Prentsa Oharren banner
Kategoriak: Deialdiak  —  Komunikazio Zerbitzua / Servicio de Comunicación  —  29 uztaila 2019 17:00

– Andre Maria Zuriaren jaietarako garbiketa antolaketa bereziaren aurkezpena.

Parte-hartzaileak: Ingurumen Plangintza eta Kudeaketaren zinegotzi César Fernández de Landa, Hondakinen Kudeaketaren Zerbitzuko buru Joseba Sánchez, eta Egibideko ingurumen arduradun Eduardo Ochoa de Aspuru.

Eguna: uztailak 30, asteartea.

Ordua: 10.00.

Lekua: Urrezko Zeledonen plaza, kazetari grafikoentzat; ondoren, prentsaurrekoa, udaletxeko prentsa-aretoan.

—————————————————-

– Nazioarteko Antzerki Jaialdiaren programazioaren aurkezpena.

Parte-hartzaileak: Kultura zinegotzi Estibaliz Canto, eta Eusko Jaurlaritzako Kultura Sustatzeko zuzendari Aitziber Atorrasagasti.

Eguna: uztailak 30, asteartea.

Ordua: 11.00.

Lekua: udaletxeko prentsa aretoa.

————————————————————–

– Fundación Laboral San Prudencio fundazioaren Familia sarien banaketa.

Parte-hartzailea: Gasteizko alkatea, Gorka Urtaran.

Eguna: uztailak 30, asteartea.

Ordua: 18.00.

Lekua:  Mendizabala (Circo Italiano)

 

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —   14:44

 

 

 

 

 

 

 Salvador eta Peru kaleek itxura modernoago, funtzionalago eta erosoagoa dute orain. Izan ere, Udalaren Mugikortasunaren eta Espazio Publikoaren Sailak milioi bat euro baino gehiago inbertitu du Pilar auzoko kale horiek eraberritzeko. Gasteizko alkate Gorka Urtaran eta Mugikortasunaren eta Espazio Publikoaren zinegotzi Amaia Barredo bertan izan dira gaur goizean. Udal ordezkariekin batera, inguruko bizilagunek eman diote oniritzia obrari, diseinatzen lagundu baitzuten.

 

 

 

 

 

 

 

 

 

 

 

 

 

 

Gasteizko alkateak Salvador eta Peru kale berrituen itxura “erakargarri eta modernoagoa” nabarmendu du. “Espazio publikoa hobetzen ari gara, oinezko eta txirrindularientzat erosoagoa izan dadin, Mugikortasunaren eta Espazio Publikoaren Planak ezarritakoaren ildotik. Bertan bizi direnen zein lan egiten dutenen eskutik hobetu ere. Lanean jarraitu nahi dugu mugikortasun iraunkorraren alorrean Europako erreferente bihurtuko den superhiria izateko”, azpimarratu du.

 

 

 

 

 

 

 

Salvador kaleko esku-hartzeari buruzko informazioa

 

Peru kaleko esku-hartzeari buruzko informazioa

 

Share
Kategoriak: Udaltzaingoaren eta suhiltzaileen jakinarazpenak  —  Etiketak:   —  Komunikazio Zerbitzua / Servicio de Comunicación  —   14:24

Udaltzaingoaren Agenteek 33 urteko emakume bat atxilotu zuten atzo, etxe-indarkeriaren delitu baten ustezko egile gisa, bere bikotekidea jo eta labana batez mehatxatzeagatik.

Haur bat besotan zeraman gizonezko batek patruila bati eskatu zion Vicente Goicoechea kalera joan zedila, eta azaldu zien eztabaida bat eduki zuela etxean bere bikotekidearekin, hain zuzen ere, semearen amarekin. Kontatutakoaren arabera, emakumea bere gainera oldartu zen, harramazkak egin zizkion eta sukaldeko aizto batez mehatxatu ere egin zuen; eta horrexegatik, haurra hartu eta etxetik alde egin zuen.

Beste patruila batek emakumearekin hitz egin zuen, eta bi aldeei entzun ondoren, eta biktimak zeuzkan markak ikusirik, udaltzainek atxilotu egin zuten ustezko erasotzailea, eta gaur goizean epailearen esku geratu da.

Udaltzaingoaren agenteek 36 urteko gizonezko bat atxilotu zuten larunbatean, indarkeriaz eta larderiaz egindako lapurreta-delitu baten ustezko egile gisa.

Armentiagana kaleko ibilgailuen tailer batean gertatu zen; langile batek ikusi zuen nola zabaldu zuen auto baten atea, konpondua izateko bertaraino eramana, eta nola hartzen zuen barrutik jabearen poltsa.

Lapurra ihesi atera zen, baina eskainitako deskribapenari esker, inguruko merkataritza-zentro batean topatu eta atxilotu egin zuten.

Genero-indarkeria

Udaltzaingoaren Agenteek joan den ostegunean 62 urteko gizonezko bat atxilotu zuten, genero-indarkeriaren delitu baten ustezko egile gisa, Zabalgana auzoko ostalaritza-establezimendu batean bere bikotekidea jotzeagatik. Biktimak eta lekukoek udaltzainei adierazi zieten eztabaida horretan gizonezkoak masaileko bat eman ziola emakumeari eta lurrera bota zuela. Erasotzailea bere etxean atxilotu zuten eta epailearen esku utzi zuten gero.

Udaltzaingoaren agenteek 42 eta 59 urteko beste bi gizonezko atxilotu zituzten, errekisitoria judizial bana zutelako. Lehena ostiralean atxilotu zuten Florida kalean, bilatzeko, atxilotzeko eta presondegian sartzeko errekisitoria bat baitzeukan gainean.

Bigarrena Dato kalean zegoen, txakur kume jaio berri batzuekin. Patruila bat bertara joan zen eta haren dokumentazioa aztertzen ari zirela, ikusi zuten Zaragozako Epaitegi batek emandako atxilotze-agindua zuela beraren gainean, eta horren ondorioz, udaltzainek agindu hori bete egin zuten.

Hamabi pertsona zauritu dira istripuetan

Guztira hamabi pertsona zauritu dira joan den asteazkenaz geroztik Udaltzaingoak esku hartu behar izan duen 53 trafiko-istripuetan.

Denbora-epe horretan, bost gidari ikertu dituzte segurtasunaren aurkako delituengatik: lau alkoholaren eraginpean gidatzeagatik eta beste bat gida-baimenik gabe gidatzeagatik.

Uztailaren 24az geroztik, Udaltzaingoak alkoholemiaren prebentziorako hamabost kontrol egin ditu hirian, eta horietan, 300 gidarik baino gehixeagok egin behar izan dituzte nahitaezko probak. Horietatik hamar batek emaitza positiboa eman dute eta administrazio-bidetik salaketa jarri zaie.

Bi autok su hartu dute

Bi autotan piztutako sutean esku hartu zuten atzo suhiltzaileek: lehena N-102 errepidean izan zen, eta gidariak berak itzali zuen, baina suhiltzaileen taldeak autoa berrikusi eta bateria deskonektatu zuen, eta bigarrena Iruña Veleia kalean izan zen, eta bertara joandako suhiltzaileek uraz itzali zuten.

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —   12:56

 

Udalak Olarizuko etxaldean ere eskaintzen du bizikleta-mailegua, 2017az geroztik

Urrira arte iraungo du esperientzia pilotuak

 

 

 

Gasteizko Udalak ‘Bizileku’ inauguratu du gaur, turistei bizikletak mailegatzeko zerbitzu berria, zeina garai batean ‘Txoroleku’ zeneko lekuan kokatu baita, Florida parkean. Capital Bikes enpresari esleitu zitzaion Ingurugiro Gaietarako Ikastegiak (IGI) sustatutako zerbitzu hori emateko kontratua; enpresa berak kudeatzen du bizikleta-mailegua Olarizuko etxaldean 2017az geroztik. Proba pilotua izango da: udako hilabeteetan egongo da martxan zerbitzua, urrira arte.

Instalazioetako batera iristen direnei aukera emango zaie bisita gidatuak egiteko Eraztun Berdean eta udalerriko hiri inguruko parkeetan, eta beste natur ingurune batzuk ezagutzekoa, hala nola Olarizuko lorategi botanikoa, hirigune historikoa, Estibaliz… Lautadarako irteerak ere eskainiko dira, bide berdeen erabilera sustatzearren.

Mugikortasunaren eta Espazio Publikoaren zinegotzi Amaia Barredok alokairu eskaintza horrek azken udetan izan duen erantzun ona azpimarratu du, baita ‘Bizileku’ deritzonaren kokapen estrategikoa ere. “Turismoa egiteko bizikletaz ibiltzea iraunkorra eta osasungarria da. Areago gurea bezalako hiri batean, 160 kilometro bidegorri baino gehiago baitu”, azaldu du. “Baliabide berri honekin, natura, kirola eta turismoa elkartzen ditugu. Eta interesgune berria, erakargarri berria dugu hirigune berdearen erdian, Florida parkean“.

Udalarekin sinatutako kontratuaren arabera, Capital Bikes enpresak 25 bizikleta eduki beharko ditu une oro Olarizuko etxaldearen eta ‘Bizileku’-ren artean banatuta. Azken leku horretan, ‘Bizileku’-n, Capital Bikes-ek 2 bizikleta elektriko, 10 bizikleta arrunt eta tandem bat izango ditu hasteko.

Prezioak —arrazoizkoak— Udalak ezarri ditu, eta esteka honetan kontsultatu daitezke. Alokairuaren barruan sartzen dira hiriaren mapa, erantzukizun zibileko asegurua, giltzarrapoa, txaleko islatzailea eta laguntza mekanikoa. Irekiera orduak, bestalde, hemen kontsultatu daitezke.

Share
Kategoriak: Fotonotizia  —  Etiketak: ,   —  Komunikazio Zerbitzua / Servicio de Comunicación  —   12:40

 

Andre Maria Zuriaren Pilota Feria aurkeztu da gaur goizean. Gasteizen izango da XXVII Andre Maria Zuriaren Pilota Txapelketa , abuztuaren 5, 6 eta 9 egunetan.

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —   12:16

 

Behatokiak bi funtzio nagusi izango ditu: hiriko elkarbizitzaren inguruko txostenak egitea eta, gizarte-bitartekaritza komunitarioaren bidez, gatazkak konpontzea.

 

Gizagune fundazioak kudeatuko du Bizikidetzaren Behatoki berria datozen bi urteetan. Tokiko Gobernu Batzarrak gaur onetsi du Bizikidetzaren Behatokirako idazkaritza teknikoaren kontratua enpresa horri esleitzea, 130.000 euroan (BEZa barne); gauzatzeko epea 24 hilekoa da. Gastua honako partida hauei egotziko zaie: 2019. urtea: 45.496 euro; 2020. urtea: 65.037,50 euro; 2021. urtea: 19.466,50 euro.

2018-2020 aldirako Bizikidetza eta Aniztasun Planean Gasteiz elkarbizitza-hiri bihurtzeko ahaleginak, metodologiak eta baliabideak bateratzeko hainbat neurri jasotzen dira. Besteak beste, behatokia sortzea ezartzen zuen planak.

Idazkaritza tekniko hori kontratatzeak Gasteizen Bizikidetzaren Behatokia martxan jartzea ahalbidetuko du. Hirian elkarbizitza nolakoa den jakiteko etengabeko tresna izango da eta, hartara, komunitate-garapenerako ekintzak eta proiektuak diseinatu, proposatu, sustatu eta gauzatu ahalko dira. Behatokiak bi funtzio nagusi izango ditu: hiriko elkarbizitza-errealitatearen inguruko txostenak egitea eta, gizarte-bitartekaritza komunitarioaren bidez, gatazkak konpontzea.

 Aniztasunari dagokionean, elkar ulertzea eta elkarrekiko onarpena, biktimekiko eta giza eskubideekiko begirunea, eta askatasunaren eta gizon eta emakumeen arteko berdintasuna bultzatzen dituen diskurtso ofiziala darabilgu. Alor horretan badira dagoeneko Udalaren ekintza planak, eta, horiei esker, jarritako helburuetarantz aurrerapausoak emateko tresna erabilgarriak ditugu eskura. Aurrerapena nabarmena den arren, horrek ez du bermatzen gure hirian inolako gatazkarik ez egotea.  Gaur egun, badira oraindik bakearen kulturaren aurkako adierazpenak: biktimen duintasunaren, aniztasunaren, gizon eta emakumeen arteko berdintasunaren eta sexu-askatasunaren kontrakoak, eta, oro har, giza eskubideen aurkakoak.  Beraz, lanean jarraitu behar dugu alor horretan. Epe luzerako lana da”, nabarmendu du Bizikidetza eta Aniztasunaren zinegotzi Miren Fernández de Landak.

 

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —   12:11

Gasteizek Hazinnova ekimenari lagunduko dio, enpresen berrikuntza sustatzen baitu lehiakortasuna eta garapena hobetzeko tresna gisa.

Ekonomia Sustapenaren, Enpleguaren, Merkataritzaren eta Turismoaren Udal Sailak proposaturik, Tokiko Gobernu Batzarrak Innobasque-Berrikuntzaren Euskal Agentziarekiko hitzarmena sinatzea onetsi du gaur, zerbitzu horrekin lankidetzan aritzeko, “profil berritzaile baxuko enpresa txiki eta ertainei sostengu ematen baitie. Helburua da antolakuntza, marketin eta merkaturatzearen alorretan berritzeko aukera izan dezaten”, azaldu du arloko zinegotzi ordezkari Maider Etxebarriak.

Udala 2007tik da Innobasque-ko kide; “Hazinnova eragile sarea” izenekoan hamabi hilabetez parte hartuko duen talde teknikoa jarriko du, zeina berrikuntzarako proiektuak bilatzeaz arduratuko baita.

Etxebarriaren ustez, “Hazinnovak laguntza handia emango die enpresa txikiei berrikuntzarako irtenbideak identifikatu eta garatzeko garaian, zeinak lagungarri izango baitira lanaren antolakuntza eta haien produktu eta zerbitzuen merkaturatzea hobetzeko”.

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —   11:58

Partaidetza Zerbitzuak proposaturik —Borja Rodríguez zinegotzia da haren buru—, Tokiko Gobernu Batzarrak deialdi publikoa eta oinarriak onetsi ditu Simone de Beauvoir, Rogelia de Álvaro eta Itziar elkarteen etxeetako udal aretoak egoitza gisa erabiltzen uzteko baimena emateko eta armairutxoak esleitzeko.

Gasteizko Udalak Simone de Beauvoir elkarteen etxean, Rogelia de Álvaro elkarteen etxean eta Itziar elkarteen etxean dituen lokalak jabari publikoko ondasunak dira. Herritarren Partaidetzaren Zerbitzuaren bitartez, eta deialdi publikoa eginez, lokal eta ekipamendu horiek irabazte-xederik ez duten eta helburutzat gizarte, kultura eta hezkuntza sustapena duten entitateen esku jartzen ditu, udalerriaren interes orokorreko programa eta jarduerak gara ditzaten, erabiltzeko baimenaren figura juridikoa baliatuz.

Herritarren parte hartzea, banaka edo taldeen bitartez, funtsezkoa da gizarte demokratikoagoa eta parte-hartzaileagoa eraikitzeko prozesuan, eta ezinbestekoa gizartearen aurrerabiderako“, adierazi du Rodríguezek.

Baimenak bi urteko iraupena izango du, eta beste bi urtez luzatu ahalko da.

Share
Kategoriak: Prentsa oharrak  —  Etiketak:   —  Komunikazio Zerbitzua / Servicio de Comunicación  —   11:54

Udaberria elkartearekiko eta  EHUren Udako Ikastaroen Fundazioarekiko hitzarmenak ere onetsi ditu

Hezkuntza Zerbitzuak proposaturik, ikasteko zailtasunak dituzten haurrei  laguntzeko 2019-2020 ikasturterako deialdia eta oinarriak onetsi ditu Tokiko Gobernu Batzarrak; 161.171 euro dira orotara.

Udalak beharrezkotzat jotzen du ikasteko arazoak dituzten ikasleei laguntza psikopedagogikoa ematea, Hezkuntza Zerbitzuaren bitartez, ume horien testuinguruak dituen balizko gabezien eragina hezkuntzaren bidez konpentsatzearren.

Diru-laguntzaren bidez, laguntza psikopedagogikoa jasoko da  ikastetxeek proposatutako Gasteizko kabinete psikopedagogikoetan saioak egiteko.

Hitzarmenak

Aipatutako zerbitzuak proposatutako bi hitzarmen ere onetsi ditu Tokiko Batzarrak. Lehena, Euskal Herriko Unibertsitateko Udako Ikastaroen Fundazioarekin,  nazioarteko zuzenbideari eta nazioarteko harremanei buruzko 2019ko ikastaroak egiteko, 30.000 euroan.

Bigarrena, Udaberria elkartearekin, dibertsitate funtzionala duten pertsonei zuzendutako musika-programa gauzatzeko, 7.000 euroan.

Share
Kategoriak: Prentsa oharrak  —  Etiketak:   —  Komunikazio Zerbitzua / Servicio de Comunicación  —   11:48

Tokiko Gobernu Batzarrak Afrikan eta Hego Amerikan ur eta saneamendu azpiegituren alorreko lau proiektutarako 619.316 euroko dirulaguntza ematea onetsi du gaur.

Udalak eta AMVISAk jarriko dute Garapenean Laguntzeko Zerbitzuak kudeatzen duen laguntza ekonomiko hori, zerbitzuaren urteroko dirulaguntza deialdiaren barruan —ur eta saneamendu atalean—; aurten 9 proposamen aurkeztu dira.

Hona hemen aukeratutako lau proiektuak:

SERSO San Viator Euskalherria.

Proiektua: edateko ura, Jutiapako 6 landa komunitatetan (Honduras). Dirulaguntza: 156.684,68 €

Edateko ura eskuratzea, Jutiapa udalerriko 6 landa komunitate urez hornitzen duen mikroarroa erabili eta babestea; 1.434 pertsonari (700 emakume eta 734 gizon) ekarriko die onura.

Manuel Iradier elkarte afrikanista.

Proiektua: edateko urez hornitzeko sarea Léréyél inguruan (Senegal).

Dirulaguntza: 149.262,77 €

Bost herritan edateko urez hornitzeko sistema gauzatzea da proiektuaren helburua. Populazio potentzialki onuraduna 1.037 pertsona ingurukoa da.

Nazioarteko Elkartasuna / Solidaridad Internacional.

Proiektua: edateko ura izateko giza eskubidea Diarin (Ginea).

Dirulaguntza:         156.683,72 €

Diari erdialdeko 2.776 pertsonak (% 53 emakumeak eta % 47 gizonak) ura eta saneamendua ekitatez eskuratu ditzaten bermatzea da proiektuaren helburua. Horretarako, alderdi hauek landuko dira: edateko urez hornitzeko eta saneamendurako sistema bat egokitzea, emakumeen eskaerei erantzuten diena; uraren eta saneamenduaren kudeaketa ekitatiboa, eta ura eskuratzeko giza eskubideari, saneamenduaren sustapenari eta genero berdintasunari buruzko zabalkunde estrategia bat.

Arabako Medicus Mundi.

Proiektua: ura eskuratzeko eskubidea, saneamendua eta ekitatea, Chotan (Peru). Diru-laguntza: 156.684,68 €

La Quinua eta Alto Condorpullana herrietako (Chota barrutia, Caja-marca) 530 biztanleak (246 emakume eta 284 gizon, 111 familia-unitate) ura eta saneamendua eskuratzeko giza eskubideaz baliatu ahal izatea da proiektuaren helburua, bertako gobernuarekin eta osasun arloarekin koordinatuta. Erabilera partikularrerako eta etxerako edateko ura eskuratuko dute, saneamendu osasungarria izango dute, komun ekologiko lehorrak erabiliz, eta ingurumena zainduko da, uraren iturriak babestuz.

Share

Aurrekoak »