Prentsa Oharren banner

Elkartasuna Saharako biztanleriarekin eta Fronte Polisarioarekin Mendebaldeko Saharako su-etenaren amaieraren aurrean

Gasteizko Udaleko Bozeramaileen batzordeak, EAJ-PNV, EH Bildu, PP eta Elkarrekin taldeen aldeko botoekin, saharar herriaren eta Fronte Polisiarioarekin bere elkartasuna adierazi du Mendebaldeko Saharako su-etenaren amaieraren aurrean.

 

Adierazpen batean, sinatzaileek Marokoko Erresumari egotzi diote 1991tik gaur arteko egonkortasunaren erantzunkizuna, eta MINURSOri eta Nazio Batuei eskatu diete eremuan segurtasuna eta baita sahararren giza eskubideen zaintza berma dezatela; eta autodeterminazio-erreferendumaren bidez Mendebaldeko Saharako gatazkaren konponbide bidezkoa eta behin betikoa sustatu dezatela.

 

Era berean, Espainiako gobernuari Mendebaldeko Sahara ‘de iure’ administratzen duen potentzia gisa duen erantzukizuna bere gain har dezala exijitzen diote, eta horren arabera jokatu dezala, autordeterminazio-erreferendumaren antolaketan eta Saharako biztanleria zibilaren babesean parte aktiboa izanik.

 

Gainera, Sahara Euskadi Mugimenduak eta Frente Polisarioaren Ordezkaritzak Saharako Errepublika Arabiar Demokratikoa babesteko deitzen duten mobilizazioetan parte hartzera gonbidatzen dituzte herritarrak.

Share

Prentsa-deialdiak (2020-11-19)

Prentsaurrekoa. Haurren Eskubideen Nazioarteko Eguna

Parte hartzaileak. Gizarte Politikak, Adinekoak eta Haurrak Arloko zinegotzi Jon Armentia

Eguna. Osteguna, azaroak 19

Ordua. 11:00

Tokia. Udaletxeko prentsa aretoa

——————————–

Prentsaurrekoa. ‘Florida, 200 urte’ liburua aurkeztea

Parte hartzaileak. Mugikortasunaren eta Espazio Publikoaren zinegotzi Raimundo Ruiz de Escudero; Kultura eta Kirol diputatu Ana del Val; eta Mario Saenz de Buruaga, liburuaren egilea

Eguna. Osteguna, azaroak 19

Ordua. 11:30

Tokia. Udaletxeko prentsa aretoa

Share

Udala indarkeria matxista ikusarazten eta testuinguruan jartzen saiatuko da, hitzaldiak, musika eta zineforum bat baliatuz

Azaroaren 25ean morez argiztatuko dira udaletxeko fatxada, Florida parkeko kioskoa eta Arkupeak, Emakumeei zuzendutako Indarkeriaren kontrako Nazioarteko Eguna dela eta

 

Emakumeei zuzendutako Indarkeriaren kontrako Nazioarteko Eguna dela eta, Udalak zenbait ekintza prestatu ditu Gasteizko herritarrei indarkeria matxista ikusarazteko eta hori testuinguruan jartzeko: kontzertuak, hitzaldiak, lantegiak eta zineforum bat. Horretaz gain, eta urtero bezala, morez argiztatuko dira udaletxeko fatxada, Florida parkeko kioskoa eta Arkupeak.

Osasun krisialdiak ere izango du oihartzunik aurtengo azaroaren 25ean. Izan ere, “etxeetan, lanlekuetan, bizitzeko espazioetan indarkeriari buru egin behar dieten emakume eta neskei erreparatu” nahi die Udalak. “Gizartearen aitorpen eta elkartasun osoa merezi dute. Krisialdiak ongarri ezin hobea dira indarkeria matxista ugaritzeko. Itxialdiak, mugimendu murrizketek eta harremanen mugatzeak agerian utzi dute indarkeria matxista jasaten duten emakumeen muturreko ahuldadea, gordintasun osoan. Errealitate mingarri horrek erantzukizuna eskatzen digu gizarte gisa, eta horrelakorik gerta ez dadin lan egiten eta mobilizatzen jarraitzera behartzen gaitu“, nabarmendu du Berdintasun zinegotzi Miren Fernández de Landak.

Antolatutako ekintzetan parte hartzeaz gain, puntu morea deskargatzera eta egun hauetan zabaltzera gonbidatzen gaitu Udalak, sinbolo horrek emakumeen aurkako indarkeriaren arbuioa adierazten baitu.

Orobat, zinegotziak gogorarazi du martxan jarraitzen duela indarkeria matxista prebenitzeko “Libre Izan Nonahi” estrategiak, indarkeria matxistari eta horren oinarrian dagoen balio eta sinesmenen sistemari aurre egin ahal izateko.

 

 

 

 

 

Share

Gaitasun digitaletan prestatzeko programa bat jarri du martxan Udalak

 

Hiriko hamar ikastetxetako 200 pertsona inguruk hartuko dute parte

Gaitasun digitaletan prestatzeko programa bat jarri du martxan udalak, unibertsitateaz kanpoko ikasleen familiei zuzenduta. Udal gobernuak Elkarrekin-Podemosekin adostutako aurrekontu-akordioak ahalbidetu du ekimena.

 “Hainbat prestakuntza modulu prestatu ditugu antzemandako edo planteatutako premien arabera, eta ikastetxeetako irakasle eta zuzendariekin aritu gara elkarlanean. Modulu horien bitartez, geldiarazi egin nahi dugu hezkuntza arloko eten digitala, nabarmenagoa bihurtu baita covid-19ak sortutako krisi soziosanitario honetan. Azaroaren 9an hasi da programa, eta hiriko 10 ikastetxetako 200 lagun inguru ari da parte hartzen. Lehenetsi egin dira familiek seme-alaben heziketan parte hartzea zailtzen duten inguruabar bereziak biltzen dituzten zentroak. Edizio honetan, ikastetxe guztiak sare publikokoak dira” adierazi du Hezkuntza eta Kultura zinegotzi Estibaliz Cantok programa aurkezteko prentsaurrekoan.

Bestalde, Elkarrekin Vitoria-Gasteizeko zinegotzi Gema Zubiaurrek gaineratu du “Elkarrekin taldean oso positibotzat jotzen dugu aurrekontu akordioaren emaitza den proiektu hau, pandemiak larritutako eten digitala desagerrarazteko benetako konponbideak jartzen dituelako mahai gainean. Akordio honi esker, unibertsitatez kanpoko ikasketak egiten ari diren haur eta nerabeen gurasoek gaitasun digitalak eskuratu ahalko dituzte, seme-alaben hezkuntzan parte hartu ahal izateko. Adituek ohartarazi dutenez, korrelazioa dago ahultasun-egoeran dauden familien eta gaitasun digital eskasagoa duten familien artean, eta hori da horrelako programa baten beharra planteatzearen arrazoietako bat, funtsezkoa iruditzen baitzaigu eten digital hori murrizten joateko”.

Lantegi hauei esker, “Oinarrizko alfabetatze digitala”, “Posta elektronikoaren kontuaren erabilera”, “Egunerokotasunerako tresnak” eta “Google classroom” arloetan presta daitezke gurasoak.

Hezkuntza Zerbitzuak Sartu Álava elkartearen laguntza du ekimen honetarako, eta bera arduratzen da familiei prestakuntza emateaz. Erakunde honek, Saregune proiektuaren bitartez, nahikoa instalazio eta ekipamendu informatiko du jarduera bere lokaletan emateko, baldin eta hiriko ikastetxeetako osasun-araudiak eskola-guneetan prestatzeko aukerarik ematen ez badu.

Taldeetan hamar pertsona izango dira gehienez, ahal dela ikastetxe berekoak, eta hainbat prestakuntza-saio egingo dituzte astean zehar, une oro ezarritako osasun-araudira egokituta.

Ekimen hau Hezkuntza Zerbitzuak 2020-2021 eta 2021-2022 ikasturteetan zehar garatzen duen proiektu baten baitakoa da, zeinek hezkuntzan ekitatea lortzea baitu xede. Hauexek ditu ekintza adierazgarrienetako batzuk:

  • Guraso elkarteak bideratzea eta dinamizatzea, horiekin lankidetzan aritzeko eta zailtasun handienak dituzten eskoletan elkarteak eratzen laguntzeko.
  • Guraso elkarteen eta hezkuntzako beste eragile batzuen jardunbide egokiak aztertzea, ezagutza, transferentzia eta aintzatespena lortzeko.
  • Hezkuntzan familien partaidetza sustatzeko kanpaina, izan ere funtsezkoa da hezkuntzaren kalitatea bermatzeko eta hezkuntza hobetzeko.

Horiek guztiak Gasteiz hiri hezitzailearen jardueretan sartuta daude.

 

 

 

 

 

 

Share

Trafiko etenak azaroaren 23tik aurrera, Arkupeen eta Biktimen Oroimenezko Zentroaren ingurunea eraberritzeko lanen azken fasea dela eta

Gernikako Estatutuaren kalea, Mateo Moraza kalea eta San Frantzisko kalea asfaltatuko ditu udalak egunotan.

 

Arkupeen inguruko lanak

Arkupeen eta Biktimen Oroimenezko Zentroaren inguruneko obrak azken txanpan sartu dira. Testuinguru horretan, azaroaren 23tik 27ra bitartean Gernikako Estatutuaren kalea, Mateo Moraza kalea eta San Frantzisko kalea asfaltatuko dira. Lan horiek direla eta, trafikorako itxi beharko dira kale horiek. Lanek eragina izango dute zamalanetan, baita jarduera-eremuaren barruan edo inguruan dauden garaje eta aparkalekuetan ere. Horien eragina ahalik eta txikiena izan dadin, aldi horretan aldatu egingo da zirkulazioa aipatutako eremutik hurbil dauden kaleetan, eskema honen arabera:

Prado kalea (Cadena y Eletatik Loma Jeneralaren plazaraino):

Zirkulazioaren noranzko bikoitza.

Bakarrik auzokoak sartu ahalko dira, edo zamalanetarako.

 

Mateo Moraza kalea:

Leku bakarretik egingo dira sartu-irtenak,

Andre Maria Zuriaren plazatik.

Zirkulazioaren noranzko bikoitza.

Zamalanetarako bakarrik sartu ahalko da.

 

Zapatari, Errementari eta Diputazio kaleak:

Andre Maria Zuriaren plazan barrena Hedegile kalera atera ahalko da.

 

Olagibel kalea (Agirre Lehendakariaren kaletik Foru kalera):

Zirkulazioaren noranzko bikoitza.

Bakarrik auzokoak sartu ahalko dira, edo zamalanetarako.

 

San Bizente aldapa:

Itxita

Zamalanak Aiztogile kaletik eta Frai Zacarias Martinez kaletik egingo dira.

 

San Frantzisko aldapa:

Itxita egongo da.

Zamalanak Mateo Moraza kaletik egingo dira.

 

Pintore kalea (San Frantzisko Xabierkoaren kantoitik Errege ateraino):

Leku bakarretik egingo dira sartu-irtenak,

San Frantzisko Xabierkoaren kantoitik.

Zirkulazioaren noranzko bikoitza.

Zamalanetarako bakarrik sartu ahalko da.

 

San Frantzisko kalea:

Itxita.

 

Errege atea:

Itxita egongo da.

Irteerak:           Barnekale Berritik: auzokoak eta zamalanetarako.

Kanpokale Berritik: oro har.

 

Santa Maria kalea:

Zirkulazioaren noranzkoa hegoaldetik iparraldera izango da, kale osoan.

 

 

 

TUVISA

TUVISAren 5., 6., 7. eta 10. lineei ere eragingo die. Prado kaleko eta Olagibel kaleko 20.eko geltokietan ez da zerbitzurik izango azaroaren 23tik 27ra arte.

Share