinezkoentzako ibilbidea ezarriko da autoetako erabiltzaileak espaloira segurtasunez iristeko. Eta zati horri erantsita lerroko aparkalekuen errei berria kokatuko da, 2,25 metroko zabalerarekin. Bestalde, zirkulazio-erreietan ere bakoitza 3 metroraino estutu beharko da. Bidegurutzeek eragindako eremuak (‘belarriak’) kendu egingo dira (Jose Migel Barandiaranen kasuan) edo aldatu (Argentinarekin eta Mexikorekin dauden bidegurutzeetako kasuetan).
Lanak bi hilabeteko epean egingo dira. Eta barne hartuko dute obrek eragindako seinaleak eta altzariak kentzea. Ondoren egingo dira eraisketak eta beharrezko betelanak. Hustubide batzuk ere aldatuko dira eta euri-urak biltzeko hodia jarriko da. Halaber seinaleztapen bertikal eta horizontal berriak jarriko dira.
Gasteizko erdialdea birgaitu, biziberritu eta berpizteko Erdigunerako Masterplanean jasotako ekintzetako bat da.
Udalak batzordean eta udalbatzan onartu beharko du eraikin horrek etxebizitza, merkataritza eta ostalaritza erabilera izateko egin beharreko hirigintza aldaketa.
Tokiko Gobernu Batzarrak onartu egin du, gaur, udalaren eta Kutxabanken arteko hitzarmena, Dato kalearen eta Alaba Jeneralaren kalearen bidegurutzean dagoen eraikinari erabilera eman ahal izateko.
Hitzarmenean jasota geratzen da hiri-orubearen kalifikazioaren aldaketa, zeinek Indarrean dagoen Gasteizko Hiri Antolamenduko Plan Orokorrean hiri-lurzoru sailkapena eta administrazio ekipamendurako sailkapena baitu. Orubea eraikita dago eta eraikinak ez du erabilerarik Udalaren Ogasun Saila 2015eko udan San Martineko bulego berrietara aldatu zenetik.
Memorian jasotzen denez, administrazio ekipamenduetarako kalifikazio hori izanik, eraikina erabilerarik gabe egotera kondenatuta dago baina leku horretan etxebizitzak sustatzea bideragarri izan liteke. Hori dela eta, hitzarmenak zehaztu egin ditu bertan inguruko eraikinekin bat datorren egoitzetarako balioa izateko egin beharrekoak, aldez aurretik kalifikazio xehearen xedapen aldakuntza eginda.
Hirigintza-hitzarmenak eragin ekonomiko positiboa ekarriko dio udalari, % 15eko diru-sarrera, hirigintza aprobetxamenduaren igoeratik eratorritako gainbalioak komunitatearentzat berreskuratzearen kontzeptuan, eta udalaren txosten teknikoaren arabera, 976.964,56 eurokoa izango da.
“Gure helburua hauxe da: hiriaren erdialdearen protagonismoari eustea , herritar guztien gozamenerako leku gisa, bertako biztanleen ondare ez ezik hiriko bazter guztietako bisitarien ondare ere izan dadin. Ildo horretatik, egiten den edozein proposamen ebaluatu egin behar da, hirigintzaren esparruari dagokion “hiriaren” ikuspuntutik, hutsik dauden eraikinak birgaitzeko, hiri-egiturari eta eraikinei homogeneotasuna eta jarraitutasuna emanda” nabarmendu du Hirigintza zinegotzi Itziar Gonzalok. Izan ere, erabiltzen ez den eraikin hori berreskuratzea, kalifikazioa aldatu eta egoitzetakoa jarrita, Urtaranek Gasteizko erdigunean erabiltzen ez diren eraikinak birgaitu, hiriko espazioak berpiztu eta merkataritza- eta ostalaritza biziberritzeko den Erdigunerako Masterplanean aurreikusitako ekintzetako bat da.
Info +: www.vitoria-gasteiz.org/masterplana
Carlos Zapatero eta Estibaliz Canto zinegotziek gidatzen duten Hezkuntza Zerbitzuarekin koordinatuta, Tokiko Gobernu Batzarrak Giltec Arquitectos enpresari esleitu dizkio, Mantentze Zerbitzuak hala proposatuta, Zaramagako haur eskolan igogailua jartzeko lanak, 59.537,90 euroan.
Cantok adierazi duenez, “aspalditik hobekuntza lanik izan ez duten haur eskolak hobetzen hasi gara, eta hala egiten ari gara kirol instalazioetan ere. Gobernua buru belarri ari da helburu horretan, eta, horretaz gain, herritarrei eskaintzen diegun zerbitzua hobetzeko berri ona da.
Aurkeztu diren zazpi enpresen artetik Giltec Arquitextos Técnicos SL enpresari esleitu zaio lana, 59.537,90 euroan. Hasierako aurrekontua 82.979,67 eurokoa zenez, udalak 23.000 euro aurreztuko ditu aurreikusitakotik.
Lanak uztailean hastea aurreikusita dago eta 120 egun naturaleko epean gauzatuko dira.
Estibaliz Canto zinegotziak gidatzen duen Kultura, Hezkuntza eta Kirol Sailak proposaturik, Tokiko Gobernu Batzarrak Euskal Herriko Unibertsitatearekiko hitzarmena onetsi du, Cortada film laburren jaialdiaren XXI. ediziorako. 6000 euroko ekarpena egingo du, hau da 1000 euro gehiago aurreko aurrekontuen aldean.
Euskal Herriko Unibertsitateak antolatzen du Gasteizko Film Laburren jaialdiaren XXI. edizioa, Arabako campuseko Errektoreordetzaren bitartez, zein 2017ko azaroaren 28tik abenduaren 2ra bitartean egingo baita.
Gasteizen irudia zabaltzeko bide egokitzat jotzen du udalak ekitaldi hau hirian egitea, eta 6.000 euroko ekarpena egingo dio.
“Kulturaren aldeko apustu irmoa dugu, aurrekontuetan eta Kultura Plan Estrategikoaren garapen parte-hartzailean ahal izan den bezala, baina kulturaren arlo orokorraz gain, ikus-entzunezkoenen mundua ere bultzatu nahi dugu, eta hori da handitzen honen arrazoi” adierazi du Canto andreak
Gasteizko Udalak ia 200.000 euro inbertituko ditu hiriko hogei kale konpontzeko, abuztuaren 10etik 31ra bitartean. Ingurumenaren eta Espazio Publikoaren Sailak planifikatutako zenbait lan esleitu ditu Gobernu Batzarrak gaur goizean, hiriko hainbat kaletan zoladura sendotzeko. Yarritu enpresak egingo ditu lanak, bere eskaintzan 1.111 tm geruza extra eskainiz.
Lan hauek egingo dira: oraingo zoladura kendu, bigunguneetan aglomeratu beroko bi geruza bota, egoera txarrean dauden zintarriak eta pasaguneak konpondu eta seinale berriak jarri.
Orotara 5.413 metro koadrotan esku hartuko da. Zehazki, kale hauetan egingo dira lanak: Urriaren Hamabiaren kalea, Euskal Herria bulebarra (geltokiaren aurreko autobusentzako bidea), Elvira Zulueta kalea, Lasarteko atea, Zumakadi kalea, Pedro Asua kalea, Fontetxako Gazteluaren kalea, Manuel Iradier kalea, Frantzia kalea, Adriano VI.aren kalea, Florida kalea, Zadorra hiribidea, Askatasun kalea, Barratxi kalea, Nafarroako Errege-Erreginen kalea, Ramon y Cajal kalea, Oto hiribidea, Manuel Iradier kalea (Berpizkundearen plazaren aurrean), Arantzabela kalea, Valladolid kalea, Arriagako atea (Errege-Erregina Katolikoen kalearen eta Koroatzearen kalearen artean).
“Beti bezala, Andre Maria Zuriaren jaien ondoko astea baliatuko dugu hiriko kaleen egoera hobetzeko. Obra txikiak izan arren, bizilagunen bizi kalitatea hobetzeko baliogarriak dira oso”, azaldu du Gorka Urtaran alkateak.