Prentsa Oharren banner

Udalak Etxezarra Etxearen espazio zabal bat Euskaltzaindiari utziko dio eraikin hau Arabako Euskaltzaindiaren egoitza izan dadin

Gasteizko Udalak Etxezarra Etxearen espazio zabal bat Euskaltzaindiari utziko dio. Euskaltzaindiak eraikin hori erabiliko du Arabako egoitza gisa 2021etik aurrera. Tokiko Gobernu Batzarrak gaur goizean onartu du Euskaltzaindiak bere lana egin eta hizkuntza zabaltzeko jarduerak eskaini ahal izateko gunea ematea. Lagapenak 25 urteko iraupena izango du eta doakoa izango da.

Euskaltzaindiak bere gain hartuko ditu gastu hauek: hornigaiak, altzarien hornidura, garbiketa, mantentze guztia, zergak eta higiezina zergapetzen duten beste gastu batzuk…

Udalak eta Euskaltzaindiak denbora zeramaten erakunde honentzat kokapen on bat aurkitzeko lanean. “Eta etxe hau, zalantzarik gabe, espazio ezin hobea da”, azaldu du gaur goizean Gorka Urtaran alkateak.

Espazioak 340 metro karratu erabilgarri ditu goiko solairuan (behealdean jatetxea dago). Espazio gardena izango da, hainbat eduki izango dituena: lanerako gune bat eta erabilera anitzeko bigarren gune bat (hitzaldiak, hedapen-jarduerak).

“Euskal hiriburua gara eta euskararen hiriburua izan behar dugu. Alde horretatik, Euskaltzaindiak egoitza duina izatea garrantzitsua da. Akordio hau beste erakunde batekin harreman ona izatearen emaitza da. Eraikina Euskaltzaindiari utziz bi gauza lortzen ditugu: batetik, orain arte hutsik zegoen eraikinari erabilera ematea, edukiz betez; eta, bestetik, euskara sustatzeko eta zabaltzeko jarduerak bultzatzea”, azaldu du Gorka Urtaran alkateak.
Datozen asteetan hitzarmen publiko bat sinatuko dute Udalak eta Euskaltzaindiak, eta bertan, egoitza berriaren inguruko xehetasun gehiago emango dituzte.

Share