Prentsa Oharren banner

Adinekoentzako zentro soziokulturalek Udako Gauak programa abiarazi dute; aire zabaleko zine-emanaldiak eta jazza herritar guztientzat

 

Datorren ostiralean hasiko da adinekoentzako zentro soziokulturaletako Udako Gauak aisialdi programa. Aire zabaleko bi zine-emanaldi eta jazz kontzertu didaktikoa izango dira herritar guztientzat

 

 

 

 

 

Uztailaren 12an, ostirala, Coco filma proiektatuko da Abetxukuko plaza nagusian, 22:30ean. Disney-Pixar faktoriako ekoizpen animatu honek mexikarren Hildakoen Eguna delako jaia du inspirazio iturri, eta hainbat sari irabazi ditu 2018an: film animatu onenarentzako Urrezko Globoa eta film animatu onenarentzako eta jatorrizko abesti onenarentzako Oscar sariak.

Uztailaren 15ean, jazz session kontzertu didaktikoa izango da, Didi Jazz taldearen eskutik, Vital Fundazioak Dendaraban duen aretoan. Getxoko Musika Eskolan sortutako laukote honek jazz musikak 50. hamarkadatik 70. hamarkadara egindako ibilbidea erakutsiko digu, eta honako musikariak ekarriko ditu, besteak beste, gogora: Monk, John Coltrane, Henderson eta Chick Korea. 18:00etan hasiko da.

Uztailaren 19an, ostirala, aire zabaleko zine-emanaldia izango da. Theodore Melfi zuzendari estatubatuarraren “Figuras ocultas” filma izango da ikusgai Arana auzoko Galizia plazan, 22:30ean. Filmak Gerra Hotzean NASArako lan egin zuten hiru emakume zientzialari afroamerikarren benetako bizitza kontatzen du, eta afroamerikarren eskubide zibilen aldeko borrokaren isla da.

Jarduera guztiak doakoak eta herritar guztientzat dira

Share