Prentsa Oharren banner
Kategoriak: Prentsa oharrak  —  Komunikazio Zerbitzua / Servicio de Comunicación  —  13 uztaila 2019 10:00

Hondakinen Kudeaketaren Zerbitzuak sendotu egingo ditu uztailean  zenbait garbiketa-zerbitzu, helburua delarik “sasoi honek berezko dituen zenbait beharri berebiziko garrantzia emanez eta eraginkortasunez erantzuteko, eta sasoian ohiko diren egoerei aurre hartzeko, esaterako ekaitzen eraginei eta txorkoetan landaretza hazteari. Langile eta ekipazioekin sendotuko dugu egunotan gure jarduna, eta, horrez gain, hiria Andre Maria Zuriaren jaietarako prestatzeko egiten ditugun garbiketa saio bereziak ere egingo ditugu”, azaldu du Ingurumen Plangintza eta Kudeaketaren zinegotzi César Fernández de Landak.

Zehatzago esanda, egun hauetan Udalak indartu egingo du estolda-zuloen garbiketa, hartara uztailean ohiko diren ekaitzei aurre hartuaz. Zerbitzu hori sendotu egingo da, arratsaldeko txandan, xurgatze- eta bulkatze-ibilgailu bat, gidari batez eta peoi batez osaturiko lantalde berri batekin, arratsaldez astelehenetik ostiralera, eta goizez larunbatetan, ohiko bi lantaldeei batuko zaiena.

Bestalde, goizeko eta arratsaldeko bina talderekin (astelehenetik ostiralera) sendotuko da, hiriko txorkoak osasungarritasun eta txukuntasun egoera onean izateko. Sendotze-talde horiek ohiko lantaldeei batu zaizkie. Udaberriaren ostean beharrezkoa izaten da halako sendotze-saioa egitea, landare horiek mozteko etengabeko lanak gorabehera.

Egunotan sendotuko den beste garbiketa-zerbitzuetako bat etxetresnak eta tamaina handiko objektuak biltzekoa da, goiz eta arratsaldeko lantalde bana gehituko baitzaio astelehenetik ostiralera, eta beste bat larunbat gauetan. Ohikoan, hiru lantalde aritzen dira zeregin horretan. Ildo horretatik, zinegotziak garbiketa-zentzuak arduraz erabiltzeko eskatu du. “Gomendatzen da ez etxetresnak eta tamaina handiko objekturik uztea hondakinak biltzeko ohiko edukiontzietan, ez eta haien ondoan lurrean ere, hartara ezin baitira birziklatu. Ingurumenarekin, segurtasunarekin eta osasunarekin konpromisoa duen hiri batean bizi gara”, azpimarratu du César Fernández de Landak. Zinegotziak gogorarazi du hiriak etxeko tresnak eta tamaina handiko gauzak jasotzeko doako zerbitzua duela, 945 28 65 00 telefonora deituta balia daitekeena, astelehenetik larunbatera bitartean. Horrez gain, hiriak baditu baita bi garbigune, Oto hiribidean eta Gardelegin.

Share