Prentsa Oharren banner
Kategoriak: Deialdiak  —  Komunikazio Zerbitzua / Servicio de Comunicación  —  8 uztaila 2019 17:00

Prentsaurrekoa. 2019ko Andre Maria Zuriaren Jaiak aurkeztea

Parte hartzaileak. Vitoria-Gasteizko alkate Gorka Urtaran; eta Kultura eta Gizarte Etxeen zinegotzi Estibaliz Canto

Eguna. Asteartea, uztailak 9

Ordua. 10:00

Tokia. Udaletxeko prentsa aretoa

Share
Kategoriak: Prentsa oharrak  —  Etiketak: , , , ,   —  Komunikazio Zerbitzua / Servicio de Comunicación  —   11:39

Gorka Urtaranek eta Maider Etxebarriak helburu komuna dute: proiektuak batzea Gasteiz hiri erakargarriagoa eta bizi-kalitate handiagokoa izan dadin.

 Gorka Urtaran alkatearen adierazpenak

UDAL GOBERNUKO ORGANIGRAMA ARLOKA

Eusko Alderdi Jeltzaleak eta Euskadiko Alderdi Sozialistak agintaldi honetarako gobernu hitzarmena sinatu dute gaur. Akordioak pertsonak jartzen ditu gobernu-ekintzaren epizentroan. Alkate Gorka Urtaranek eta PSE-EEren bozeramaile Maider Etxebarriak poza agertu dute lortutako itunagatik, eta helburu komuna dutela azaldu dute: proiektuak batzea Gasteiz hiri erakargarriagoa eta bizi-kalitate handiagokoa izan dadin.

Bi alderdiek lortutako akordioak Gasteizko herritarren pluralitatea islatzen du. Testuak azpimarratzen du desberdinen arteko zeharkako akordioa dela, jomugan hiria eta pertsonak dituena. Orobat nabarmentzen du azken lau urteetan fideltasunean oinarrituz elkarrekin egindako lanak emaitzak izan dituela, eta herritarren bultzada jaso duela.

Horren ildotik, Araba Buru Batzarreko lehendakari José Antonio Susok poza adierazi du, akordioaren oinarria “bi alderdiek azken urteetan elkarrekin egindako bidea” baita, “hiriarentzat eta bertan bizi garenontzat proiektu komun bat gauzatzeko. Gaur hiri hobea dugu. Eta gasteiztarrek berretsi egin dute esperientzia positibo hori hautestontzietan”.. Arabako EAJko lehendakariak eskua luzatu die Gasteizko Udalean ordezkaritza duten gainerako alderdi politikoei, akordioa handitzeko. Elkarrizketa, negoziazioa eta akordioa izango dira gehien erabiltzen ditugun lanabesak, sustatzen jarraitu nahi dugun hiri baten mesedetan”, adierazi du.

Arabako PSE-EEren izenean, idazkari nagusi Cristina Gonzálezrk adierazi du…

Alkate Gorka Urtaranek nabarmendu du sinatutako agiriaren helburua dela Gasteiz superhiria izatea, erreferente europarra bizi-kalitateari, lehiakortasun ekonomikoari eta iraunkortasunari dagokienez. “Akordio honen arrakastaren bermea da hiriaren indarguneetan oinarritzen dela, eta batzeko helburua duela, proiektuak batzea, borondateak batzea”. Era berean, gobernu pluralen aldeko apustua berretsi du, sentsibilitate desberdinak barne hartzen baitituzte eta, beraz, erantzun hobeak eman baitiezazkiekete herritarren eskariei.

Urtaranek agintaldi honetan garatzekoak diren proiektuen garrantzia azpimarratu du, Gasteizko Agenda osatzen baitute, “Gasteiz eta gure etorkizuna muinean dituen agenda. Ez dugu ahaztu behar oso une garrantzitsua bizitzen ari garela, gure hiriaren bilakaera markatuko duten proiektu ugari baitugu”.

Lehen alkateorde eta PSE-EE taldearen bozeramaile Maider Etxebarriak adierazi duenez, “akordio honek sinesmen osoa dugun proiektu bat gidatzen du. Proiektu honen bidez, nahi duen guztia lor dezakeela pentsatu eta sentitu ahalko du Gasteizek, eta horren uste osoan bizi. Eta bi alderdik aurkezten dugun arren, irekia dago gurekin bat egin nahi dutenei. Batzea da baldintza bakarra. Horixe delako Gasteizerako nahi duguna: batuketak, eta ez kenketak. Batzea, gure asmoak errealitate bihurtzeko: hiri ahaltsua izatea, aukera gehiago, erakargarri gehiago eta bizi-kalitate hobea dituena”.

Etxebarriak erantsi du: “berriro erakutsi dugu gure ezadostasunen gainetik —logikoa dena— nahi eta interes bera dugula, Gasteiz hiri hobea bihurtzea. Hemen bizi diren pertsonek hazkunde pertsonal eta profesionalerako aukera berak izatea”.

Ituna sinatu duten alderdiek erronka hauek dituzte udal mailan: zerbitzu publikoak eta bizi-kalitatea mantentzea, segurtasuna, garbiketa, auzoetan eta industrialdeetan inbertsioak egitea, prestakuntza duala, kalitateko enplegua sortzea, abiadura handiaren etorrera eta integrazioa, bizikidetza, kultura integratzailea, eta partaidetza.

Horren haritik, gobernu akordioa sei ardatzetan egituratu da, bizi-kalitatetik eta kohesiotik hasita. Besteak beste, adinekoentzako zentro soziokultural berriak aurreikusi dira San Martin eta Judimendirako, Lakua-Arriagakoa handitzea, eta Santa Luzian beste bat sortzeko azterlana. Orobat, adinekoentzako udal bulegoa sortuko da eta haiei arreta emateko zerbitzu berriak, haur eta nerabeen bizi-kalitatea hobetuko da, Udalak eta Aldundiak arlo sozialean dituzten eskumenak berrantolatuko dira, Udaltzaingoaren Genero Indarkeriaren Atala eta Adingabeen Taldea sustatuko, eta gazteei etxebizitza lortzeko irtenbideak eskainiko zaizkie, besteak beste.

Konektagarritasunak eta mugikortasunak osatzen dute oinarrizko ardatzetako bat. Horren barruan sartzen dira abiadura handiaren etorrera eta lurpeko integrazioa, Forondako aireportua sendotzea, Jundizko plataforma intermodala garatzea, autobus elektriko adimentsua ezartzea, tranbia hedatzea, bide-segurtasuna areagotzea, eta super-etxadiak garatzea.

Ekonomia eta enpleguari dagokienez, neurri hauek nabarmentzen dira: Tokiko Garapenerako Agentzia eta Berrikuntza eta Enplegu Zentroa sortzea, administrazio izapideak arintzea, II. Tokiko Industria Plana, prestakuntza eta enplegu plan berriak, auzoetako azokak eta hutsik dauden merkataritza-aretoak biziberritzea, Turismoaren Plan Estrategikoa garatzea, eta Miñaoko parke teknologikoa udalerriko gainerako industrialdeekin lotzea.

Hiri berde eta iraunkorra izenburupean ekintza hauek sartu dira: Salburua-Zabalgana ekobulebarra egitea trenbidea lurperatzeak libre uzten dituen lurretan, auzoetako inbertsioak, Eraztun Berdea sendotu eta osatzea, eta udalerria osatzen duten 63 herrien landa-garapenaren aldeko apustua.

Gasteiz nortasun propioa duen, munduari irekita dagoen eta harrotasuna sortzen duen hiri gisa agertzeko, ekimen hauek bultzatuko dira, besteak beste: Gasteiz Convention Bureau sustatzea, Kultura Plan Estrategikoa garatzea, Senda ibilbidean entzunaretoa eraikitzea, Principal antzokia eraberritzea, Iradier Arena hobetzea, Mendizorrotzeko estadio berria eraikitzea, kirol instalazioak berritzeko plana, kirola eta ohitura osasungarriak sustatzea, Erdi Aroko hiriguneko inbertsioak, eta udalaren eraikinak eta instalazioak berritzeko eta onik zaintzeko plan gidaria.

Azkenik, kudeaketa arduratsu, eraginkor, hurbil eta gardenaren aldeko apustuak konpromiso hauek barne hartzen ditu: Mejorando Vitoria-Gasteiz hobetuz eta Herritartasunerako Eskola Irekia programak hobetzea, Herritarren Partaidetzaren Plan berria, agintaldirako plan estrategikoaren kontu ematen jarraitzea, gardentasuna areagotzea, eta datu irekien programa herritarren esku jartzen jarraitzea.

 

 

 

 

 

 

 

Share